Pokemon Go 11新功能曝光，傳說級小精靈開放！
玩咗足足一整日Pokemon Go，大家係咪覺得仲未夠？Niantic 官方就係呢個時候放出遊戲之後嘅消息，超吸引！大家最期待嘅傳說級小精靈，城市、國際級比賽，交易系統等等都即將會開放！然而更多人留意嘅係，紅、藍、黃小隊現真身了！[size=1.2em][b]1.隊長現身作出建議[/b][/size]
比起各小隊隊長將會喺遊戲中出現，適時俾建議玩家，大家都集中喺道討論各隊長嘅造型。好似有網民覺得黃隊Spark 造型好似「MK 潮童」，而紅隊Candela、藍隊Blanche 原來係女仔！
[img]http://www.e-zone.com.hk/upload/54696/pkm_1.jpg[/img]
[size=1.2em][b]2.更多彩蛋[/b][/size]
暫時大家都知嘅彩蛋，好似初期可以得到比卡超，伊貝改名可以進化成唔同屬性咁，原來都只係彩蛋嘅十分之一，睇來大家有好多時間可以慢慢發掘遊戲綵蛋！
[img]http://www.e-zone.com.hk/upload/54696/pkm_2.jpg[/img]
[size=1.2em][b]3.小精靈追蹤道具[/b][/size]
常日見到右下角顯示附近有小精靈，但放曬Lure、Incense 都唔見小精靈出現？官方話，將會推出更多小精靈追蹤道具，等大家更容易抓到小精靈，簡直就係逼人課金啊！
[img]http://www.e-zone.com.hk/upload/54696/pkm_3.jpg[/img]
[size=1.2em][b]4.小精靈交易開放[/b][/size]
成個背包都係同一類別嘅小精靈？唔洗驚，交易小精靈，儲齊全圖鑑簡直指日可待！
[img]http://www.e-zone.com.hk/upload/54696/pkm_4.jpg[/img]
[size=1.2em][b]5.朋友對戰系統[/b][/size]
唔一定要去道館同其他隊嘅人戰鬥嘅，官方日後會開放朋友對戰系統，就算係同隊，都可以交流切磋，有動力升級小精靈之餘，唔怕悶。
[size=1.2em][b]6.更多AR 應用[/b][/size]
宜家AR 系統只可以用係抓小精靈身上，不過新技術就當然唔會的一種玩法。官方透露，日後可以會有AR 指路系統等等，等大家嘅遊玩體驗更真實！
[img]http://www.e-zone.com.hk/upload/54696/pkm_6.jpg[/img]
玩咗Pokemon Go 咁耐，係咪好想知遲一陣子有咩新功能呢？上集已講咗Niantic 官方放出嚟頭6 個遊戲新消息，今集即睇餘下的5 個Pokemon 未來新功能。
[size=1.2em][b]7.傳說級小精靈開放[/b][/size]
大家日唸夜唸嘅夢夢、超夢夢，終於有機會出場啦！想成為至強嘅小精靈訓練員，超夢夢係大家嘅夢想，衝啊！
[img]http://www.e-zone.com.hk/upload/54704/AM201.jpg[/img]
[size=1.2em][b]8.城市、國際級比賽[/b][/size]
打到出香港，衝出香港嘅機會之日可待！同之前Niantic 嘅官方宣傳片一樣，如果真係可以將小精靈比賽地區、甚至國際化，成件事都真係幾熱血！
[size=1.2em][b]9.組隊比賽[/b][/size]
分隊做乜？咪就係為咗呢一刻。同唔同顏色隊伍嘅人比賽，識新朋友、互相交流話咁易。
[size=1.2em][b]10.道館個性化[/b][/size]
好似人地霸地盤咁，霸完道館，想道館變得好好睇睇，個性化十足，有特色功能、特別標識之類，個性化功能將會開放。
[size=1.2em][b]11.小精靈中心開放[/b][/size]
小精靈嘅世界，冇小精靈中心（PokeCentre）點得架！雖然小精靈中心就唔可以好似動畫咁，專係幫小精靈療傷，不過就可以變成訓練員集中交易、交流嘅一個地點，唔知官方之後會唔會推出繁殖系統，不過相信各項功能都會慢慢完善。
[b]http://www.e-zone.com.hk/channelnews.php?id=16759[/b]
頁:
[1]
