何猷君三年拎麻省理學士趕住創業
[img]http://static.apple.nextmedia.com/images/apple-photos/apple/20160605/large/05ec1p1.jpg[/img]賭王四房幼子何猷君自小被封數學天才，昨日在世界排名第一的麻省理工大學理學士畢業，可謂人生勝利組，四太梁安琪率領三代成員撐愛子場。猷君透露自己以三年時間完成四年的學士課程，是希望可以早一年畢業返港展開創業大計。
賭王何鴻燊的子女，事業上各有成就，二房長女超瓊是香港女首富、兒子猷龍是澳門小賭王，四房近年勢頭勁，大女超盈開藝術拍賣行躋身《福布斯》榜注目新生代，而21歲孻仔猷君自小被封為數學天才，學業成績超卓，昨日更於世界排名第一的美國麻省理工大學（MIT）畢業，絕對是尖子。
[b]已獲取錄金融碩士[/b]
猷君昨日於香港時間凌晨在波士頓出席畢業禮，四房一家總動員現身支持，四太率領母親、甚少露面的兄長禤偉祺與太太、子女超盈、猷亨及超欣一同前往，連一手湊大猷君的老工人珍姐都有飛去見證，可見四房對猷君畢業十分重視。猷君行完禮後，全家興奮拍照留念，他更向阿媽送上肉嘴，又攬實妹妹超欣合照。
能在MIT縮減一年時間完成理學學士課程，連大學校長也笑猷君破壞了宇宙最難入的大學形象。猷君透露其實早前已獲取錄金融碩士，他現考慮繼續進修或返港創業，去年他已小試牛刀以利是錢創業搞夜店app。本報昨日越洋致電猷君做獨家專訪，談到三年苦讀終見成果，他自言興奮亦辛苦：「平時一個學期係讀四、五堂，我就喺第二年每個學期讀八堂，即係一年讀兩年嘅堂，因為想返去屋企創業，想努力快少少，早一年畢業，上八堂搞到冇時間食飯，忙到唔知幾時交功課，所以用咗三年汗水趕呢個畢業禮，係好興奮，好感動，排隊上台嗰時諗，三年幾艱難，喺呢度真係唔容易，好多謝朋友精神上同功課上支持。」
賭王的子女，大部份都是大學畢業生，猷君更是從世界排名第一學府MIT畢業，學術成績超班，他謙虛表示：「咁多家姐、阿哥都非常優秀，大家都咁叻。」猷君在香港讀傳統小學時，已參加世界數學測試邀請賽，獲獎兩次被傳媒封為數學天才，他自言榮幸：「我細細個你哋叫到𠵱家，由攞獎、考會考、A-Level，入MIT到畢業都好榮幸，係唔係天才？梗唔係愛因斯坦，講嚇笑就OK，不過由細到大都多咗個責任，一定要數學考得好。」
[img]http://static.apple.nextmedia.com/images/apple-photos/apple/20160605/large/05ec1p2.jpg[/img]
【興奮舉V】
猷君戴上四方帽，等待上台攞證書時已甚感興奮。
[img]http://static.apple.nextmedia.com/images/apple-photos/apple/20160605/large/05ec1p3.jpg[/img]
【數學天才】
猷君小學時代已參加世界數學測試獲獎兩次，被傳媒封為數學天才。資料圖片
[b]「一年讀兩年嘅堂」[/b]
父母出名做生意叻，相信猷君亦遺傳了他們的基因，他表示：「爸爸成日講笑，我數學好係遺傳阿媽數口好，聽爸爸同媽媽朋友講，爸爸細個對數字已好敏感，一個電話簿所有電話都識背番出嚟，可能有少少遺傳，天才又好、愛因斯坦又好、愛丁堡又好，我覺得係80%努力，20%係天賦。」數學天才的他雖未試過考試不合格，但自言讀書也曾遇上困難：「細細個去英國讀中學，嗰時英文唔好，覺得讀歷史好難。」
賭王父親與四太理所當然成為猷君的偶像及學習對象，他表示：「從爸爸身上，學到永遠對no係say no，好有毅力嘅性格。喺媽咪身上學到好謹慎，佢好多嘢似望一望就決定，其實佢喺個腦入面，個思維兜咗好多次。仲有Iron Man都係我偶像，個角色都係MIT畢業。」
採訪：唐如
[img]http://static.apple.nextmedia.com/images/apple-photos/apple/20160605/large/05ec1p7.jpg[/img]
猷君（左）以NBA球員流行的Dab方式，與校長握手。
[img]http://static.apple.nextmedia.com/images/apple-photos/apple/20160605/large/05ec1p8.jpg[/img]
親友訂做MIT立體蛋糕賀猷君畢業。
from:[url]http://hk.apple.nextmedia.com/entertainment/art/20160605/19641674[/url]
四太：想佢讀埋碩士
[img]http://static.apple.nextmedia.com/images/apple-photos/apple/20160605/large/05ec1p5.jpg[/img]【肉嘴送母】
孻仔孻心肝，猷君攬實四太送「肉嘴」。
四太梁安琪平時日理萬機，孻仔猷君戴四方帽威水畢業，她幾忙都遠赴波士頓觀禮，昨日本報致電四太，她表示會留當地三晚，不過她聲線都有點疲累：「由朝早9點坐到2點，跟住去食飯慶祝，都有啲攰。」問她坐足五小時，會否感到悶？她開玩笑表示：「好多朋友都嚟咗，仲有Matt Damon（麥迪文）演講，好好聽，我最近先有睇佢《火星任務》（The Martian）套戲，好好睇。」
