林憶蓮向恭碩良示愛
[img]http://static.apple.nextmedia.com/images/apple-photos/apple/20160330/large/30ec1p13.jpg[/img]林憶蓮一連四場世界巡迴演唱會前晚在紅館舉行尾場，憶蓮已經預告會做大喊包，更歡迎大家陪她一齊喊，其間憶蓮的鞋踭勾住裙腳，最後要工作人員上台幫手，憶蓮更自爆平時自己「好論盡」。
演唱會中段，憶蓮對著老友鬼鬼的倫永亮說：「我好愛你呀！」倫永亮隨即指向負責打鼓的恭碩良，憶蓮甜笑說：「呢種愛同嗰種愛唔同，唔可以混淆。」現場觀眾立即起鬨歡呼，接著憶蓮又喊住說：「今晚真係好開心，雖然我晚晚都有喊，不過今晚係喊得最犀利，你哋有冇一齊喊呀？大家一齊喊、一齊笑，其實係一件好簡單同開心嘅事。」
最後演唱會到凌晨12時才完騷，完騷後憶蓮再度解釋愛不可混淆，她甜笑地說：「一個係友情嘅愛、一個係愛情嘅愛，我都唔係第一次公開講。」問到有歌迷在網上買門票疑遭騙財？憶蓮表示唔知情，主辦單位則說：「我哋都呼籲啲歌迷用正途去買飛。」
採訪：馬建華
攝影：仇志德
[img]http://static.apple.nextmedia.com/images/apple-photos/apple/20160330/large/30ec1p14.jpg[/img]
憶蓮的鞋踭一度勾住裙腳，她自爆平時自己「好論盡」。
[img]http://static.apple.nextmedia.com/images/apple-photos/apple/20160330/large/30ec1p15.jpg[/img]
好友倫永亮前晚騷後受訪時，作狀向憶蓮伸脷。
[img]http://static.apple.nextmedia.com/images/apple-photos/apple/20160330/large/30ec1p16.jpg[/img]
周麗淇前晚單拖睇騷撐憶蓮。
from:[url]http://hk.apple.nextmedia.com/entertainment/art/20160330/19549252[/url]
50歲林憶蓮宣佈同恭碩良婚期係…
50歲嘅林憶蓮，同細佢11年嘅恭碩良自拍拖以來，一係就傳兩人分手，一係就結婚。由「被分手」到「被結婚」，昨日憶蓮終於正式宣佈:「沒有（結婚）這個打算，未來也不會（結婚）」
早於去年二月，已有傳聞稱兩人赴歐美巡演時，順道喺美國註冊，但就唔會喺香港擺酒，而係喺上海，更有傳婚後憶蓮將搬去台北定居。講到似層層。恭碩良都冇你咁好氣，回應謂:「呢啲消息六、七個月就嚟一次，富娛樂性，我同佢會互相恭喜。」仲話自己來自破碎家庭，所以結婚要考慮清楚，唔想隨便結婚。
昨日憶蓮應邀到台灣出席「讓愛滋長伴我飛翔」公益活動，擔任愛心大使，錫錫愛滋寶寶，宣揚口水係唔會傳播愛滋病呢個正確觀念。記者問憶蓮幾時「好事近」？佢尷尷尬尬咁話：「每天都有好事。」即係幾時結婚？曾與音樂大師李宗盛有過一段婚姻嘅憶蓮就話：「沒有（結婚）這個打算，未來也不會（結婚）。」
講到下個月喺台北小巨蛋舉辦嘅「造樂者世界」演唱會，恭碩良亦會任鼓手：「他是個非常棒的鼓手，珍惜每次與他合作的機會。」去年憶蓮擔任蔡依林演唱會嘉賓，今次開騷兩人會否合體？憶蓮話：「目前還在聯繫中。」
from:[url]http://hk.apple.nextmedia.com/entertainment/art/20160515/19612795[/url]
憶蓮唱歌諗起蒸肉餅
[img]http://static.apple.nextmedia.com/images/apple-photos/apple/20160527/large/27ec5p7.jpg[/img]日前林憶蓮喺香港兆基創意書院舉行了「林憶蓮《陪著我走》新碟分享會和簽名會」，招待咗500粉絲，大家都喺要坐地下，憶蓮同大碟三位監製恭碩良、倪凱民和包以正一同分享《陪著我走》半年製作過程，憶蓮話重新演繹一系列經典歌曲，《愛的根源》令佢回憶湧現，唱《分分鐘需要你》嘅「鹹魚白菜也好好味」就諗起小時候婆婆蒸的肉餅。
撰文：馮仁昭
馮仁昭
from:[url]http://hk.apple.nextmedia.com/entertainment/art/20160527/19628955[/url]
憶蓮安仔飯局傾唔停
[img]http://static.apple.nextmedia.com/images/apple-photos/apple/20161016/large/16ec3p20e.jpg[/img]林憶蓮等三人十分好傾，到食肆關門才離去。
林憶蓮上周三晚上與許志安及倫永亮在中環九如坊大班樓飯敍，她是胡楓（修哥）的契女，當晚修哥太太離世，相信她當時未知契媽死訊。憶蓮淡妝現身飯局，平時該食肆11時清場，但三人當晚大概11時20分才離開，傾足幾個小時，要食肆關門才走。
憶蓮行出門口依然雞啄唔斷笑笑口，安仔扶實倫永亮，再和憶蓮抱抱告別。安仔發現有傳媒影相立即告訴憶蓮，憶蓮即收起笑容急步上車，倫永亮則似略有醉意，見他腳步浮浮尾隨，登上憶蓮的座駕，安仔就坐另一輛七人車走。
採訪、攝影：徐錦池、黃柏倫
from:[url]http://hk.apple.nextmedia.com/entertainment/art/20161016/19801992[/url]
林憶蓮低調撐恭碩良
[img]http://static.apple.nextmedia.com/images/apple-photos/apple/20161022/large/22ec3p7e.jpg[/img]恭碩良（左二）在後台大方搭着女友林憶蓮（中）膊頭，與友人合照。互聯網圖片
恭碩良（Jun）前晚在灣仔伊館舉行個唱，邀請JW做嘉賓，其中林保怡、曹星如、側田等來撐場，Jun的女友林憶蓮低調現身，不過完騷後在後台顯得大方得多，Jun搭實女友膊頭與友人笑晒合照。
演唱會中，Jun唱了《Nothing Compares2 U》向美國歌手Prince致敬，他表示當時知道Prince過世的消息，喊了兩小時：「點解咁多人唔揀要揀佢，為樂壇做咗咁多嘢，我同女朋友講不如我哋努力唱好啲，雖然我同其他歌手差幾皮，但我打鼓同彈結他都ok。」完騷後，Jun接受傳媒訪問時透露昨日要同憶蓮去深圳做巡迴演唱會，未知會否受颱風影響行程，記者笑他與女友風雨同路，他笑笑口：「你想我咁講咪咁講。」
撰文：唐如
from:[url]http://hk.apple.nextmedia.com/entertainment/art/20161022/19808340[/url]
頁:
[1]
