江美儀現身樂視有麻煩
[img]http://static.apple.nextmedia.com/images/apple-photos/apple/20160601/large/01ec5p8new.jpg[/img]李居明同江美儀幫dbc數碼電台主持節目《李居明妙論天下》，嚟緊會有埋畫面喺樂視播放，噚晚佢哋喺北角舉行記者會，有FFx、梁思浩、陳彥行等撐場。
呢排電視大戰好激烈，李居明話同邊個合作都冇所謂，不過同無線合約去到2018年嘅江美儀應該濕滯啲，佢話：「我都係小演員箒！電台嚟之嘛，唔使咁快杞人憂天，到時真係搵我傾至算。但我係唔會放棄，因為師傅好錫我。」
撰文：馮仁昭
馮仁昭
from:[url]http://hk.apple.nextmedia.com/entertainment/art/20160601/19635641[/url]
老銅掃平貨有心得江美儀街邊買打底褲
[img]http://static.apple.nextmedia.com/images/apple-photos/apple/20160911/large/11ec3p2.jpg[/img]【揀肉色底】
素顏的江美儀在銅鑼灣街檔揀肉色打底褲。DV圖片
【銅鑼灣】下周二便是江美儀45歲生日，大前日她帶着愛犬Teddy與女友人出動銅鑼灣渣甸坊逛街檔，素顏的江美儀斜孭着大袋，Teddy就安全在袋中隨「媽咪」去濕平，去慣街的Teddy全程乖巧，江美儀還到內衣街檔揀打底褲。
於4年前在無綫劇集《名媛望族》中，江美儀因為一幕黑絲情挑劉松仁的重口味戲份，為她贏盡人氣，更被封「黑絲女王」。
[img]http://static.apple.nextmedia.com/images/apple-photos/apple/20160911/large/11ec3p1.jpg[/img]
【極速找數】
便服打扮的江美儀在渣甸坊買髮夾。DV圖片
[img]http://static.apple.nextmedia.com/images/apple-photos/apple/20160911/large/11ec3p4.jpg[/img]
江美儀帶着愛犬Teddy行街。
[img]http://static.apple.nextmedia.com/images/apple-photos/apple/20160911/large/11ec3p11.jpg[/img]
（左起）梁琤、胡杏兒、江美儀和邵美琪日前為舞台劇《我和春天有個約會》綵排。
[b]分享髮夾心得[/b]
當日下午3時多，江美儀現身銅鑼灣，以為她又掃招牌黑絲，但原來只在賣平價胸圍底褲檔揀打底褲。記者見江美儀細心研究一條肉色打底褲的物料，檔主都一一解答，江美儀更拉扯打底褲測試彈性，似乎已睇啱貨品。
江美儀之前亦在附近的買了髮夾，可能平日擅於打扮，所以她一邊細選，一邊跟友人分享心得，還介紹那一款好用，那一款會拮頭。
[b]舞台劇置裝備[/b]
江美儀沒買黑絲改揀打底褲，估計是為本周三在上海演出的經典舞台劇《我和春天有個約會》做準備，她昨日透過WhatsApp回覆：「真係買打底褲㗎。」江美儀將在舞台劇中飾演金露露，胡杏兒演女主角姚小蝶，而梁琤和邵美琪分別演鳳萍和蓮茜，兩位男主角是謝天華及關禮傑，而其他角色還有張學潤和鄧健泓等。
這次江美儀演出用回粵語對白，保持原汁原味，江美儀日前在Instagram貼出與邵美琪、梁琤及胡杏兒的綵排，江美儀說：「我們四姊妹越來越有默契了，沒有說好的情況下一起穿上了白色衣服，到舞台劇的時候，我們的心照不宣應該會令表演更精采囉！」
採訪、攝影：吳耀輝
from:[url]http://hk.apple.nextmedia.com/entertainment/art/20160911/19766903[/url]
江美儀演《春天》嗌過癮
[img]http://static.apple.nextmedia.com/images/apple-photos/apple/20160918/large/18ec4p10.jpg[/img]江美儀（右）讚上海觀眾熱情，冒大雨都捧場。
