馬浚偉翻唱陳秋霞金曲
[img]http://static.apple.nextmedia.com/images/apple-photos/apple/20160801/large/01ec5p50.jpg[/img]馬浚偉為11月公演嘅舞台劇《偶然．徐志摩》，擔任監製、編劇、導演同演員，仲翻唱埋主題曲《偶然》，呢首歌有幾位前輩歌手唱過，原作同原唱嘅陳秋霞知道馬仔翻唱後，仲鼓勵馬仔，馬仔話：「特別版單曲碟一出，我一定會預留一張畀秋霞姐姐，好期待秋霞姐姐畀意見。」最近日夜排戲嘅馬仔，仲因為休息不足搞到喉嚨發炎。
撰文：馮仁昭
from:[url]http://hk.apple.nextmedia.com/entertainment/art/20160801/19717455[/url]
馬浚偉俾萬綺雯電親
[img]http://static.apple.nextmedia.com/images/apple-photos/apple/20160806/large/06ec3p7.jpg[/img]（左起）萬綺雯、馬浚偉及羅敏莊等合演舞台劇，將於11月公演。
馬浚偉身兼監製、編劇、導演及演員四職的舞台劇《偶然．徐志摩》，將於11月在灣仔演藝學院公演，門票本月11日公開發售。日前馬仔與萬綺雯（蚊蚊）和羅敏莊等拍攝劇照和海報，馬仔笑指一見穿戲服的蚊蚊即時O嘴，他日前說：「自己睇咗好多video同相，覺得蚊蚊同陸小曼真係好似樣，所以一諗就諗起佢。嗰日見到蚊蚊着住戲服擺晒甫士，我都O晒嘴嚇咗一跳，真係好似。係男人都會俾佢電暈，索到爆。」
馬仔又謂：「有日蚊蚊老公陳十三嚟接佢，我都忍唔住同十三講『你老婆太正啦！』嚟緊我同蚊蚊及羅敏莊會有親熱戲綵排，我都好歡迎佢哋嘅老公監場㗎！」
採訪：魯吉
from:[url]http://hk.apple.nextmedia.com/entertainment/art/20160806/19724589[/url]
馬仔幫羅敏莊跪求校長
[img]http://static.apple.nextmedia.com/images/apple-photos/apple/20160830/large/30ec5p34.jpg[/img]羅敏莊同馬浚偉噚日喺商台宣傳舞台劇，雖然11月先公演，但佢哋𠵱家已綵排得好順利，之前已加場，仲計劃明年下半年做巡迴演出，亦有計劃之後再喺香港重演。但羅敏莊就要顧及囡囡陳禎就嚟升小一嘅問題，羅敏莊話：「我好緊張報一間唔多功課嘅學校，所以好緊張。」
馬浚偉盡量配合，佢話：「我盡量配合，為人母好偉大，你報邊間？我跪求校長收陳禎。」
撰文：馮仁昭
from:[url]http://hk.apple.nextmedia.com/entertainment/art/20160830/19753568[/url]
馬浚偉編上癮度新劇
[img]http://static.apple.nextmedia.com/images/apple-photos/apple/20160915/large/15ec4p2.jpg[/img]馬浚偉噚日喺商台為11月公演嘅舞台劇《偶然．徐志摩》宣傳，身兼監製、導演、編劇同演員嘅佢直言壓力好大，練舞更練到胸椎舊患復發：「我以後會更加疼錫監製同編劇，唔會亂改劇本，要聽話。因為個劇會加入落雨、落雪同水袖舞，所以每排一場會錄低再睇番。」佢仲話完成舞台劇之後會休息十日去郵輪玩，但係對編劇上晒癮嘅佢已經構思緊新嘅舞台劇劇本。
撰文：馮仁昭
馮仁昭
from:[url]http://hk.apple.nextmedia.com/entertainment/art/20160915/19770840[/url]
馬浚偉萬綺雯跳華爾滋
[img]http://static.apple.nextmedia.com/images/apple-photos/apple/20160926/large/26ec5p20.jpg[/img]馬浚偉、萬綺雯同羅敏莊等噚日於西九龍中心，為11月公演嘅舞台劇《偶然．徐志摩》舉行發佈會，今次係馬仔自編自導自演作品，佢大讚萬綺雯為演出而學昆曲、造手同華爾滋，兩人即場示範跳一段華爾滋，而萬綺雯努力學唱昆曲，亦被羅敏莊力讚。現實婚姻美滿嘅羅敏莊透露劇中因婚姻失敗而晚晚與淚抱擁，而馬仔因太投入角色，導致近日不時口花花，不論任何年齡女士都撩。
撰文：馮仁昭
from:[url]http://hk.apple.nextmedia.com/entertainment/art/20160926/19781710[/url]
