祥嫂與仔女攤牌，關係畫問號
已故慈善伶王新馬師曾遺孀洪金梅（祥嫂）與子女再鬧紛爭，她昨日發放五段聲帶作淚的控訴，但態度明顯軟化，奉勸兒女「以和為貴」及「易地而處」外，又自爆當年曾墮胎兼一度拉嗜賭的祥哥跳樓！所謂「血濃於水」，祥嫂希望紛爭告一段落，宣佈與「鄧家」畫上「問號」。[img]http://orientaldaily.on.cc/cnt/entertainment/20151202/photo/1202-00282-014b1.jpg[/img]
祥嫂說起四名子女時一度激動落淚，寄語他們自愛、自立與自我檢討。
最近與四名子女兆尊、兆榮、小艾及碧玉再掀紛爭的「祥嫂」洪金梅，昨日透過黃夏蕙前經理人Simon發放五條聲帶，以及兆尊等人要求她所簽的法律文件。Simon補充今次祥嫂再跟子女不和，因有人拒繳交二千萬遺產稅。
五條聲帶中，祥嫂哭訴爭產事件纏擾18年，態度明顯比早前軟化，自責當年沒好好照顧兒女，導致長大後不受教：「呢啲都冇得怨，今日我71歲高齡，坦白講都嗰頭近，仲何必爭一日之長短，尤其同自己所出嘅。我都有不足之處，顧得掂老公嚟又疏忽咗子女，希望社會人士唔好對我啲兒女有成見或歧視，佢哋入世未深、良莠不齊。」
祥嫂坦言現已心交力瘁，奉勸兒女「以和為貴」及「易地而處」：「最緊要調得番轉呀紅衞兵！我唔介意喎！你點糟質我仍以祥嫂為榮，我頂得順o架！如果當日唔係下下顧住你老竇我老公，畀人顧咗咁點呢？第五、六任『祥嫂』上嚟就冇你哋存在，點解你哋唔體諒我呢？」為了保護子女，祥嫂坦言會向老公表達要求，問到太保護仔女令他們如此反叛？她激動地說：「咁反叛你做我老母囉！」
[img]http://orientaldaily.on.cc/cnt/entertainment/20151202/photo/1202-00282-014b2.jpg[/img]
祥嫂交出兆尊等人要求她所簽的法律文件，望還一個公道。
[img]http://orientaldaily.on.cc/cnt/entertainment/20151202/photo/1202-00282-014b3.jpg[/img]
祥嫂自言助祥哥發展事業，財產才積少成多。
[img]http://orientaldaily.on.cc/cnt/entertainment/20151202/photo/1202-00282-014b4.jpg[/img]
祥嫂自爆墮胎後發現祥哥輸大筆錢，激動得拉對方去跳樓！
輸清戶口200萬？「差唔幾囉」
對於嗜賭的祥哥座右銘「搵得嚟輸得去」，祥嫂直言反感，還自爆當年曾墮胎又拉老公跳樓：「我喺永祥大廈同佢大解決，有年佢個妹帶我去落仔，我下身痛到唔可以出街，祥哥就去傾偈、吹水，見到咁耐唔返，問司機佢話祥哥話唔可以講。」其後，祥嫂致電各處俱樂部找祥哥，對方回家後只寫了張支票，向祥嫂說「對唔住」並叫她「搞掂」，問到是否大數目？自爆當年戶口合共僅存200萬的祥嫂說：「梗係大數目！呢200萬唔係畀祥哥賭，係用嚟買物業、買地。」她又指當年母親患有多種病，該現金是預留作醫藥費。問到是否輸清戶口的200萬？祥嫂慨嘆：「都差唔幾囉！（好嬲？）佢真係對我唔住，連兒女啲教育金都輸埋，你都唔係輸埋我啲私己錢o架。」
祥嫂回憶未嫁前，祥哥仍未名利雙收，仍租住別人車房，其後擔當「幕後英雄」打點一切，兩夫妻同甘共苦：「我哋係咁捱出嚟，唔係新馬仔臨死咁大把家財、物業！佢啲工作都係我安排，當年你紅衞兵冇幫到我手。」
「佢哋係壞但唔係毒」
最後，祥嫂宣佈回覆自由身，與鄧永祥（祥哥）家人畫上問號，又稱不再回應有關鄧家的事。問到是否捨不得畫上句號？她說：「終歸切肉不離皮，希望有生之年可以扶持佢哋一把，佢哋係壞係曳，但唔係毒瘡，點可以割？」語畢，祥嫂爆喊稱與洪家也要畫上問號，又寄語子女要自愛、自立、自我檢討：「你四個搞我一個，夾埋我洪家姊妹為乜？做乜咁嬲怒我？」對此，鄧小艾透過電話只說：「唔想再答。（相關行動？）乜都唔會做。」鄧兆尊至截稿前仍未有回覆。
文：影視組
From:[url]http://orientaldaily.on.cc/cnt/entertainment/20151202/00282_014.html[/url]
祥嫂反對無綫借祥哥搵錢
[img]http://static.apple.nextmedia.com/images/apple-photos/apple/20160702/large/02ec3p7e.jpg[/img]祥嫂指祥哥唱粵曲的籌款片段，不應用作商業用途。
「祥嫂」洪金梅前晚現身北角睇粵劇，李居明爆料指無綫打算開戲曲台，還想播祥哥生前在東華籌款時唱粵曲的片段，當祥嫂知道是商業用途，即時表態不同意，問祥嫂無綫可有聯絡她？她說：「未，頭先啱啱阿大師（李居明）同我提過之嘛。」
