伍姑娘魚網包C奶
[img]http://static.apple.nextmedia.com/images/apple-photos/apple/20160719/large/19ec4p1e.jpg[/img]伍詠薇（右）和陀仔契妹陳敏之前日相約到石澳曬太陽吸睛，但兩人就在社交網變身大話妹，訛稱身處蘇梅島媾仔，亮點當然是伍姑娘著泳衣bra top，外穿魚網裝曬太陽，胸前3吋事業線極誘人，巨咪大過谷奶敏之，伍姑娘昨在電話中搞笑說：「我梗係勁啦，我係名副其實『C奶』，你估我真係『師奶』咩。」伍姑娘還撇甩老公練海棠坐猛男電單車尾做索飛女。
採訪：陳傑
from:[url]http://hk.apple.nextmedia.com/entertainment/art/20160719/19700144[/url]
伍姑娘告誡練海棠：唔好挑釁底線
[img]http://static.apple.nextmedia.com/images/apple-photos/apple/20160727/large/27ec3p1.jpg[/img]伍詠薇日前接受專訪時表示兩夫婦發生問題時，最重要是尋求解決方法。
攝影：陳志嵐
髮型：Terrence Chan of HAiR
化妝：Din Law of M.A.C Cosmetics
服裝：A.P.C
場地：hmv Bar& Restaurant
【《蘋果》專訪】現年47歲的伍詠薇和廣告人練海棠，本月初剛慶祝結婚17周年，但上月練海棠被爆背妻帶34D長髮女匿車廂密會兩粒鐘。面對小三疑雲，伍姑娘除一句「玩完要老婆執手尾」，還代夫道歉，堪稱「EQ女王」。犀利人妻伍姑娘嫌練海棠性格過於猶豫，她日前在銅鑼灣接受本報專訪時表示，假若夫妻間相處不來，她會果斷離婚，絕不拖泥帶水。
伍姑娘拒絕做EQ女王，她說：「邊個會鍾意呢種EQ同回應，不過都多謝讚我。」又否認事後審問老公：「一對同居情侶或夫妻間，唾罵愛人係冇意思，問題係要拎嚟解決。」她選擇用沉默懲罰老公：「大家沉澱吓，沉澱完就傾番偈，繼續我哋嘅生活，我唔會鬧一個我愛嘅人。」
[img]http://static.apple.nextmedia.com/images/apple-photos/apple/20160727/large/27ec3p4.jpg[/img]
上月底伍詠薇與老公練海棠到三亞度假，還在微博留言過了一個超級瘋狂愉快的假期。微博圖片
[img]http://static.apple.nextmedia.com/images/apple-photos/apple/20160727/large/27ec3p2.jpg[/img]
伍詠薇做完心理測驗後，結果證明她是理性型。
[img]http://static.apple.nextmedia.com/images/apple-photos/apple/20160727/large/27ec3p3.jpg[/img]
犀利人妻伍詠薇坦言不會為死守練太這個名份而受委屈。
[b]「唔啱就離婚」[/b]
兩人結婚17年甚少嗌交，炒鑊甘是婚後不久發生，當時伍姑娘北上拍劇集《大唐雙龍傳》，有晚致電練海棠時發現他夜蒲有女聲，她即質問：「我話『點解有個女仔咁嘈，阿吱阿咗摩洛哥，你靜啲先打番畀我』，然後收線。」伍姑娘坦承時惡時溫柔，具備雙重性格：「我係難以觸摸，30幾歲後成熟咗，鬧係冇意思，不如諗個方法大家相處得快樂。」她亦不會為死守練太名份受委屈：「唔啱就要離婚，話之你『練太』定『煉奶』，我幾任性，唔得就分開做朋友好過。」問到她對老公有期望嗎？她抵死說：「咁就有，佢都要畀錢我使㗎。」
[b]最嫌諗得太多[/b]
夫妻間必須包容，伍姑娘僅數到老公一樣缺點：「佢決定嘢冇我咁快，猶豫啲。」二人可從媾女事件上有所領悟？她寸嘴說：「我冇諗過我要學習啲乜嘢，可能經一事，老公更愛我，佢見到我處理呢件事咁冷靜，永遠唔知自己底線，唔好挑釁自己底線。我會盡量保護呢段關係，佢都受傷害，男人其實好脆弱。」伍姑娘自評人妻表現有90分，衰在不會下廚。
此外，訪問當日，伍姑娘還接受挑戰心理測驗，結果證明她是理性型。
