陳志雲嘆年紀大難結婚
[img]http://static.apple.nextmedia.com/images/apple-photos/apple/20160808/large/08ec4p21.jpg[/img]陳志雲和莊陳有昨日在銅鑼灣行人專用區宣傳本月24至28日舉行的「暗中作樂2016」，兩人在街頭玩打鼓進行快閃活動，恰巧王維基在附近為選舉拉票，王維基得知志雲在宣傳，用咪大嗌陳志雲，但最終志雲冇回應閃走志雲說：「同佢咁熟更加避嫌，任何人參選我都支持，所以嗰時知道佢話選我都好支持，多人選多啲選擇。」志雲表示為了今次的宣傳，早前專誠去學打鼓，由於是首次在街頭玩快閃，感到好刺激。
57歲的陳志雲主動提及王賢誌婚事，他坦言自己已一把年紀，很難找對象，所以沒想過婚事，他說：「都未有對象就諗結婚，太早喇，要有對象有共識先有得計劃，你哋有冇好介紹畀我識。」
採訪：卓寶花
攝影：沈健程
from:[url]http://hk.apple.nextmedia.com/entertainment/art/20160808/19726905[/url]
陳志雲讚有線大家庭
[img]http://static.apple.nextmedia.com/images/apple-photos/apple/20160903/large/03ec4p4.jpg[/img]陳志雲昨日接受有線鍾慧冰訪問，他首次踏足有線：「見到好多以前無綫嘅舊同事，呢度都係另一個大家庭。」談到陳百祥（阿叻）早前指香港只得無綫一間電視台，遭網民鬧爆，他說：「我諗佢意思係全部人一條心為香港觀眾服務咁解，又或者可能佢都唔知自己講緊乜嘢呢。」
講到下月底跟葉童合演舞台劇，陳志雲說：「有葉童一齊我好放心，佢係兩屆影后，有乜嘢唔好都可以賴佢。」
採訪、攝影：曹家誠
from:[url]http://hk.apple.nextmedia.com/entertainment/art/20160903/19758165[/url]
陳志雲自揭曾想跳樓
[img]http://static.apple.nextmedia.com/images/apple-photos/apple/20160906/large/06ec2p20.jpg[/img]陳志雲慶幸挫折時獲身邊人支持，很快踢走負面情緒。
陳志雲昨日到銅鑼灣出席《生命的寶藏》繪本記者會，並舉行講座。他自揭曾經歷情緒低谷，有輕生念頭，慶幸有樂觀父母和信仰，很快走出負面情緒。他憶述當年ICAC事件發生初期被停職，有一剎那想從17樓跳下去，現在回想是人生經歷。
陳志雲說：「當時憂慮日後點生活、工作、人哋點睇自己，感恩挫折時身邊好多人支持。最深刻有次喺美麗華商場，有人跨過扶手電梯捉住我手話信我，令我好窩心。」而馬逢國連任，他說：「我哋三個主持《雲常開》都冇票，佢個界別只係團體票，係荒天下之大亂，咁多資深演藝界人物都唔可以投票，真係要檢討吓。」
採訪、攝影：卓寶花
from:[url]http://hk.apple.nextmedia.com/entertainment/art/20160906/19761164[/url]
陳志雲享受男女傾慕
[img]http://static.apple.nextmedia.com/images/apple-photos/apple/20160910/large/10ec2p40.jpg[/img]陳志雲表示與王賢誌是朋友。
陳志雲性取向一直成疑，日前他接受有線娛樂新聞主持鍾慧冰大逼供時首度公開表態，「呢個人最緊要係同我一樣咁愛對方，係咪男女都得？等我感覺到愛先諗呢個問題啦！其實我已經57歲，已經唔諗呢啲㗎啦！」志雲認為男女都可以傾慕他。
陳志雲更重提當日王賢誌對自己的不滿：「當年我做埋幕前，王賢誌唔開心，覺得我做到嘅嘢佢都做得到，點解我要爭飯食！後來崔建邦好多嘢做，佢又以為我偏心，其實工作上都係監製決定，後來王賢誌明白咗，𠵱家咪做返朋友囉！」
撰文：非非
from:[url]http://hk.apple.nextmedia.com/entertainment/art/20160910/19766012[/url]
志雲被鄧健泓叫Honey
[img]http://static.apple.nextmedia.com/images/apple-photos/apple/20160914/large/14ec5p4.jpg[/img]陳志雲、石詠莉同周國賢等噚日喺旺角出席慈善活動，志雲指身在上海嘅鄧健泓叮囑佢要照顧石詠莉：「佢話如果記者朋友唔同石詠莉傾偈，佢就唔夠曝光率，所以請大家多多關照，我怕之前叫我做honey嘅鄧健泓返嚟埋怨我，我變咗lemon就唔好啦！」
