吳業坤坤哥下月唱爆紅館
[img]http://static.apple.nextmedia.com/images/apple-photos/apple/20160705/large/05ec5p20.jpg[/img]吳業坤（坤哥）上年年尾喺頒獎禮攞新人獎喊到眼鏡起霧，人氣爆燈，唱片公司噚日正式宣佈坤哥第一個紅館個唱會喺下月10號舉行，門票今日就會接受信用卡優先訂票。對於有傳話今次開騷嘉賓多達10幾位，坤哥就笑住話：「非常好嘅提議，但都係講笑，嘉賓仲係邀請緊，可能係我一位超級偶像或者不斷鼓勵我嘅前輩，希望到時畀驚喜大家！」
撰文：馮仁昭
from:[url]http://hk.apple.nextmedia.com/entertainment/art/20160705/19681319[/url]
坤哥關心吳若希驚誤會
[img]http://static.apple.nextmedia.com/images/apple-photos/apple/20160708/large/08ec8p10.jpg[/img]吳業坤同阮小儀噚日喺銅鑼灣出席配音電影活動，坤哥將會喺紅館舉行處男個唱，佢話：「大家對我rundown有好多揣測，保持神秘先。有好多人哋嘅歌想唱，最難係唱男前輩嘅歌，因為大家本身對歌有印象，希望大家會覺得值回票價。」吳若希喺fb對司徒夾帶有關娛圈潛規則對號入座爆粗，坤哥話：「等我關心下佢先，但佢有男朋友怕誤會喎，等我見面先問佢。」
撰文：馮仁昭
from:[url]http://hk.apple.nextmedia.com/entertainment/art/20160708/19685668[/url]
坤哥開騷扣起八成飛
[img]http://static.apple.nextmedia.com/images/apple-photos/apple/20160713/large/13ec3p5.jpg[/img]吳業坤昨在黃埔宣傳下月在紅館舉行的演唱會，即場宣佈昨日才正式開售的門票已售出九成八。對於有指門票由內部扣起八成，坤哥說：「飛係公司搞，但我都收到好多朋友話想訂飛，希望盡量滿足到大家。暫時冇收到粉絲投訴買唔到飛。」歌曲不多的他被網民笑人氣歌《陽光點的歌》要唱七次？坤哥說：「𠵱家仲錄緊新歌，到時應該有十幾首，其他人嘅又有，一半一半囉！」
採訪、攝影：曹家誠
from:[url]http://hk.apple.nextmedia.com/entertainment/art/20160713/19692012[/url]
坤哥提Aka玩驚喜
[img]http://static.apple.nextmedia.com/images/apple-photos/apple/20160716/large/16ec4p1.jpg[/img]大忙人吳業坤忙綵排演唱會、拍劇和籌備大碟，昨日帶着疲倦身軀的他現身商台，他說：「𠵱家會抽多啲時間做運動，keep番狀態。」坤哥是不是沒有時間拍拖？他說：「一路都冇，留番啲時間睇歌詞，因為唱好多人嘅歌，記歌詞有難度。」問他會不會唱緋聞女友Aka組合SG的歌？坤哥尷尬地說：「唔回應，到時大家睇驚喜，到時會唱胡鴻鈞同許廷鏗嘅歌。」
from:[url]http://hk.apple.nextmedia.com/entertainment/art/20160716/19696814[/url]
坤哥誇口得罪人
[img]http://static.apple.nextmedia.com/images/apple-photos/apple/20160719/large/19ec5p3.jpg[/img]吳業坤（坤哥）噚日去商台宣傳紅館個唱，佢日前喺訪問中誇口話自己第一次喺紅館開嘅演唱會飛，開售一日就可以賣晒，自覺講錯嘢，話會好好警惕，佢話：「呢句說話，係我一世人都會後悔講過嘅說話，如果我一句說話，令到其他人嘅工作白費，錫我嘅人都同我講點解我講嘢咁衝動，所以我𠵱家講嘢要慢啲，避免禍從口出。」
