商天娥開舖延遲開個唱
[img]http://static.apple.nextmedia.com/images/apple-photos/apple/20151228/large/28ec6p7.jpg[/img]商天娥噚日去咗工展會出席代言活動，新一年娥姐計劃開食肆做老闆，仲話睇中咗火炭一個銀主盤，佢笑話今年市道麻麻，如果業主肯減多10%就有得考慮。至於拍劇，娥姐話要到出年中先再睇嚇拍唔拍，連原本明年4月想搞演唱會，但𠵱家要延遲，咁樣即係全力搞舖？娥姐話：「𠵱家心頭好多，未知做小食好定私房菜，但首先要搵好地方先。」
撰文：馮仁昭
from:[url]http://hk.apple.nextmedia.com/entertainment/art/20151228/19428776[/url]
商天娥向大台舊同事認錯解「耍大牌」之謎
54歲商天娥前年約滿大台，點知上年拍完《樓奴》就甚少見佢喺公仔箱出現，早前商天娥接受電台訪問，佢就自爆離巢係因幾年拍《結‧分@謊情式》被指犯眾憎，商天娥又認自己嗰陣，成日遲到，與同事嘈過，後嚟就決定離開無綫，佢喺電台節目中，好有悔意稱希望佢哋聽到，可以體諒佢當時嘅處境，佢又話之前佢爸爸身體唔好，老公又要搬公司，咁啱商天娥又要開工，平時又要睇劇本，當時因為忙成日遲到，心情亦好差，幾乎有病，與同事關係麻麻，傳出好多新聞，令佢o依家都有心結。商天娥喺訪問中，稱自己當時好奇點解做咗咁多年都會畀人誤會，連好友都覺得佢麻煩兼耍大牌，後來佢先知自己錯，因為當時冇同大家講佢嘅情況，亦冇同公司交代，只係做人報喜不報憂，點知拍完呢套劇，爸爸就過咗身，今次商天娥忽然喺電台開咪，唔知係唔係想向大台同舊同事認錯，今日有周刊指，商天娥近日返咗大台錄《我愛香港》嘅其中一集，佢就冇再變「黑天鵝」，見人就笑晒打招呼，之前商天娥已放風想返大台拍劇，今次忽然變nice，睇嚟真係好恨返去噃!?
from:[url]http://hk.apple.nextmedia.com/entertainment/art/20161019/19805046[/url]
頁:
[1]