採訪：陳杰
from:[url]http://hk.apple.nextmedia.com/entertainment/art/20160727/19710856[/url]
伍姑娘安全理由鏟走助手AppPokémon GO搶客收視票房下跌
[img]http://static.apple.nextmedia.com/images/apple-photos/apple/20160728/large/28ec3p21a.jpg[/img]前晚入場看戲的觀眾仍不停捉精靈。
攝影：譚倩宜
人人潮玩Pokémon GO，搶捉精靈，各區鬧巿街頭聚集了不少精靈訓練員，令電視收視和電影票房同樣受影響，遊戲大前日登陸香港，無綫同日播出劇集《愛．回家之八時入席》平均收視得23.1點，較上周跌了0.7點，流失約4.5萬觀眾。前日跌幅更勁，《東張西望》平均收視得18點，對比上周跌1.6點，流失約10.3萬觀眾，而《愛．回家》跌幅達2.5點，流失約16.2萬觀眾！
[img]http://static.apple.nextmedia.com/images/apple-photos/apple/20160728/large/28ec3p40a.jpg[/img]
由陳豪及邵美琪主演的《完美叛侶》收視連續錄得跌，平均流失近13萬觀眾。
劇照
《完美叛侶》亦連續錄得跌幅，平均收視22點，跌2點，流失近13萬觀眾。《一屋老友記》前晚平均收視了1.5點，流失約9.7萬觀眾，《魔王之王》前晚平均收視得19.6點，跌了0.3點，流失1.9萬觀眾。
[b]流失142萬票房[/b]
入場看戲觀眾都明顯減少，入場人次前日只有62,353人，票房得約414萬港元，相比起上周二的85,255人次、約556萬港元票房，少了約142萬港元票房。有指Pokémon GO效應搶去票房，戲院商會副主席崔顯威昨在電話訪問中說：「我哋未實際了解，不過我睇番嗰數係跌咗，你咁講會有可能，呢兩日大家都低頭，呢個熱潮有影響。」他並相信可能會持續一段日子。
[img]http://static.apple.nextmedia.com/images/apple-photos/apple/20160728/large/28ec3p12a.jpg[/img]
伍詠薇勸喻女助手要勤力工作，女助手最終揀了波士，放棄捉小精靈。
[img]http://static.apple.nextmedia.com/images/apple-photos/apple/20160728/large/28ec3p13a.jpg[/img]
伍詠薇前晚在fb直播，親手鏟走女助手手機的Pokémon GO的app。
連伍詠薇前晚都在facebook直播，要女助手妹頭即時鏟走手機上的Pokémon GO app，片中助手笑言：「我永遠唔會再玩，好明顯我波士吸引啲，我捕獲佢。」主僕同心做抽水騷，伍姑娘昨日接受電話訪問時說：「噚晚我親手主持按動delete儀式，助手要勤力返工，佢頭耷耷眼濕濕，同我過馬路撞死咗到時點算，我個助手自願delete，佢話唔想玩，玩咗一次都冇興趣。」
伍姑娘老公練海棠日前獨自坐白色媾女戰車到數碼港超巿買餸，住家男上身挑選調味料、扒類和海鮮，問到可是下廚𠱁老婆？他說：「使乜𠱁㗎，唔使𠱁！飯就日日都要食㗎啦！」
採訪、攝影：徐錦池、吳耀輝、李森、陳杰
[img]http://static.apple.nextmedia.com/images/apple-photos/apple/20160728/large/28ec3p11a.jpg[/img]
伍詠薇不准女助手工作時沉迷捉小精靈。資料圖片
[img]http://static.apple.nextmedia.com/images/apple-photos/apple/20160728/large/28ec3p15a.jpg[/img]
一身街坊裝的練海棠，到超巿不忘自備環保袋。
from:[url]http://hk.apple.nextmedia.com/entertainment/art/20160728/19712406[/url]
