呂晶晶做打女周身瘀
[img]http://static.apple.nextmedia.com/images/apple-photos/apple/20160112/large/12ec4p1.jpg[/img]呂晶晶（右）昨指因趕劇而疲累，黃芷晴就透露忙於練歌接騷。
呂晶晶和黃芷晴昨日到尖沙嘴出席賀年活動，近日晶晶因為趕拍劇，故略見疲態，她說：「今次我要做打女，搞到周身瘀，加上進度好慢，因為要夾其他藝人嘅期，又要搭景。」問到晶晶是否希望發展做打女？晶晶說：「想做一啲以前未做過嘅，以前都係cute cute，𠵱家想型少少。Marie（老闆諸葛紫岐）話會投資多啲喺唱片，希望有機會出碟。」今年農曆年晶晶已經向劇組請假並說：「我會返鄉下杭州去探爹哋媽咪，好耐冇返去，為咗拍打戲，操咗4個月，旅行都冇去，大半年冇離開香港，好乖。」
另外，黃芷晴透露農曆年接了不少工作並說：「有啲要唱歌，所以我會揀啲有氣氛嘅歌，開始練習，平時講嘢好易走音，但唱歌就唔會太驚，自己都有信心。」
採訪、攝影：羅慧敏
from:[url]http://hk.apple.nextmedia.com/entertainment/art/20160112/19447775[/url]
呂晶晶同唐詩詠前緋聞男友共賦同居
年屆33歲嘅04年亞姐冠軍呂晶晶，當選後喺亞視工作唔多，令人印象最深嘅相信係曾經同林韋辰、盛品儒拍過拖，之後就返內地發展，直到最近先回流返港。賺咗唔少人仔嘅呂晶晶，係圈中出名嘅小富婆，昨日就有周刊指佢同無綫嘅藝人黃嘉樂喺大埔同居。講到黃嘉樂，入行十五年拍過唔少大台劇，好似《鐵馬尋橋》、《巾幗梟雄》、《點解阿Sir係阿Sir》等等。不過最令人記得係--唐詩詠嘅前緋聞男友。
報道中嘅知情人士話，大台最近安排咗幾套劇俾嘉樂，而晶晶就簽咗俾諸葛紫岐，所以佢哋都為咗前途唔會公開戀情。之但係佢哋都好有計劃，聯名開咗間公司，晶晶雖然冇車牌，但都買咗架價值50萬嘅四驅車俾男友代步，日常開支大部份都由女方負責。
from:[url]http://hk.apple.nextmedia.com/entertainment/art/20161021/19807380[/url]
頁:
[1]
