招牌大玻璃搞掂 希慎蘋果快熟了
[img]http://static.apple.nextmedia.com/images/apple-photos/apple/20121122/large/22bt6p.jpg[/img][img]http://static.apple.nextmedia.com/images/apple-photos/apple/20121122/large/22bt2p.jpg[/img]■希慎蘋果店幾時開張，相信希慎同一眾果迷同樣着緊。
■可能地點問題啦，又一城蘋果店客人唔算多。
銅鑼灣新地標希慎廣場開咗三個幾月，話題租戶之一「誠品」已經好多人去逼過，成班蘋果迷等到頸長嘅蘋果店（Apple Store）始終未見真身，地下至三樓個位一直用帆布圍實，乜都睇唔見。最近聽聞裏面裝修差唔多峻工，開業有望了，蘋果迷準備定去朝聖、購物都得嘞。
希慎廣場8月初開張，傳說中蘋果店個位一直封住，就連九龍塘又一城第二間蘋果店都喺9月底開埋，呢間希慎廣場蘋果店仲係冇動靜、冇聲氣，外面睇，依然封住晒。
一般租得過千呎大舖嘅商戶，頂多用三個月裝修就會開張做生意，呢間蘋果店搞咁耐都未開，聽講同蘋果高層要求高有關。蘋果高層對於蘋果店裝修佈置非常緊張，即使係一塊磚，質素過唔到即換，一幅由地下直到三樓嘅大玻璃，佢哋亦好緊張，事關落地玻璃係蘋果店標記之一。
或趕及年底開幕好似話，呢幅大玻璃經已裝好，成間希慎廣場蘋果店嘅裝修亦差唔多完成，離開張之日不遠矣！蘋果迷即管睇吓有冇機會喺呢間店買聖誕或新年禮物。但最開心嘅應該係業主希慎（014），市傳蘋果店月租500萬，希慎有租收，又可以吸引到更多人行個商場，一舉兩得。
頁:
[1]
