徐小鳳打風延騷明晚補唱

young 發表於 2016-8-7 01:08

[img]http://static.apple.nextmedia.com/images/apple-photos/apple/20160802/large/02ec2p31.jpg[/img]
徐小鳳擔心公公婆婆觀眾安全，決定將昨晚的個唱延期。

颱風妮妲襲港，昨晚假紅館舉行的徐小鳳演唱會，大會宣佈將延期至明晚演出，昨午小鳳姐都有返紅館跟工作人員開會，由於大部份觀眾都是公公婆婆，小鳳姐擔心老人家的安全，決定提早宣佈昨晚個唱取消，並風趣地提醒市民說：「8號風球，你哋唔好出街，記住做好防風措施，唔好出去捉精靈。」

大會公告持昨晚門票的觀眾，可改於明晚睇騷，如要求退票則於下週日前到紅館辦理手續，或於8日至12日辦公時間內，到銅鑼灣廣場2期1606室辦手續。昨日近傍晚6時，工作人員於紅館外張貼延期通告，亦有部份心急觀眾到現場瞭解情況。

撰文：皓騫
from:[url]http://hk.apple.nextmedia.com/entertainment/art/20160802/19718930[/url]

young 發表於 2016-8-10 06:58

尾場送鹽花小鳳姐大講胸圍

[img]http://static.apple.nextmedia.com/images/apple-photos/apple/20160808/large/08ec5p1.jpg[/img]
小鳳姐拎起把做咗手腳嘅軟尺幫家燕姐度腰。

徐小鳳一連8場演唱會前晚喺紅館圓滿結束，小鳳姐連環發放笑彈。演唱會中途有男粉絲對住小鳳姐大叫「我愛你」，小鳳姐話：「咁肉麻，呢啲私下講，唔好大庭廣眾講，如果係咁，你騷畀我睇，show me your love，呢個係中文，即係粟米肉粒。」
[img]http://static.apple.nextmedia.com/images/apple-photos/apple/20160808/large/08ec5p2.jpg[/img]
（左起）薛家燕、小鳳姐同黃淑儀識咗好耐。
[img]http://static.apple.nextmedia.com/images/apple-photos/apple/20160808/large/08ec5p3.jpg[/img]
有粉絲着波點裝到場，襯番小鳳姐。

[b]出術度22吋腰[/b]

尾場嘉賓係杜德偉，仲有黃淑儀同薛家燕，幾個阿姐話大家識咗好耐，講起小鳳姐條22吋纖腰，佢話：「當時話我22吋，其實可能係18吋，未發育，𠵱家先至係叫做正式發育。」小鳳姐即場幫家燕姐度腰，仲以為佢笑家燕有水桶腰，原來係一齊搞笑，因為軟尺做咗手腳，成把尺都寫住22吋。小鳳姐又寸家燕姐件衫，話佢件粉紅底藍色花紋衫：「遠睇以為你着胸圍。」家燕姐笑笑口話：「咁着睇瘦啲。」

講起胸圍，小鳳姐即場分享一件陳年舊事：「好耐之前有個朋友同我講，話行女人街，內衣檔口個哥哥叫人買胸圍，佢大叫話『嚟買啦！徐小鳳都着過。』嗰時知道嬲到我死，成日想落去鬧鬼佢，嗰次之後唔敢落去女人街嗰度。」

撰文：馮仁昭
from:[url]http://hk.apple.nextmedia.com/entertainment/art/20160808/19726879[/url]

young 發表於 2016-8-24 01:01

小鳳姐封家燕姐偶像

[img]http://static.apple.nextmedia.com/images/apple-photos/apple/20160822/large/22ec3p7a.jpg[/img]
小鳳姐（右二）笑稱家燕姐是偶像，因此到場支持。

薛家燕前晚在新光戲院舉行《夢飛翔暑假大匯演2016》，請來好友徐小鳳、黃淑儀及馮素波做嘉賓。家燕媽媽藝術中心的一班學生，扮演家燕姐由童星至今所演角色。家燕姐表示：「我嘅星夢奇緣由8歲到𠵱家，有得亦有失，但我覺得非常有意義，小朋友自細培養好緊要，希望薪火相傳。」問到學生拍劇會否抽佣？家燕姐說：「濕濕碎啦！志在培育，將來識報恩咪嚟搵我，唔識咪算囉！」

小鳳姐專程來支持家燕姐，她說：「佢係我成長嘅偶像同icon，所以一定要嚟！」她剛舉行完演唱會，問到會否做巡唱？小鳳姐笑說：「等我瞓夠先，之前好似做咗場激烈運動咁！」

採訪：黃曉妍
攝影：沈健程
from:[url]http://hk.apple.nextmedia.com/entertainment/art/20160822/19745227[/url]

頁: [1]

著數優惠交流網's Archiver