祥嫂表示支持搞粵曲台，但因片段之前是以慈善方式做，所以不應該包裝成一個商品，或者廣告推出，祥嫂重申：「免費台呢就應該嘅，可以畀大家欣賞，唔好下下講話要畀錢，如果你話TVB攞出嚟播，不論你收廣告好、收其他費用都好，我祥嫂覺得唔同意，亦都唔應該。」
採訪、攝影：馬建華
from:[url]http://hk.apple.nextmedia.com/entertainment/art/20160702/19677967[/url]
祥嫂祭祥哥百歲冥壽
[img]http://static.apple.nextmedia.com/images/apple-photos/apple/20160829/large/29ec5p8.jpg[/img]粵劇名伶新馬師曾（祥哥）今年百歲冥壽，祥嫂噚日約埋好友黃夏蕙同40徒子徒孫到將軍澳華人永遠墳場拜祭。上香時祥嫂話：「呢啲係契返嚟，好過親生。」問佢同兆尊、小艾仲有冇聯絡？祥嫂話：「有冇聯絡都好，我知自己係佢哋阿媽，祝福佢哋健康、生活愉快。」
小艾噚日透過電話回應：「今日去拜？我阿爸舊曆生日同新曆生日都唔係今日喎！阿爸之前真係生日嗰日，我哋啲仔女都拜晒喇！」
撰文：馮仁昭
from:[url]http://hk.apple.nextmedia.com/entertainment/art/20160829/19752644[/url]
祥嫂爆仲有個揼骨妹凸腩兆尊坐叮叮呵正印
[img]http://static.apple.nextmedia.com/images/apple-photos/apple/20161028/large/28ec1p2e.jpg[/img]【溫柔撥髮】
鄧兆尊前日陪正印女友Carmen搭叮叮，在車上溫柔輕撥女方秀髮。
【跑馬地】慈善伶王新馬師曾（鄧永祥）的長子鄧兆尊於94年加入娛樂圈，拍過多部劇集和電影，雖然事業發展不及亡父新馬師曾，但繼承了逾億身家的他，風流性格亦與父親一樣。
[img]http://static.apple.nextmedia.com/images/apple-photos/apple/20161028/large/28ec1p1e.jpg[/img]
[img]http://static.apple.nextmedia.com/images/apple-photos/apple/20161028/large/28ec1p4e.jpg[/img]
兆尊於大前年被拍得與Carmen（左）及車厘子三人行。資料圖片
[b]陪睇醫生[/b]
祥哥生前曾有四任老婆，包括梅麗芳、梁添添、賽珍珠和洪金梅，而兆尊身邊有兩位紅顏知己，分別是拍拖十多年的圈外女友Carmen及前助手車厘子，三人行如魚得水，前日兆尊更陪Carmen到養和醫院掛號，表現體貼。
前日下午約4時許，兆尊陪同居多年的Carmen現身跑馬地，已逃離娛樂圈的他街坊打扮零星味，加上已屆49歲腩凸凸，女友Carmen則戴口罩，兆尊搭着女友膊頭，邊行邊扯煙的他，行到養和醫院外時，乖乖丟掉煙頭才入內。他們去到門診部坐在一角，Carmen先去登記，兆尊都有站起身陪女友。
兆尊與Carmen並肩而行去電車總站搭叮叮，上車後兆尊陪女友傾偈解悶，又幫女友除口罩及撥秀髮，表現溫柔甜蜜，難怪多年來可以三人行。本報致電給兆尊，他說：「女朋友唔舒服，有啲皮膚敏感，所以陪佢睇醫生啫。」
[img]http://static.apple.nextmedia.com/images/apple-photos/apple/20161028/large/28ec1p3e.jpg[/img]
【肚腩凸現】
現年49歲的兆尊凸腩加一身街坊裝示人。
[img]http://static.apple.nextmedia.com/images/apple-photos/apple/20161028/large/28ec1p5e.jpg[/img]
祥嫂 資料圖片
[b]女友多多[/b]
御女有術的兆尊，緋聞女友多籮籮，01年拍處境劇《皆大歡喜》與陳彥行和鍾嘉欣傳緋聞，女優歐陽海璇則自爆與兆尊曾有一段情。與Carmen拍拖多年的兆尊，又跟安德尊爆出「雙尊爭子」，爭奪當時安德尊的助手車厘子，最後兆尊不但成功奪愛，自此更與Carmen和車厘子三人行。而與他反目的母親洪金梅，去年更怒爆兆尊還收埋一個揼骨妹做女友，關係七國咁亂。
採訪、攝影：梁繼光、羅德光
from:[url]http://hk.apple.nextmedia.com/entertainment/art/20161028/19814159[/url]
頁:
[1]
