關信輝陳木勝為下一代重建希望
[img]http://static.apple.nextmedia.com/images/apple-photos/apple/20150318/large/18ed9p10.jpg[/img]常說生命影響生命,這句說話由關信輝導演說出口絕對夠說服力,關信輝執導的電影《五個小孩的校長》賺人熱淚,但更重要的是大多觀眾步出戲院時都帶著微笑。關信輝以給人希望作為拍攝電影的使命感,拍攝了日後一系列的福音電影及今次的《五個小孩》。
[img]http://static.apple.nextmedia.com/images/apple-photos/apple/20150318/large/18ed9p60.jpg[/img]
戲中五位小演員,表現專業,每位在拍攝前都接受過訓練。互聯網圖片
[b]喚醒心中一團火[/b]
電影《五個小孩的校長》根據真人真事改編而成,講述楊千嬅飾演的呂麗紅校長與古天樂飾演的丈夫阿東原本計劃退休,完成環遊世界夢想,可是千嬅看到一則以港幣四千五百元月薪聘請校長的廣告後,希望在短短五個月內,為元田幼稚園解決殺校危機,當中有不少有笑有淚的經歷。
《五個小孩》的導演關信輝及監製陳木勝日前於奧海城接受本報記者專訪,問到關信輝是否希望宣揚好人好事的精神?他坦言相信每人心靈中亦有一團善良的火,他說:「我希望人睇完電影後,會有番團越燒越旺嘅火,我想喚醒番大家呢一個心。」
電影除了催淚外,有不少情節甚為窩心令人會心微笑,被陳木勝稱為「淚眼導演」的關信輝邊哭邊說:「因為我俾人窩心過,我喺加拿大讀電影,返香港做副導演,幫陳木勝拍《我是誰》時,遇上媽媽患咗肺癌,我先發覺原來係乜都做唔到。有教會朋友畀盒錄影帶我睇,原來係講喬宏叔嘅故事,講信仰點安慰到人,我見到媽媽好大安慰,我自己都好安慰,其後就開始拍良心、福音電影。我想人行出戲院係有希望,要同家人一齊行,一定有出路,我好期待更多人可以得到祝福。」
[b]何必因起樓殺校?[/b]
電影為真實事件改編,如何從真實及創作取得平衡?陳木勝表示:「我自己好想拍呢份精神而非製造英雄女俠,戲裡面我唔係標榜人,而係想人關注呢份精神,我哋用電影傳遞呢個精神,關心小朋友未來從教育開始,何必要因起樓殺校呢?我希望全世界有好多個呂校長。揀千嬅係因為佢同真實呂校長同樣爽朗,識同小朋友溝通,有愛心。」
電影中除了感人情節,一眾配角的完美演繹亦是亮點之一,當中吳浣儀及吳耀漢的一段感人獨白演得淋漓盡致,關信輝表示:「我喺現場睇到呆咗,吳耀漢試戲時都冇乜特別,點知一拍時佢突然嚟料,激情澎湃,係意料之外嘅驚喜。」
採訪:文國駿
from:[url]http://hk.apple.nextmedia.com/entertainment/art/20150318/19080053[/url]
關信輝拍病童勵志微電影
[img]http://static.apple.nextmedia.com/images/apple-photos/apple/20151023/large/23ec7p7.jpg[/img]曾拍攝《五個小孩的校長》導演關信輝,噚日喺灣仔小童群益會出席《一步護一生》發佈會,佢幫大會拍攝由代謝病患童真人真事改編嘅微電影。關導演仲話知道呢個古仔好感動:「原來香港每4,000個小朋友就有1個有代謝病,佢哋嘅父母會覺得好沮喪,故事入面個小朋友就好積極,以生命影響生命。」導演話嚟緊會繼續拍勵志片,劇本仲係籌備當中,會搵返《五》片入面嘅珠女王詩雅合作。
撰文:馮仁昭
馮仁昭
from:[url]http://hk.apple.nextmedia.com/entertainment/art/20151023/19343578[/url]
關信輝爭最佳導演感觸翁子光自覺冷門
[img]http://static.apple.nextmedia.com/images/apple-photos/apple/20160331/large/31ec6p1newe.jpg[/img]翁子光自言《踏血尋梅》在頒獎禮中屬冷門,未必是評審那杯茶。攝影:陳俊強