馬仔喜獲楊天經賀壽
[img]http://static.apple.nextmedia.com/images/apple-photos/apple/20161028/large/28ec6p3.jpg[/img]馬浚偉（右）前日生日，今年要犧牲去慶生派對嘅時間，冇同一班朋友過，只為自資舞台劇《偶然．徐志摩》排練。
不過，一班演員同幕後都好識做，為馬仔預備咗榴槤蛋糕同禮物，馬仔話：「其實今日冇諗過有乜嘢慶祝，因為晚上要排劇，估唔到老友楊天經好醒目，羅敏莊收到風提早返嚟，總之今日好友畀我嘅祝福都收到。」
撰文：馮仁昭
from:[url]http://hk.apple.nextmedia.com/entertainment/art/20161028/19814254[/url]
馬浚偉期待娜姐色誘
[img]http://static.apple.nextmedia.com/images/apple-photos/apple/20161119/large/19ec3p1.jpg[/img]（左起）關寶慧、馬浚偉及朱慧敏前晚到上環睇舞台劇《離家出狗》。
馬浚偉、朱慧敏、關寶慧前晚到上環欣賞舞台劇《離家出狗》，馬仔指自己是唐貝詩的叔叔，所以特意來捧場。之後馬仔會跟周秀娜拍新劇《深宮計》，兩人還有調情戲。娜姐曾表示想盡快見到馬仔，他說：「即刻出嚟飲嘢啦！色誘我都係劇情需要，拍戲冇俾人色誘過。」馬仔在新劇中有出浴戲，他要日日操肌：「我演皇帝，出浴有層紗，但都要做gym加操！希望兩個月後剝得衫，否則點見人！」
另外，朱慧敏同關寶慧有份到上海演舞台劇《我和春天有個約會》，朱慧敏賣口乖：「我睇寶慧姐姐好多舞台劇，佢嘅聲線、演技同唱歌都好！」
採訪、攝影：卓寶花
from:[url]http://hk.apple.nextmedia.com/entertainment/art/20161119/19838459[/url]
馬浚偉突頭痛驚中風
[img]http://static.apple.nextmedia.com/images/apple-photos/apple/20161121/large/21ec4p10.jpg[/img]馬浚偉噚日以健康大使身份參與荃灣舉行慈善步行，同場黃夏蕙、馮凱淇同馬嘉均擔任愛心大使。
本身有遺傳性偏頭痛嘅馬仔，上個月有晚突然頭痛，但以往痛症只喺左邊，佢話：「嗰晚右邊好痛，仲要感覺成個頭脹晒，似有中風先兆，即刻打畀同事車我入院，做晒磁力共振、驗血等檢查，醫生話我指數好正常，同埋會中風嘅風險都較低。」
撰文：馮仁昭
from:[url]http://hk.apple.nextmedia.com/entertainment/art/20161121/19840284[/url]
馬浚偉籲定期驗身
[img]http://static.apple.nextmedia.com/images/apple-photos/apple/20161125/large/25ec4p3e.jpg[/img]馬浚偉噚日探訪黃竹坑一間癌症康復中心，向病人逐一送上由義工編織嘅頸巾及手套，提到馬仔媽媽同癌症對抗二十幾年，最後因病去逝，而妹妹亦係癌症康復病人，佢話作為家屬係要用樂觀心態去面對：「我當時識好多醫生，詢問咗好多癌症知識。」馬仔話因為媽咪有癌症，提醒咗佢每年定期驗血同埋檢查身體，佢亦呼籲大家，切勿諱疾忌醫，有病要即刻醫。
撰文：馮仁昭
from:[url]http://hk.apple.nextmedia.com/entertainment/art/20161125/19844553[/url]
馬浚偉操肌拍出浴戲
[img]http://static.apple.nextmedia.com/images/apple-photos/apple/20161212/large/12ec5p7a.jpg[/img]馬浚偉噚日到九龍公園出任香港癌病日活動大使，分享健康飲食之道。馬仔媽咪同妹妹先後患上癌症，媽咪多年前病逝，妹妹已康復，而馬仔每年都會檢查癌症指數。
將開拍新劇嘅馬仔，戲中有出浴鏡頭，要加緊操fit，佢話條腰細咗個碼，腹部開始有格仔，馬仔話：「肚腩已經冇咗，同劇周秀娜同胡定欣都咁fit，我無謂整個腩畀人睇咁油膩。」
撰文：馮仁昭
from:[url]http://hk.apple.nextmedia.com/entertainment/art/20161212/19862339[/url]
頁:
[1]
