陳百祥自詡做到特首創辦fb港豬偉論遭插爆
[img]http://static.apple.nextmedia.com/images/apple-photos/apple/20151221/large/21ec1p1.jpg[/img]陳百祥（阿叻）前晚在港台節目《我係乜乜乜》發表一連串「偉論」，指大部份網民「讀壞書、憎人富貴厭人窮」，又指黃之鋒考到「12個A就話你叻」等等，觸發網上洗版式狂插。阿叻讚特首梁振英表現佳，更稱：「呢個國家唔係你嘅，唔係你打出嚟嘅呢個天下。」唔少藝人睇唔過眼，黃秋生、何韻詩等齊齊在fb嘲諷阿叻，秋生留言：「國家唔係你嘅都講得出！」
稱自己正氣「祥」存的陳百祥近年不時向網民挑機，前年為「跪回家」事件斥責網民是狂妄的「妄」。阿叻接受港台《我係乜乜乜》的訪問前晚播出街，短短20分鐘片段，再度惹起新一輪網上罵戰！
[img]http://static.apple.nextmedia.com/images/apple-photos/apple/20151221/large/c0101a.gif[/img]
阿叻港豬偉論一出，黃之鋒及一眾藝人前晚紛紛在fb留言寸爆他。
[img]http://static.apple.nextmedia.com/images/apple-photos/apple/20151221/large/c0101b.gif[/img]
[img]http://static.apple.nextmedia.com/images/apple-photos/apple/20151221/large/21ec1p12.jpg[/img]
主持人麥嘉緯和王迪詩邀請阿叻做嘉賓，王迪詩表示訪問阿叻，最難是忍笑。
[b]「我從冇話過我叻」[/b]
兩位主持人分別是被稱為新一代「男神」的麥嘉緯及著名女作家王迪詩，當晚節目以「港豬」為題，阿叻揚言大部份網民「讀壞書」、憎人富貴厭人窮；如果自己「後生啲」，可能是facebook創辦人，又指如果自己是「90後」，便有機會做特首。主持人向阿叻提問一連串時事熱話，如問他是否知道誰是饒戈平（基本法委員會委員），阿叻稱不懂政治，卻在節目中批評社會運動；又讚特首梁振英政府表現佳，只是批評者「冥頑不靈」，他說：「佢哋成日覺得（特首）唔係佢哋選出嚟嘅，係689人選出嚟㗎？所以佢哋條氣唔順……你接唔接受都冇用，因為呢個國家唔係你嘅、唔係你打出嚟嘅呢個天下。」引發網民洗版式狂插。
昨日記者聯絡阿叻，他在電話中繼續力撐自己言論：「我上得去講就代表我立場，我冇壓力、冇老細，我又唔使撈，香港需要我呢啲人，夠膽講真話。」被指曾破過兩次產？他說：「我從冇話過我叻，個叻字係TVB畀我，唔關我事。」而好友曾志偉昨日在活動上笑說：「我諗嚇佢係咪飲醉酒，乜個節目錄影㗎咩？咁發覺唔對路剪得㗎嘛。」
[img]http://static.apple.nextmedia.com/images/apple-photos/apple/20151221/large/21ec1p11.jpg[/img]
阿叻早前已在《網絡挑機》大戰網絡紅人兼勁踩網民。電視圖片
[b]秋生：佢真係好鬼頂癮[/b]
《我》的嘉賓主持王迪詩昨在fb留言：「好多人問我訪問阿叻最難係乜？我答：忍笑。」想笑的還有黃秋生和何韻詩，秋生留言說：「阿叻哥俾人玩到謝咗，個國家唔係你嘅都講得出。哈哈哈！佢真係好鬼頂癮！」阿詩則說：「Freestyle龍門，唔止左右搬，直頭360度式自由上下前後滾動。識笑其實真係會笑到停唔到。」昨日網民亦洗版式狂插阿叻：「估唔到一個電視節目有如此大迴響，並暴露了某些人士的底牌，看清楚此人有多膚淺」、「陳百祥有幾叻？叻就唔使破兩次產啦！」等。
另外，阿叻於節目中又批評讀公開大學的學民思潮召集人黃之鋒「八間大學都考唔到，我點話你叻呀？」但對疑涉偽造學歷的蔡思貝卻好包容，他說：「世界乜都有，只要搵到錢嘅地方，就會有人諗計。」事後黃之鋒在fb反寸阿叻脫節，如今是講「幾多個5*」，又反問「陳百祥冇讀大學兼會考得13分，咪照樣做咗一線藝人」。王宗堯亦在fb留言：「感謝叻哥說出重點！就是因為我哋冇得選！」他昨再在電話補充：「每個年代都會有一啲時候令人民團結起嚟，民生唔好先反。」會否推舉阿叻做特首？宗堯笑說：「嘩，佢變成90後先啦！」
採訪：嵐山、盧妹
from:[url]http://hk.apple.nextmedia.com/entertainment/art/20151221/19420051[/url]
陳百強改字苦變哀
[img]http://static.apple.nextmedia.com/images/apple-photos/apple/20161025/large/25ed9p5.jpg[/img]鄭國江筆下約三千首歌詞，名曲數之不盡，他自言《幸運是我》是其寫照。
[img]http://static.apple.nextmedia.com/images/apple-photos/apple/20161025/large/25ed9p6.jpg[/img]
芸芸巨星中，只有陳百強改過鄭國江的歌詞。
十歲喪父，母親不識字，鄭國江靠自己活到現在，後日舉行入行45周年作品展的他說：「成日都話幸運是我，我係嗰種人，喺最唔好環境下，諗啲冇咁黑暗嘅嘢，好似《隨想曲》歌詞：『是我的雖失去他日總會有』今日冇箒，寄望明天。」
自嘲記性差的鄭國江，考歌詞卻難不倒他，《一點燭光》、《誰可改變》、《儂本多情》、《蝦仔爹哋》、《點指兵兵》全記得。鄭國江曾為多位巨星寫歌，只有陳百強改過一個字歌詞：「《等》，佢話『苦困』唱時發音有問題冇咁響，佢改『哀』字；自己試過一隻歌改六次，就係徐小鳳嘅《逍遙四方》，小鳳姐好少要我改，但呢首歌我寫每個意念，佢覺得唔係好適合，終於寫第六次佢接受。」
from:[url]http://hk.apple.nextmedia.com/entertainment/art/20161025/19811080[/url]
頁:
[1]