江美儀上周被發現在銅鑼灣街邊檔揀打底褲，為到上海演出舞台劇《我和春天有個約會》做準備。《春天》今天公演第五場，胡杏兒演女主角姚小蝶，江美儀、梁琤和邵美琪，分別飾演金露露、鳳萍和蓮茜，兩位男主角是謝天華和關禮傑。
江美儀表示今次演出過足戲癮，前晚短訊回覆：「希望餘下兩場更好，更希望可以到世界各地巡迴演出，呢次好好玩，大家合作得非常愉快。上海觀眾非常熱情，冒着大雨都來支持捧場，整個團隊精神發揮極致。」
採訪：陳杰
from:[url]http://hk.apple.nextmedia.com/entertainment/art/20160918/19773737[/url]
江美儀笑杏兒犯太歲
[img]http://static.apple.nextmedia.com/images/apple-photos/apple/20161003/large/03ec2p6.jpg[/img]江美儀昨日帶同愛犬現身，與馬德鐘出席西九活動。
馬德鐘、江美儀及謝雪心等昨日到西九出席「與汪共舞嘉年華」活動，家中養了金毛尋回犬的馬德鐘，指平日與家人輪流放狗：「不過香港好多公園唔畀狗入，我覺得應該要多啲，但主人要控制得好啲。」
江美儀早前到上海演出舞台劇《我和春天有個約會》，她說：「佢哋搵咗另外嘅演員做之後20場，但都會搵返我哋去巡演，可能農曆年嗰陣，不過我3月答應咗李居明師傅做舞台劇。做演員都係想要錢同機會啫！如果兩個都做到就好。」至於同劇的胡杏兒被指耍大牌而被飛出局，江美儀讚對方專業：「我哋係朋友，我仲講笑問佢係咪犯太歲。」
採訪，攝影：盧妹
from:[url]http://hk.apple.nextmedia.com/entertainment/art/20161003/19788980[/url]
江美儀攬陳浚霆求饒
[img]http://static.apple.nextmedia.com/images/apple-photos/apple/20161216/large/16ec3p2e.jpg[/img]江美儀昨在活動中與陳浚霆攬頭攬頸，以證明兩人沒有不和。
江美儀、陳浚霆、滕麗名同麥長青一班《街市遊樂團》原班人馬昨日到大埔大元邨街市出席活動，早前江美儀被網民指在節目中「恰」陳浚霆，活動上見兩人攬頭攬頸，她笑言：「不嬲都係咁friend。」對於網民的批評，她說：「你當我細路女唔識世界，陳浚霆𠵱家係我嘅契爺，希望啲網民可以輕手啲。」
對於近來是非不斷，先有指她欠舞台劇中介佣金，繼而再拖欠到上海演出時的酒店房錢，她說：「出得嚟行就預咗要還，行到水窮處，坐看雲起時，好耐之前搞掂咗㗎喇，不過報道出嚟後都有聯絡對方，我可能有時會令人有誤會，所以有啲問題一次過嚟都好嘅，自己就可以一次過解決晒，解決晒之後我就冇再爭人任何嘢喇。」
採訪：曹家誠
攝影：陳俊強
from:[url]http://hk.apple.nextmedia.com/entertainment/art/20161216/19866589[/url]
江美儀被爆點麥明詩
[img]http://static.apple.nextmedia.com/images/apple-photos/apple/20170729/large/29ec2p5e.jpg[/img]江美儀
江美儀之前在無綫節目《街市遊樂團》中，大鬧顧紀筠兒子陳浚霆被指刻薄，即被網友指摘無禮，之後她表示會自我檢討，但最近又故態復萌，有指她於《誇世代》除教麥明詩和余德丞做戲外，對工作人員指指點點，在片場指揮大家怎樣做，簡直是監製上身。
採訪、攝影：徐錦池、孔志豪
from:[url]http://hk.apple.nextmedia.com/entertainment/art/20170729/20104924[/url]
江美儀露腿回春
[img]http://static.apple.nextmedia.com/images/apple-photos/apple/20170806/large/06ec3p1.jpg[/img]【打扮減齡】
江美儀身穿恤衫款裙，僅遮半條大腿，配搭厚底涼鞋閒逛。
【江美儀（九龍塘）】現年45歲的江美儀曾在劇集《名媛望族》着黑絲襪情挑劉松仁，經典一幕被網友封為「黑絲」江美儀，原來江美儀在黑絲下的大腿又白又滑！日前下午約3時許，江美儀單拖現身九龍塘又一城商場，着淺藍色恤衫款裙的她，裙腳長度僅遮半條大腿，比黑絲更性感誘人，加上腳踏厚底涼鞋，打扮回春。