【第35屆香港電影金像獎 電影導演篇】翁子光導演的《踏血尋梅》榮獲大後日舉行的第35屆香港電影金像獎13項提名,當中包括最佳電影及導演獎,分別要跟徐克、爾冬陞等人爭獎。早前翁子光接受訪問時笑言《踏》片既非主流片,亦不歸類藝術片,自覺機會平平,他說:「反而覺得《十年》有機會贏最佳電影,但唔係壓倒性。導演獎徐克有機會,《智取威虎山》係佢回勇之作。」翁子光表示假如有機會上台,他最想多謝的是家人多年來的支持:「屋企人好包容,無論工作同經濟上,嗰日(4月3日)仲係爹哋60大壽,如果有機會上台會同佢講生日快樂。」
[img]http://static.apple.nextmedia.com/images/apple-photos/apple/20160331/large/31ec6p4e.jpg[/img]
導演關信輝表示萬一獲獎希望可以獻給已故的母親。攝影:沈健程
[img]http://static.apple.nextmedia.com/images/apple-photos/apple/20160331/large/31ec6p3e.jpg[/img]
電影《五個小孩的校長》賺人熱淚,入圍電影獎及導演獎非常合理。
劇照
[img]http://static.apple.nextmedia.com/images/apple-photos/apple/20160331/large/31ec6p2e.jpg[/img]
郭富城演的老差骨入型入格,令他有望首度在港封帝。《踏血尋梅》劇照
[b]「正能量冇錯」[/b]
翁子光反而希望郭富城及金燕玲可以獲獎:「阿城嘅進步同用心係有目共睹,燕玲姐嘅表現亦好值得一座女配角金像獎。」
同樣入圍最佳導演及電影獎,還有關信輝導演的《五個小孩的校長》,他本人亦如《五》片催淚。回想公佈入圍結果當日,關信輝去了放遙控車:「當知道公佈時間到嘅時候心情緊張到撞爛咗架遙控車。」
關信輝表示由寫劇本開始,題材不被看好覺得很孤單,獲提名令他舒懷,他感觸落淚說:「證明我堅持拍正能量電影冇錯,當日同古天樂見面,佢聽完故事後就叫我拍,嗰下好感動,搵投資者並唔容易。」獲得今日成績,關信輝最想感激的是已離世的母親,他再灑淚說:「媽咪患癌後令我明白勵志電影重要,大學時原本讀電腦,但一年後就瞞住家人轉讀電影,記得當日攞住做功課所拍嘅片畀父母睇嗰時,佢哋都贊成我轉科,媽咪仲話知道我會行呢條路,因為佢陀住我嗰時特別鍾意睇電影。」
採訪:何永寧、馬建華
場地提供:The ONE
[img]http://static.apple.nextmedia.com/images/apple-photos/apple/20160331/large/31ec6p5.jpg[/img]
爾冬陞
[b]最佳導演提名名單[/b]
關信輝《五個小孩的校長》
爾冬陞《我是路人甲》
徐克《智取威虎山》
葉偉信《葉問3》
翁子光《踏血尋梅》
from:[url]http://hk.apple.nextmedia.com/entertainment/art/20160331/19550954[/url]
陳木勝俾群貓戲考起
[img]http://static.apple.nextmedia.com/images/apple-photos/apple/20170717/large/17ec3p5.jpg[/img]陳木勝一向拍動作片,今個暑假拍合家歡電影《喵星人》。
導演陳木勝日前與電影《喵星人》片中演犀犀利的默劇演員崔家樂接受本報專訪,一向拍開動作片的陳木勝變得鬼馬,拎犀犀利的尾巴玩,他說:「初時我仲以為好難,因為搞笑唔係我擅長,但一拍又幾好笑,佢哋仲話我原來都幾好笑。」陳木勝透露此片的後期電腦特技花了不少時間與金錢,為求令犀犀利像真度極高,已經花費3千萬,當中犀犀利與50隻貓的群戲最難拍。
[img]http://static.apple.nextmedia.com/images/apple-photos/apple/20170717/large/17ec3p6.jpg[/img]
陳木勝與戲中飾演犀犀利的默劇演員崔家樂(左),揣摩貓的肢體動作。
崔家樂之前與古天樂拍廣告,獲對方推薦試鏡,他說:「導演同我講唔係扮貓,而你根本係一隻貓,所以從貓嘅角度感受去思考,其實喺默劇學到嘅嘢,喺今次好有幫助,因為默劇係要自編自導自演,我收到指令同故事內容,就要自己諗點去做。」
採訪:馬建華
攝影:陳慧安
場地提供:如心銅鑼灣海景酒店
from:[url]http://hk.apple.nextmedia.com/entertainment/art/20170717/20091834[/url]
頁:
[1]