撰文：馮仁昭
from:[url]http://hk.apple.nextmedia.com/entertainment/art/20160719/19700297[/url]
周子揚被坤哥起飛腳
[img]http://static.apple.nextmedia.com/images/apple-photos/apple/20160720/large/1468937821_92e3.jpg[/img]周子揚（左）上載與坤哥合唱的《霧花》，更稱是為坤哥度身訂做。
周子揚日前在YouTube上載與吳業坤合唱的《霧花》MV，並邀請顏子菲、趙哲妤及一班素人助陣，他們輪流掌摑坤哥和周子揚，摑足18巴，坤哥更反串扮女人摑自己，十分搞笑。
昨日有人爆料，指《霧花》是兩年前作品，坤哥未紅前找周子揚作曲，當時沒人肯投資，兩人夾6千元製作。後來坤哥憑《原來她不夠愛我》爆紅，周子揚以為可以乘勝追擊成為第二炮，但坤哥拖字訣不停說「遲啲先」，令周子揚甚無癮。
問在北京拍劇的周子揚，是否被坤哥起飛腳？他指大家是兄弟，但承認有點失望：「當時係坤哥叫我幫手寫，真係幫佢度身訂做。」
採訪：嵐山
from:[url]http://hk.apple.nextmedia.com/entertainment/art/20160720/19701515[/url]
坤哥紅館騷fb散飛又爆關公災難
吳業坤下個月10號One and only one一場紅館騷《KWANGOR LIVE IN HONG KONG吳業坤演唱會》開騷。得一場演唱會，咁啲飛梗係好矜貴，預售第一日，的確好誇，貴飛$480幾乎賣晒，$380得番少量，睇睇座位表個「黑洞」就知，得番少於1/4公開賣飛，仲要幾乎9成係背台位。
咁好賣，咁咪即係一票難求？事後佢都知自己講錯嘢，話好後悔……
原來…又未必喎！
坤哥早排幫一隻護膚品牌做代言人，咁呢個品牌最近喺facebook粉絲專同網民玩遊戲，遊戲規則係首先要買呢個品牌嘅產品，俾吓like，講吓呢個品牌有幾好用咁啦，咁呢，得獎者就有機會奪得坤哥兩張價值$280嘅珍貴門票，仲標明有40個名額o架。
前晚踏正凌晨12點，個遊戲就截止報名，結果數數手指，係…係有6位網民參加咗呢個遊戲！
咁呢6個幸運兒，應該唔使抽，都肯肯定可以得到坤哥嘅演唱會門票啦啩！
不過，其餘嗰34個名額點算好？
有創意網民就喺個fb留言話：
「直接喺到抽多34個留言嘅人啦，無謂浪費啲飛！」
「不如請職業觀眾，可pm小弟，你出飛，我收$80小時，舉牌，大叫另計！」
from:[url]http://hk.apple.nextmedia.com/entertainment/art/20160726/19709558[/url]
坤哥招義工被鬧Cheap爆
[img]http://static.apple.nextmedia.com/images/apple-photos/apple/20160802/large/02ec4p6.jpg[/img]吳業坤（小圖）紅館騷招義工，遭網民勁鬧搵笨。互聯網圖片
吳業坤於下周三舉行的處男紅館騷爆關公災難，被網友質疑搵笨。事緣重點是：「須於演出日前一天綵排」、「而演出後請自行離開，如有購買門票者將可留下返回原位繼續聽。」網民狠批：「邊有歌手開紅館騷要請義工㗎，cheap到爆，真係on X！」亦有網友留言召喚：「坤女郎，你準備好未！」
坤哥回覆傳媒：「是有關演唱會製作上的安排，演唱會上的其中一個環節，希望到時給觀眾一個驚喜，所以詳情現在不便透露。」至於有網民批評搵笨，唱片公司發言人解釋：「唔係強迫性，有興趣先報名，完全唔係搵笨。」
