5大有害戀情的壞習慣
無論一個男生有幾愛佢女朋友，有啲壞習慣始終係戀愛嘅致命傷，最慘係女生仲以為咁樣可以增進彼此關係！如果你犯咗以下錯誤，盡快戒咗佢喇！[b]1.同佢班Fd玩得太埋[/b]
本來你同佢啲Fd融洽相處係件好事，但如果你同佢哋太熟，就等於踩入咗你男友嘅安全範圍。所以你一定要識得balance，如果佢要同班friend去睇波，你可以約班姊妹去飲嘢，唔好死都要痴住一齊玩，各自各精彩。
[b]2.一味死忍[/b]
約好8點食飯，佢在無合理解釋、通知的情況之下奉旨9點先出現，你仲笑笑口咁講「唔緊要啦」？！男生時時刻刻都想測試你嘅底線，你退一步，佢咪踏前多一步囉，所以絕對唔可以俾佢逼到你無退路，喺適當嘅時候一定要表達你嘅不滿！
[b]3.戀愛大過天[/b]
有啲女生開口埋口都話「我哋點點點……」，喺戀愛中失去自我，只會令關係變得淡而無味。一段健康快樂嘅關係應該係各自擁有自己嘅私人時間，唔會迷失自己。所以當你想喺weekend搵班Fd傾偈傾通宵，Let’s go!保持獨立嘅個性，愛情就唔會凌駕你嘅自尊。當你男友見到你擁有自己嘅生活，反而會更加欣賞你。
[b]4.「污Where」當Casual[/b]
起身刷牙洗面，之後就笠頂帽出街，呢種行為偶爾做吓都OK，但就唔可以日日都係咁！好多女生以為男生鍾意佢哋純樸嘅真面目，但就忘記咗約會初期為男友悉心打扮嘅日子。99％男生都重視視覺享受，當你唔再花時間修飾自己，火花就會消失。不妨喺出門前塗上少少唇彩，又或者着上佢鍾意嘅連身裙，等佢重溫初初見你時驚為天人嘅感覺。
[b]5.過分誠實[/b]
男生有時未必能夠承受事實真相，善意嘅大話是必需的！例如當佢問起你父母對佢有咩感覺，即使佢哋明明係覺得你男友十足一個16歲小男生，唔夠成熟，但喺呢個時候，你唔想hurt到佢，就可以答：「佢哋無乜點講過，等我得閒問吓先。」事實上，男生亦不時會講善意嘅大話，而佢都係唔想你唔開心先咁講啫。 同佢班Fd玩得太埋。
頁:
[1]
