葉童嫌TVB劇本悶
[img]http://static.apple.nextmedia.com/images/apple-photos/apple/20150918/large/18ec4p10.jpg[/img]葉童和貝安琪前晚在圓方出席意大利電影周開幕典禮，近年葉童甚少拍攝電影，她說：「今年做嘢少咗，因為有好多病痛，屈親又感冒。近年少咗拍電影，拍電視劇多，嚟緊會有一個好有挑戰性電影，好有突破嘅角色，我都好想支持本土電影業。」被問到會不會減價支持本土電影，她說：「冇乜所謂，幫到手OK，市價係咁唔可以太平，會做壞市。」
TVB鬧花旦荒，問葉童會否返無線幫手，她說：「返去拍劇都係想同香港觀眾接觸，事實係好辛苦，係人都知，電視有限制，我覺得有啲悶，爭來爭去，四角戀愛。」
採訪、攝影：溫敏芝
from:[url]http://hk.apple.nextmedia.com/entertainment/art/20150918/19299696[/url]
葉童憶哥哥請睇艷舞
[img]http://static.apple.nextmedia.com/images/apple-photos/apple/20160909/large/09ec2p20.jpg[/img]曾與張國榮合作拍電影《偶然》的葉童，昨出席哥哥60歲冥壽展覽。
張國榮（哥哥）昨日農曆60歲冥壽，歌迷在元創方舉行展覽懷念哥哥，展覽將舉行至本月18日。葉童昨日擔任展覽剪綵嘉賓，展覽內有蘇施黃提供當年跟哥哥打麻雀贏出的國榮盃，現場亦有播放葉童當年跟哥哥和梅艷芳等人拍攝的電影《偶然》。
[img]http://static.apple.nextmedia.com/images/apple-photos/apple/20160909/large/09ec2p21.jpg[/img]
現場有蘇施黃當年跟哥哥打麻雀贏出捧國榮盃的相。
葉童提到哥哥表現感觸，回想當年他們在法國拍《偶然》，她說：「佢關心人係特別啲，知道劇組好多人未去過法國，請大家食飯之餘，仲請睇法國好出名嘅艷舞。」回顧哥哥以往工作態度，葉童指自己從中學習不少，她說：「到𠵱家都有人記得當年點名讚我，佢冇架子，熱愛工作，𠵱家演員會要求出外拍戲要住好啲，但哥哥唔會畀壓力劇組，情願自費，佢由最卑微嘅演員爬到上巨星，艱苦過會識體諒。」
採訪：王連連
攝影：仇志德
from:[url]http://hk.apple.nextmedia.com/entertainment/art/20160909/19764786[/url]
葉童爆志雲親熱尷尬
[img]http://static.apple.nextmedia.com/images/apple-photos/apple/20160923/large/23ec3p1.jpg[/img]葉童表示與陳志雲綵排親熱戲，初時感尷尬。
葉童及顏子菲等前晚在圓方出席意大利電影周活動，葉童表示正忙於與陳志雲綵排下月演出的舞台劇《莎士对比亞》，她笑言陳志雲竟稱自己為前輩，她說：「我發現佢有偷偷睇我做戲，就算冇佢嘅戲份，都有喺度望實，同佢相處比想像中友善。」葉童又讚陳志雲好勤力，綵排完即趕返電台做凌晨節目。
劇中葉童跟志雲有親熱戲，綵排時都有尷尬，她說：「初初都尷尬，我形住佢唔係演員出身，唔係好自然，不過因為戲份都好長，可能有啲戲份都會cut。」但不會刪走親熱戲份。另外，顏子菲透露婆婆經常任媒人，介紹男孩子給自己，更說不介意外國男孩。
採訪：張俊銘
攝影：陳順禎
from:[url]http://hk.apple.nextmedia.com/entertainment/art/20160923/19778706[/url]
葉童慢慢嗒志雲
[img]http://static.apple.nextmedia.com/images/apple-photos/apple/20161015/large/15ec4p10.jpg[/img]葉童昨晚綵排舞台劇時，輕吻陳志雲的面頰。
陳志雲與葉童昨晚於北角新光戲院為舞台劇《莎士对比亞》綵排殉情戲份，飾演羅密歐的志雲誤以為飾演朱麗葉的葉童死了，於是飲毒酒自殺，葉童醒來後發現志雲死掉，亦想飲毒酒輕生，並一度輕吻志雲面頰。
之後志雲與葉童受訪，揚言尚有另一幕更親熱場面，問是否激吻時，志雲說：「其實係春光乍洩咁嘅感覺。」葉童補充謂：「其實係意識上面嘅大膽，戲中會有好多眉來眼去，陳志雲會用詩篇去打動我。」葉童讚志雲可愛，又指他似酒般要慢慢嗒，但志雲反駁說：「自己唔可以快嗒。」
採訪：王連連
攝影：仇志德
from:[url]http://hk.apple.nextmedia.com/entertainment/art/20161015/19801298[/url]
阿B葉童再續七日情
[img]http://static.apple.nextmedia.com/images/apple-photos/apple/20170615/large/15ec2p15e.jpg[/img]鍾鎮濤邀葉童合作拍MV，延續經典電影《表錯七日情》的劇情。
鍾鎮濤（阿B）昨日在尖沙嘴為《一段情》和《要是有緣》兩首經典金曲重新拍攝MV，並邀得好友葉童擔任女主角，兩人在MV內會延續合作的83年經典電影《表錯七日情》內的劇情。葉童稱憶起當年合作的片段，感覺像昨日一樣，阿B則說：「葉童真係唔話得，就算忙排舞台劇都抽時間嚟幫手。」
MV是為阿B下月推出的翻唱專輯限量黑膠碟而拍，他說：「自己屋企連唱盤都冇啦，要搵HiFi德幫手搵番個黑膠唱盤。」問到為何有意再出專輯？他說：「因為如果拍戲拍劇，我鍾意喺內地拍，因為大製作，唱歌嘅話內地市場亦比較大，作為香港仔，都希望為香港做啲嘢，並非為賺錢。」
採訪：曹家誠
攝影：陳順禎
from:[url]http://hk.apple.nextmedia.com/entertainment/art/20170615/20056029[/url]
頁:
[1]