採訪：皓騫
from:[url]http://hk.apple.nextmedia.com/entertainment/art/20160802/19718906[/url]
坤哥排舞打屁股
[img]http://static.apple.nextmedia.com/images/apple-photos/apple/20160805/large/05ec5p3.jpg[/img]仲有一個零星期就係吳業坤（坤哥）嘅首個紅館演唱會，佢之前預告話會勁歌熱舞，噚日佢喺九龍灣預告畀大家睇，坤哥聽住前度Aka女團Super Girls嘅《鎂光燈下》同兩名妙齡女dancer攬腰、掃背同摸面，最後仲拍咗一位女dancer屁股兩吓㖭，佢話：「排舞師見到我動作比較生硬，就同我講Less is more，除咗呢part之外仲有段快歌medley。」
撰文：馮仁昭
from:[url]http://hk.apple.nextmedia.com/entertainment/art/20160805/19723123[/url]
【掩護愛苗】坤哥嘉欣金飯碗上契
[img]http://static.apple.nextmedia.com/images/apple-photos/apple/20160810/large/10ec1p8.jpg[/img]吳業坤、龔嘉欣
不少藝人都對戀情三緘其口，保持「單身」狀態，被揭發親密關係後，常常以弟兄姊妹欲蓋彌彰，當戀情變「親情」後，順理成章結伴外出。
[b]龔嘉欣、吳業坤[/b]
坤哥與龔嘉欣因拍劇傳緋聞，二人今年1月互送金飯碗正式上契，坤哥即場稱呼嘉欣為「坤姐」，斬斷姊弟戀。
[b]吳若希、十哥[/b]
向來緋聞多多的吳若希，曾被指與十哥林棣權關係密切，更獲對方贈送跑馬地千萬豪宅及80萬靚車，事後她解釋指十哥只是uncle。
[b]唐詩詠、馬國明[/b]
唐詩詠自從被洪永城私有化後，常在微博貼與馬國明的合照及影片，以「兄妹」相稱。
[img]http://static.apple.nextmedia.com/images/apple-photos/apple/20160810/large/10ec1p11.jpg[/img]
謝霆鋒、張栢芝
[b]張栢芝、謝霆鋒[/b]
霆鋒當年與王菲拍拖時，有指因栢芝介入而分手，當時霆鋒坦言待栢芝如妹妹，最後兩人於外地秘密結婚，惜2011年宣佈離婚。
from:[url]http://hk.apple.nextmedia.com/entertainment/art/20160810/19729636[/url]
坤哥開騷Aka坐前排
[img]http://static.apple.nextmedia.com/images/apple-photos/apple/20160811/large/11ec2p50r.jpg[/img]坤哥的首次紅館騷昨晚開鑼，他在台上表示好像發夢一樣。
吳業坤的首個紅館演唱會昨晚開鑼，有傳門票銷情慘淡，但全場近乎爆滿，他邀請王祖藍和盧廣仲做嘉賓。除陳志雲、許廷鏗、麥長青夫婦等撐場，連緋聞女友Super Girls成員Aka亦坐頭排看騷，但未見新歡盤菜瑩子。
[img]http://static.apple.nextmedia.com/images/apple-photos/apple/20160811/large/11ec2p52e.jpg[/img]
坤哥緋聞女友Aka，與拍檔Heidi及師妹陳詩欣坐頭排睇騷。
演唱會約8時半開騷，有數十位與坤哥造型一樣的人圍住台中央，坤哥緩緩從台下升起，打頭陣獻唱成名作《原來她不夠愛我》，接着唱《被單身的人》時行到Aka坐的一邊台。他躺在地上說：「有啲哽，但唔緊要，好似發夢咁……原來四面台係咁闊，我由參加比賽到𠵱家都冇乜自信，每次唱歌都望住spotlight，希望大家會記得以下嘅歌。」坤哥還感觸自己在單親家庭長大。
