綠悠雅苑競爭大，睇樓客轉買居屋
房協青衣綠悠雅苑睇樓熱潮持續，個別睇樓客嫌競爭大即轉軚購買居屋。代理稱，有青衣住客擔心該盤明年4月開售過後，不少購買力或流入同區二手樓市，這區樓價有可能被推高，故加快趕入市。青衣昨單日至少有四宗買賣，當中不乏房協盤轉軚客。中原地產分行經理郭家強表示，一對80後準新人，上周五前往參觀綠悠雅苑示範單位，但考慮到物業是遠期樓花，2015年才落成，到時「生埋仔都未入伙」，管理費又不便宜（每呎2.3至2.4元），加上估計定有大批競爭者，抽中機會渺茫，所以最後都決定買同區已有27年樓齡的二手居屋。郭家強稱，這對準新人昨以237萬元購入青盛苑一個540方呎的兩房單位，比綠悠雅苑最低售價更便宜。青盛苑每呎管理費只是1元，低過房協盤一半有多。
[youtube]https://www.youtube.com/watch?v=G9ErcdGc8G8[/youtube]
[b]怕推高樓價租客趕入市[/b]
美聯物業營業經理曾偉明表示，一名藍澄灣租客怕房協盤推高樓價，昨以683萬元購入盈翠半島6座高層F室，846方呎，呎價8073元。
記者昨午到地盤時，租住港島區公屋戶蔡先生，一家三口實地視察，對記者豪氣表示目標在高層四、五百萬的三房大單位。「低層較嘈，又俾樓遮住！」主要方便約5歲的兒子將要往九龍區上學。他計劃做七成按揭，再加自己儲蓄購買。問道會否擔心息口回升，他指「息口幾時回升估唔到，但唔會一下飈升，而係逐漸咁升。」
陳先生一家四口，在青衣租住五百多呎私樓，月租逾萬元，他指市民已對住屋需求形成恐懼，「因為大家驚將來買唔到樓，所以好急切去解決呢個問題，越擔心就越難買。」他認為政府要增加公營房屋供應。
至於長沙灣示範單位昨日睇樓熱潮更勝首日，房協指有逾4,000人參觀，更一度在中午擺出告示牌，表示隊尾要等三小時才可參觀示範單位。房協昨派出1.5萬份表格和售樓書，當中白表已悉數派完，尚餘少量綠表，由於加印需時，籲市民在房協網站下載表格列印。現場更有地產代理出動專車，截客到外區睇私人樓盤。廿多歲的羅先生自言經濟能力不足，幸獲家人幫助下趕上車，他對周六排隊人潮感驚訝，「放假有時間嚟睇吓，人潮比想像中多，反映夾心階層買唔到樓。」他表示難以儲首期，要靠家人財政幫助，「買啲正常嘅樓要300幾萬，要供唔係負擔唔到，但要靠屋企人畀首期。」
From:[url=http://hk.apple.nextmedia.com/news/art/20121223/18111061]http://hk.apple.nextmedia.com/news/art/20121223/18111061[/url]
頁:
[1]