對於出爐港姐冠軍馮盈盈曾爆粗怒鬧特首梁振英，佢認為唔會影響港姐形象：「又唔係做啲乜嘢，佢真情流露啫。」
撰文：馮仁昭
from:[url]http://hk.apple.nextmedia.com/entertainment/art/20160914/19769852[/url]
志雲抗敏藥當安眠藥
[img]http://static.apple.nextmedia.com/images/apple-photos/apple/20161111/large/11ec5p7.jpg[/img]陳志雲同陳美齡噚日喺尖沙嘴為一個講座活動宣傳，陳美齡係活動嘅主持，而陳志雲就係講者之一，大家會分享點樣做一個快樂香港人。志雲話好感恩有快樂人生，早前做舞台劇俾無形壓力影響，搞到雙腳出疹，求醫之後好好控制情緒同心情就好番晒，佢仲自爆日前將抗敏藥當安眠藥服用，仲可以即刻瞓着，證明只係心理作用係要食藥瞓覺。
撰文：馮仁昭
from:[url]http://hk.apple.nextmedia.com/entertainment/art/20161111/19829735[/url]
志雲被窒剃毛
[img]http://static.apple.nextmedia.com/images/apple-photos/apple/20170622/large/22ec1p24.jpg[/img]王喜（左）與陳志雲拉起褲腳比腳毛。
陳志雲、葉童、王喜、石修及江美儀等昨日齊集北角新光戲院，為今日起一連六日公演的舞台劇《雷雨对日出》作總綵排，劇中王喜飾演志雲的弟弟，葉童既是志雲後母又是情人，有亂倫關係，問到跟葉童有否親熱戲份？志雲說：「葉童會捉我隻手摸佢胸膛，但只會摸到心口位置。」追問到綵排時摸葉童胸口是甚麼感覺，葉童搶答說：「好硬淨。」
劇中志雲需要不時跪地，所以他戴上護膝作保護，當志雲拉起褲管讓傳媒拍照時，口多多的王喜即笑說：「冇腳毛，你自己剃㗎？」志雲自稱是天生麗質。胡諾言指尾場會加插打志雲的戲份，志雲即警告大家小心他還手。
採訪：黃曉妍
攝影：陳慧安
from:[url]http://hk.apple.nextmedia.com/entertainment/art/20170622/20064165[/url]
陳志雲摑王喜耍花槍
[img]http://static.apple.nextmedia.com/images/apple-photos/apple/20170629/large/29ec2p12e.jpg[/img]陳志雲（左）前晚在慶功宴上重演劇中摑王喜一幕。
陳志雲、王喜和葉童前晚在北角演出最後一場舞台劇《雷雨对日出》，之後一班演員出席慶功宴，志雲於訪問期間重演劇中摑王喜一幕，王喜指志雲不懂得用力，志雲反擊說：「我用力適當，好多人投訴話我打你冇聲。」之後志雲「啪」一聲摑王喜一記耳光，之後你一言我一語，狀似耍花槍，志雲說：「輕鬆晒，做完舞台劇，之前仲擔心傷風感冒，影響把聲，𠵱家可以盡情食，同埋王喜之前感冒，冇人敢惹佢。」
同場的葉童感慨指劇內全部女人都是被男人拋棄，她說：「自己屋企嗰件對自己都好好。」
採訪：張俊銘
攝影：陳慧安
from:[url]http://hk.apple.nextmedia.com/entertainment/art/20170629/20072036[/url]
陳志雲伸脷賀王喜
[img]http://static.apple.nextmedia.com/images/apple-photos/apple/20170729/large/29ec3p20.jpg[/img]王喜（左）前晚50歲生日，陳志雲跟一班老友為他慶祝，並公開二人搭膊頭的照片，志雲解釋因其他人都閃開。王喜在志雲的facebook留言：「會唔會傳緋聞㗎？」志雲為賀老友生日費盡心思，親自買蛋糕、美酒，又買emoji氣球，更伸脷影相，似乎比壽星仔更興奮。
王喜昨日受訪時說：「畀佢high吓啦，佢做主持做得多，面對鏡頭有亢奮症！」志雲強調沒有飲酒，因昨早要主持節目。
採訪：魯吉
from:[url]http://hk.apple.nextmedia.com/entertainment/art/20170729/20104854[/url]
頁:
[1]