另外，開騷前坤哥在後台舉行拜神儀式，而晚上8時許，突然有大批在網上訂票的人排隊攞飛，引起一陣混亂。
採訪﹕馬建華
攝影：陳順禎
from:[url]http://hk.apple.nextmedia.com/entertainment/art/20160811/19731151[/url]
唔夠自己歌大堆頭嘉賓補數坤哥紅館騷一半翻唱別人的歌
[img]http://static.apple.nextmedia.com/images/apple-photos/apple/20160812/large/12ec1p4.jpg[/img]坤哥搵了多位肌男伴舞演繹快版《原來她不夠愛我》：「邊個話我冇快歌㗎？」
現年26歲、僅出兩隻碟就踏上紅館的吳業坤，前晚舉行終極一場處男騷，坤哥唱盡了15首自己的歌，成名作《原來她不夠愛我》和《陽光點的歌》更各唱兩次，其餘時間不計與大堆頭嘉賓合唱，就靠演繹27首別人的歌撐場，坤哥感慨說：「下次我會儲夠30首歌先開騷！」
吳業坤2010年參加無綫節目《超級巨聲2》獲第五名入行，出道五年只在劇集扮路人甲及於台慶騷扮棋子，鍾意唱歌的他去年終等到機會，憑《原來她不夠愛我》和《陽光點的歌》一炮而紅，坤哥的發憤圖強精神感動人心，於叱咤樂壇頒獎禮連奪我最喜愛的男歌手及歌曲獎，因毒男形象被網友封為「偽毒坤」，更獲公司為他鋪路唱上紅館，於前晚僅開一場。
[img]http://static.apple.nextmedia.com/images/apple-photos/apple/20160812/large/12ec1p1.jpg[/img]
昨日是千嬅跟老公丁子高的結婚周年，但千嬅為撐坤哥前晚寧願取消食飯慶祝，認真錫後輩。
[img]http://static.apple.nextmedia.com/images/apple-photos/apple/20160812/large/12ec1p2.jpg[/img]
表演嘉賓之一的張智霖跟觀眾握手，大受歡迎。
[img]http://static.apple.nextmedia.com/images/apple-photos/apple/20160812/large/12ec1p3.jpg[/img]
台灣歌手盧廣仲（右）都來港為坤哥撐場，兩人更在台上玩自拍。
[b]千嬅壓軸教訓[/b]
由於坤哥只出了兩張碟，網友好奇他是否夠歌撐足一個騷，結果坤哥唱了15首自己的歌，成名作《原》和《陽》兩曲更各唱了兩次，其餘就唱陳奕迅、古巨基、林憶蓮、謝安琪等歌曲撐場，甚至連捧場藝人許廷鏗、林奕匡的歌曲都被揀中演繹，圈中人緣甚好的坤哥更獲楊千嬅、張智霖、盧廣仲和王祖藍大堆頭嘉賓撐場，坤哥跟他們各合唱一首，每位嘉賓又獨唱一首，令處男騷順利撐足近三粒鐘完場。
千嬅是壓軸出場的嘉賓，她叮囑坤哥：「我替你媽媽好開心好感動，喺我咁多年失敗嘅過程中，我畀個錦囊你，一個人無論遇到任何挫折麻煩，只會令你更加成功。有啲人會批評你，講啲說話恐嚇你，但你要記住，一定要聽媽咪講，𠵱家你要信媽咪，第時就信老婆咁就啱㗎喇！」而張智霖（Chilam）就跟坤哥合唱《兵兵》，坤哥說：「我都好鍾意你㗎，不如拖一下啦！」嚇到Chilam說：「嘩！咁好攣喎！」坤哥懇求：「拖一秒啦！」最後兩手掂了一下，全場爆笑。
[img]http://static.apple.nextmedia.com/images/apple-photos/apple/20160812/large/12ec1p5.jpg[/img]
首次開紅館騷的坤哥有幾十位小朋友傍實，戴上自己的招牌眼鏡look陪住唱。