[img]http://static.apple.nextmedia.com/images/apple-photos/apple/20160605/large/05ec1p6.jpg[/img]
荷李活影星麥迪文昨日亦有現身MIT畢業禮，擔任主講嘉賓。美聯社
對於囝囝畢業，四太表示好感動：「不過冇喊，因為實在太興奮。」提到兒子提早一年畢業，她表示：「佢踏入另一階段，學校又收咗佢讀碩士，我都想佢讀埋先，先返嚟做嘢，不過都睇番佢意願，佢叻我好多，靠自己努力。」四太透露已告知賭王猷君畢業，她表示：「賭王知佢畢業好開心，不嬲佢都有同細路講，學識係自己，跟一世。」
採訪：唐如
from:[url]http://hk.apple.nextmedia.com/entertainment/art/20160605/19641677[/url]
猷君飛12小時陪超欣過生日
[img]http://static.apple.nextmedia.com/images/apple-photos/apple/20160613/large/13ec2p5.jpg[/img]何猷君送戒指給超欣賀生日，更笑稱別的男生沒機會。
何家四房細女超欣，一直被視掌上明珠，哥哥們對她更是愛護有加，尤其是何猷君，他曾對妹妹發表「愛的宣言」封超欣做「終生女友」，昨日猷君在Instagram貼出跟超欣的合照：「自從去了外國留學後每年生日都要寄禮物，這次為了能夠跟妹妹正日過生日，飛12小時待兩天又如何？何超欣！生日快樂！」
猷君今次是專程飛去倫敦跟超欣慶祝17歲生日。猷君買了一隻戒指送給超欣，又捉住超欣的手影相，還說笑道：「男生們請注意：我妹妹已經有戒指，所以你們都沒機會的啦，請試也別試！夠膽碰我妹妹的話，我會把你殺掉，然後開開心心的去坐牢坐一輩子。」
撰文：非非
from:[url]http://hk.apple.nextmedia.com/entertainment/art/20160613/19651418[/url]
與四太會樂逗高層猷君傾生意搞人工智能
[img]http://static.apple.nextmedia.com/images/apple-photos/apple/20170728/large/28ec3p1e.jpg[/img]猷君日前在母親梁安琪陪伴下，相約樂逗遊戲兩位重要人物午飯，洽談合作事宜。
【金鐘】賭王四房孻仔何猷君，去年在麻省理工畢業後，返大陸發展科技生意。難得返港，日前他陪母親梁安琪（四太）在金鐘太古廣場食午飯，同枱還有兩位男士。當日下午一時多，《蘋果》先發現猷君和母親抵達，兩位男士之後到來，本報翻查資料，這兩位男士原來大有來頭，黑tee男是市值6億美金的大陸樂逗遊戲CEO陳湘宇，而穿紅藍恤衫的是高煉惇，亦是公司創辦人。
[img]http://static.apple.nextmedia.com/images/apple-photos/apple/20170728/large/28ec3p2e.jpg[/img]
午餐時，猷君講到手舞足蹈，其後接受本報訪問則表示不想披露太多。
[img]http://static.apple.nextmedia.com/images/apple-photos/apple/20170728/large/28ec3p3e.jpg[/img]
猷君去年在麻省理工畢業後，在內地發展科技生意。資料圖片
[img]http://static.apple.nextmedia.com/images/apple-photos/apple/20170728/large/28ec3p4e.jpg[/img]
賭王和四太孻仔猷君自細被封「數學天才」，10歲及11歲時連續兩年在世界數學測試邀請賽中得獎。資料圖片
[b]「都係成就」[/b]
四太接受《蘋果》訪問表示：「呢兩個後生仔犀利，佢哋係樂逗嘅老闆，今次好勁，佢哋睇啱阿君，搵佢做合夥人發展人工智能。」四太又謂，自己不懂甚麼是人工智能，只知道這間公司在美國上過市：「Angry Birds我都識玩嘅，佢喺MIT讀呢啲，有呢啲天份，搵到互相認同、共同理念嘅人，都係好事。」
問四太是否鼓勵猷君向外闖，四太坦言：「𠵱家唔使問我意見，佢哋細路有佢哋自己喜歡嘅嘢，唔通叫佢做醫生咩，佢個人比較有創意，佢哋鍾意做，當然鼓勵，佢咁細就可以有咁嘅機會，都係一個成就。」
[b]洽談合作[/b]
猷君回覆本報則不願透露太多，但承認跟樂逗洽談合作中。他說：「公司消息我就唔應該透露太多，不過係有同佢哋傾緊嘢，我阿媽都講咗啦。」問他是否有興趣外闖？他表示：「佢係咁大間公司，喺國內係數一數二，係一個好好opportunity，同埋搵相同理念、創新思維做新科技嘅，搵到呢啲人係幾好嘅！」
採訪：唐如
攝影：黃曉程、梁繼光
from:[url]http://hk.apple.nextmedia.com/entertainment/art/20170728/20103611[/url]
頁:
[1]
