青年扮碧咸想型變「Q版紋身」瘀爆
2008年萬人迷碧咸訪港，找「香港首席紋身師」沈龍威（Gabe）紋了八個漢字「生死有命富貴由天」，這段龍飛鳳舞的型爆文句旋即掀起潮流。一名青年日前找公屋紋身師於左肋骨上紋上「八字真言」，結果紋出個「Q版」來，不但有錯別字，而且字體如「小學雞」筆迹，毫無美感；其「騎呢」紋身近日瘋傳網上，有網民笑甩牙之餘，亦指有關紋身師靠害。但紋身師指是依客人要求去做，更願意免費幫事主將字體「變靚D」。[img]http://static.apple.nextmedia.com/images/apple-photos/apple/20130224/large/24la1p2.jpg[/img]
事主的「Q版」中文紋身被網民訕笑是小學雞字
「冇諗過佢想紋碧咸嗰隻，佢乜都冇講過，滿意就走！」最近被網民譏笑技術「水皮」的紋身師阿雅（姓吳，26歲），居住屯門富泰邨。他表示事主是由熟客介紹來的，早前透過WhatsApp給他八個字「生死由命富貴由天」，阿雅於是畫草圖。
上周一（18日）下午3時許，事主與另一名青年來到富泰邨，阿雅展示有關圖案後，對方點頭說：「OK」；他隨即用轉印紙將圖案印在其肋骨上，對方也是一句：「OK」，紋完照過鏡亦說：「OK」。
[b]半小時收費400元[/b]
過程約半小時，收費400元，阿雅說：「生死由命嘅『由』字，應該係『有』字，佢（事主）都知道寫錯，但係話專登，佢自己要求。」其後，他將這張作品上載其「威峰雕雅」的facebook上，沒料有人發現這八字真言，原來抄自碧咸的漢字紋身，更將兩人肋骨紋身連底褲大比拼。
肌肉碧咸對排骨少年，秀氣狂書對幼稚字體，自然相形見拙，有網民看了阿雅的「大作」笑到噴飯，「小學生勞作咁喎」、「新細明體都好過佢」、「做紋身師要將心比己！紋落客度之前要諗吓你願唔願意紋個圖喺自己身上」、「屯門屋邨仔扮紋身師，害人一世」。
[img]http://static.apple.nextmedia.com/images/apple-photos/apple/20130224/large/24la1p4.jpg[/img]
紋身師傅阿雅稱，事主沒有向他透露欲參照碧咸的紋身。馮國良攝
[b]師傅籲紋身要三思[/b]
阿雅被網民插得體無完膚，事主反而替他講好說話：「我知係『有』字，但我想用『由』𠵱個字，呢八隻字係我講嘅，唔係紋身師講。」還說：「其實唔使搞到咁！」
阿雅沒料事件會引起軒然大波，日前在facebook勸籲紋身前請三思，「唔好紋完後轉頭就話番個紋身師紋得唔好」。
阿雅對本報記者表示，日前與事主聯絡過，對方還說沒問題，約他日後再修飾該紋身，主要把字體改成粗體，及加櫻花圖案。他否認自己技術差，事件也無阻他立志成為傑出紋身師。
原來喜歡繪畫的他，六年前已開始學紋身，當年有朋友帶他到內地紋身，一紋上癮，至今身上紋身圖案逾20個。
阿雅不斷拜師學藝，同時上網瀏覽外國大師的圖案偷師，四年前他自立門戶，在住所替人紋身，其間見盡不少怪事：「有啲人怕痛，紋身前飲酒或者濫藥，但反而令血氣運行得仲快，流血不止暈暈哋，根本上唔到色。」
[b]網民笑爆嘴[/b]
[b]Stanley Chan：[/b]
「哈哈，好低能，一個唔專業嘅紋身師，一個搞笑嘅小學雞，一拍即合」
[b]贊正咏：[/b]
「要學碧咸，不如紋黃金右腳」
[b]Wpw To Fong：[/b]
「我諗起小學用白飯魚畫Nike」
[b]瘋子病：[/b]
「好似蛋糕上面啲朱古力字」
[b]Kwan Yiu Cheng：[/b]
「條友根本唔識紋身，連圖都未畫得好，有咩資格話自己係紋身師」
[b]吳水：[/b]
「身為一個紋身師連基本審美都冇」
[b]Jay Mukaiyama：[/b]
「啲字好小學雞風」
[b]KEEP膠榮：[/b]
「佢會唔會從此唔游水？」
from:[url=http://hk.apple.nextmedia.com/news/art/20130224/18175252]http://hk.apple.nextmedia.com/news/art/20130224/18175252[/url]
頁:
[1]