[b]學生回頭望[/b]
雖然又一城食肆林立，但江美儀就好貼地揀去麥當勞買套餐，其間不少學生見到回春江美儀，都被吸引紛紛回頭，令她感到有點不自然，買完食物後即急步離開，然後到了一間髮型屋整頭，逗留約個多小時，離去時見她髮型變化不大，扮靚後江美儀到家品店濕平，買了一大袋戰利品才返歸。
江美儀跟吳君如弟弟吳君祥拍拖多年，惟近年有傳兩人感情疑亮紅燈，日前吳氏一家為君如慶祝生日，但大合照卻不見江美儀，原來最近她要忙拍兩部劇，不知是否分身乏術才缺席呢？
採訪、攝影：畢紹基、羅德光、梁繼光
[img]http://static.apple.nextmedia.com/images/apple-photos/apple/20170806/large/06ec3p2.jpg[/img]
【單拖買餐】
江美儀獨自到麥當勞買套餐。
[img]http://static.apple.nextmedia.com/images/apple-photos/apple/20170806/large/06ec3p3.jpg[/img]
【滿載而歸】
江美儀又到家品店濕平，並買了一大袋戰利品。
from:[url]http://hk.apple.nextmedia.com/entertainment/art/20170806/20113268[/url]
江美儀同男友彼此稱呼「BB」分隔兩地感情亮紅燈
江美儀最為人知嘅感情生活，就係有一個拍拖11年幾嘅男友吳君如胞弟吳君祥。吳君祥比江美儀大4年，彼此互相以「BB」稱呼，二人關係尤如老夫老妻，江美儀嘅父母都視君祥好似半邊仔咁。
其實江美儀緋聞一向唔多，只係聽佢喺專訪講過自己喺未同吳君祥一齊之前，曾經有一段戀情，令佢有好大教訓。江美儀覺得失敗原因係太遷就前度，對方更加肆無忌憚，最終江美儀喺戀愛中失去自己，就係呢段經歷令江美儀認為一紙婚書，並唔能夠證明啲咩，所以其後佢同吳君祥拍拖兼同居，都冇計劃生B同結婚。
不過2012年爆出吳君祥趁江美儀飛巴黎拍劇，疑偷會中女嚴淑明，喺夜店咀嘴，江美儀最後回應「當男友應酬」就算，力證情不變。佢哋又真係冇事，繼續人前晒恩愛。直到今年初爆出吳君祥因長居內地，兼喺北京開製作公司，同江美儀聚少離多，感情亮紅燈，江美儀更表示已有心理準備男友可能發展新戀情。
from:[url]http://hk.apple.nextmedia.com/entertainment/art/20170806/20112986[/url]
自覺語氣過火得罪人？江美儀又爆大家姐上身教做戲
亞視出身嘅江美儀，喺13年憑《衝上雲霄II》拎咗「最佳女配角」獎項之後，從此就是非連環爆，幾乎係有佢演出嘅電視劇、綜藝節目，甚至舞台劇，是非總係同佢連成一線。捱咗16年嘅江美儀終於有機會喺新劇《親親我好媽》擔正做女一，點知有傳佢對劇本諸多要求，趁曾勵珍放大假嗰陣，越級向杜之克投訴，結果搞到要停廠四日大執劇本，監製關永忠搞埋啲套劇嘅後期執包袱走人。江美儀雖然一口話冇件咁嘅事，又話珍姐叫佢唔好為呢啲無中生有嘅事唔開心。不過咁啱得咁橋，佢喺拍劇方面又靜咗一排。
是非仲漫延去舞台劇《嬉春酒店》，有傳女主角之一嘅江美儀，有一日等齊全體演員到齊排戲嗰陣，就當住所有人面前質問監製，話「條數唔係咁計，咁你交代清楚！」再有指佢拖欠中介嘅介紹費，到再次公演嗰陣，美儀不見了。事後佢話可能係說話冇尾音，事件只係誤會。
冇得拍劇咪改投余詠珊做綜藝，江美儀同麥包麥長青、滕麗名同顧紀筠個囝囝陳浚霆拍綜藝節目《街市遊樂團》，江美儀喺節目狂鬧做下把位嘅陳浚霆，跟住又話魚檔劏魚每日賺得嗰260蚊，又話剝蝦曬蝦乾係自甘墮落，結果江美儀俾網民狂插刻薄兼睇低人。江美儀事後接受周刊訪問，話反省到自己有錯嘅地方，語氣或態度過咗火得罪人，於是佢向大家衷心致歉。
而近日就有傳江美儀拍《誇世代》，大家姐上身教後輩拍戲。
from:[url]http://hk.apple.nextmedia.com/entertainment/art/20170806/20112985[/url]
頁:
[1]