伍姑娘吻賀阿倫牛一
[img]http://static.apple.nextmedia.com/images/apple-photos/apple/20160816/large/16ec2p101.jpg[/img]譚詠麟（阿倫）同伍詠薇噚日到商台宣傳新片《江湖悲劇》，下周二係阿倫66歲生日，伍姑娘即場獻吻賀壽，阿倫話今年生日唔會大事慶祝：「朝早可能安排場波踢吓。」伍姑娘喺《江》片中情挑阿倫，問阿倫有冇感到衝動，佢話：「真係有，犀利。」咁有冇動L（生理反應）？阿倫笑言：「你睇我定力咁渣咩！」他笑指要親身感受才知伍姑娘嘅狂野。
撰文：馮仁昭
from:[url]http://hk.apple.nextmedia.com/entertainment/art/20160816/19737490[/url]
伍姑娘開心公然出軌
[img]http://static.apple.nextmedia.com/images/apple-photos/apple/20161031/large/31ec2p15.jpg[/img]（左起）伍詠薇、詹瑞文同向海嵐噚日喺尖沙嘴宣傳12月公演嘅舞台劇《嬉春酒店2016》，眾人在台上跳《PPAP》舞，大放笑彈。劇中演偷情男女嘅詹瑞文同伍姑娘，喺台上合照時又抱又扮咀，伍姑娘高呼：「有得公然出軌好開心。」問偷食劇情會否令人聯想佢老公早前疑似偷食事件？伍姑娘話：「儍儍哋，嗰啲家事解決晒啦。」詹瑞文就笑言劇中有港姐向海嵐同亞姐伍姑娘，可謂艷福無邊。
撰文：馮仁昭
from:[url]http://hk.apple.nextmedia.com/entertainment/art/20161031/19817416[/url]
伍姑娘任詹Sir胸襲
[img]http://static.apple.nextmedia.com/images/apple-photos/apple/20161123/large/23ec3p2e.jpg[/img]詹瑞文和伍詠薇昨日為新劇綵排挨心口動作。
詹瑞文、伍詠薇、林嘉華和向海嵐等昨日在新蒲崗為舞台劇《嬉春酒店2016》綵排，眾演員又即場試演，劇中飾演一對偷情男女的詹Sir和伍姑娘，有一幕要挨心口兼摸胸動作，伍姑娘更大叫：「哎呀，我個波扁啦！」相當抵死。
兩人受訪時稱今次為這經典劇目加插多項新元素，伍姑娘說：「初初排嘅時候我好緊張，成個人硬晒，好彩經詹Sir講解完即刻放鬆晒。」身旁的詹Sir就笑說：「你之前唔G（知）點呀嘛，𠵱家你G（知）道晒個點係點啦。」公演時詹Sir會否真摸？伍姑娘說：「睇吓觀眾反應點啦，我多數都唔縮㗎啦。」
採訪：曹家誠
攝影：陳俊強
from:[url]http://hk.apple.nextmedia.com/entertainment/art/20161123/19842327[/url]
伍姑娘睇廣告學做導演
[img]http://static.apple.nextmedia.com/images/apple-photos/apple/20161214/large/14ec3p1.jpg[/img]伍詠薇（左）透露明年將會執導一部電影。
伍詠薇、詹瑞文、劉美君及李健宏（Kevin Boy）執導ViuTV真人騷節目《碌卡大導》微電影，前晚在奥海城舉行首映禮，同場還有劉浩龍、Robynn and Kendy和游學修等。伍姑娘獲老公練海棠及補習天王胞兄伍經衡撐場，她透露明年會執導一部電影：「好多謝練海狗（練海棠），佢係出色廣告人，畀咗好多廣告片我睇，希望到時用得着。」
劉美君於上周六度過了52歲生日，做了嫲嫲的她仍然保養得宜，她表示正日和相識40多年的同學開派對，現已期待60歲大壽。提到外籍男友Steve沒同行，她笑說：「仲係嗰個，拍咗8年喇！上次同佢嚟，我只係工作，帶子洪郎咁，2月啦，男友同孫都會嚟。」她自言滿足現狀，無意再婚。
採訪：卓寶花
攝影：陳俊強
from:[url]http://hk.apple.nextmedia.com/entertainment/art/20161214/19864304[/url]
頁:
[1]
