李亞鵬孖囡囡沙灘狂奔
[img]http://static.apple.nextmedia.com/images/apple-photos/apple/20160104/large/04ec5p4.jpg[/img][img]http://static.apple.nextmedia.com/images/apple-photos/apple/20160104/large/04ec5p31.jpg[/img]
李亞鵬現時全力做好爸爸，日前李亞鵬好友在微博貼出李亞鵬同女兒李嫣喺海邊度假照。
李嫣不經不覺已經9歲，佢著住紅色三點式泳衣同爸爸一齊喺沙灘狂奔，認真happy！場面都幾溫馨有愛。而另一張相係李亞鵬同李嫣坐喺一張長凳上，李嫣遺存咗媽媽王菲嘅修長美腿，戴住副超，少女味濃。
撰文：馮仁昭
from:[url]http://hk.apple.nextmedia.com/entertainment/art/20160104/19437808[/url]
李亞鵬帶人妻家庭樂
[img]http://static.apple.nextmedia.com/images/apple-photos/apple/20160419/large/19ec5p9.jpg[/img]李亞鵬拖神秘女出席家人飯局疑爆新歡，點知呢位係內地音樂人嘅老婆，純屬誤會。互聯網圖片
王菲同謝霆鋒舊情復熾，兩人打得火熱頻傳婚訊，前夫李亞鵬嘅感情生活似乎冇咁精采，不過，日前有內地傳媒影到李亞鵬同家人開餐，現場除咗有媽咪同囡囡李嫣之外，同枱仲有一位神秘女子，佢坐喺李亞鵬隔籬，明顯已經入晒屋，獲得李媽媽同李嫣認可，似足一家人。
[b]好識冧李嫣[/b]
呢餐私人飯局嘅座位編排，李亞鵬嘅右邊係母親大人，但左邊並唔係寶貝女李嫣，而係呢位神秘女子。該女年約30多歲，打扮樸素，紮起頭髮，着一件普通衞衣，成餐飯同李亞鵬兩父女又食又傾，感情好融洽；其間神秘女仲同李嫣玩自拍，兩個人都用絲巾披頭，擺同一表情甫士影相，好識冧細路女。
[img]http://static.apple.nextmedia.com/images/apple-photos/apple/20160419/large/19ec5p10.jpg[/img]
李嫣同姨姨喪玩自拍，仲披晒絲巾夾埋表情。
[img]http://static.apple.nextmedia.com/images/apple-photos/apple/20160419/large/19ec5p11.jpg[/img]
李亞鵬父女相翌日被鄧謳歌貼喺微博，原來當晚佢都在場。
原來呢位神秘女子喺去年夏天，已經被影到同李亞鵬一家人食飯，似乎佢同李亞鵬情非泛泛，網友仲估唔知佢會唔會成為李嫣嘅後母呢？不過，有心水清網友爆呢位神秘女其實係嫣然天使基金嘅員工，亦係音樂人鄧謳歌嘅老婆，原來當日飯局鄧都在場，事後鄧喺微博貼李亞鵬父女相，仲留言話：「怎麽他鍛煉後效果這麽好啊？我天天游泳沒效果還越來越胖？」
撰文：馮仁昭
from:[url]http://hk.apple.nextmedia.com/entertainment/art/20160419/19576609[/url]
李亞鵬生日囡囡送驚喜
[img]http://static.apple.nextmedia.com/images/apple-photos/apple/20161011/large/11ec4p6.jpg[/img]李亞鵬戴上生日皇冠，獲囡囡李嫣送上生日賀吻。
李亞鵬上月27日45歲生日，由於要在西安趕戲，生日都在工作中度過。不過，他和前妻王菲所生的10歲女兒李嫣，日前悄悄到西安探班，專程替爸爸補祝生日製造驚喜，戴上生日皇冠的李亞鵬和囡囡嘴對嘴玩親親，溫馨滿瀉。
今年8月王菲47歲生日，李嫣陪媽咪到布吉慶生，今次就到西安陪爸爸過牛一。着短褲的李嫣遺傳了媽咪的一雙長腿，樣子就似足爸爸。李亞鵬還在拍攝現場親自教囡囡炒菜，右手拿鑊鏟左手拿手機的李嫣，食飯時和爸爸分甘同味，網友留言讚：「這大長腿逆天，身材比例遺傳了媽媽好基因，真好。」
撰文：皓騫
from:[url]http://hk.apple.nextmedia.com/entertainment/art/20161011/19796717[/url]
頁:
[1]