[img]http://static.apple.nextmedia.com/images/apple-photos/apple/20160812/large/12ec1p6.jpg[/img]
着白色透視雞翼袖長衫的坤哥，一洗偽毒男形象。
[b]長衫清洗偽毒[/b]
坤哥全晚落力演出，還着白色半透視雞翼袖長衫洗偽毒look，尾聲時感觸自嘲：「吳業坤得兩首歌，應該九點幾就可以走，但係對唔住呀，搞到大家咁夜返屋企，下次我會儲夠30首歌先開騷，多謝大家！」
完騷後坤哥接受訪問，問到唱了幾多首自己的歌？坤哥坦言：「大約三分之一，約有20首係人哋嘅歌，我有自知之明，知道自己嘅歌唔夠，揀人哋嘅歌唱到聲嘶力竭，希望大家感受到。」問到緋聞女友盤菜瑩子沒捧場，他說：「我都冇女朋友。」兩人有否發展機會？他說：「都係做好自己嘢先，因為自己講嘢好容易連累人，破壞力好強，所以唔講咁多啦。」
採訪：馬建華
攝影：陳順禎
[img]http://static.apple.nextmedia.com/images/apple-photos/apple/20160812/large/c0101a.gif[/img]
[b]【翻唱歌單】坤歌走天涯[/b]
坤哥首個紅館個唱，唱了逾二十首別個歌手的歌，與他差不多時候出道的樂壇中人的歌，他都有唱（詳見附表）。
from:[url]http://hk.apple.nextmedia.com/entertainment/art/20160812/19732825[/url]
《月亮代表我的心》坤哥獻母親
[img]http://static.apple.nextmedia.com/images/apple-photos/apple/20160812/large/12ec1p7.jpg[/img]坤哥唱《月亮代表我的心》送給媽媽，坤媽豎雙拇指大讚。
吳業坤的父母於十多年前離婚，於單親家庭長大的坤哥，全靠媽咪做清潔和家務助理等多份兼職，含辛茹苦才湊大他。前晚坤哥特登演繹《月亮代表我的心》送給偉大的母親，他在台上說：「嚟緊呢首歌係唱畀我媽咪聽，我細個嘅時候，我媽咪成日唱鄧麗君嘅《月亮代表我的心》，知道媽咪除咗鍾意我啲歌之外，就係鍾意呢首歌。」
[img]http://static.apple.nextmedia.com/images/apple-photos/apple/20160812/large/12ec1p8.jpg[/img]
坤媽送花鼓勵坤哥，兩母子溫馨抱抱。
全場拍爛手掌支持，之後坐第一行的坤媽站起身，將一紮鮮花送給兒子作為鼓勵，坤哥笑問：「點解唔係我送畀你，而係你送畀我？」他還俯身緊緊抱着母親答謝，溫馨滿瀉，最後坤媽豎起兩隻手指公，大讚乖仔good show。
採訪：馬建華
from:[url]http://hk.apple.nextmedia.com/entertainment/art/20160812/19732830[/url]
坤哥湊數出DVD
[img]http://static.apple.nextmedia.com/images/apple-photos/apple/20160814/large/14ec5p30.jpg[/img]剛完成紅館騷的吳業坤（坤哥）昨日在尖沙嘴出席活動，踏過紅館台板的他是否身價暴升？他說：「都係咁上下箒，今日呢個係演唱會之前接嘅，錢對我嚟講係浮雲，夠食就得。」坤哥又透露想為演唱會出DVD：「其實個騷係拍咗，本來諗住留個紀念畀自己，但如果我遲啲出嘅post，歌迷喺facebook上share人數夠二千個就會出。」
from:[url]http://hk.apple.nextmedia.com/entertainment/art/20160814/19735261[/url]
頁:
[1]
