鄉局新大樓場地出租平到蝕
【明報專訊】鄉議局搬咗去沙田新大樓後，地方大咗好多，仲有大大小小嘅活動室、演奏廳等場地，可以畀各界租用。仲記得最初幾個月，鄉議局嫌場地出租率低，所以決定減價，諗住場地可以容易租出去，點知大埔鄉事委員會主席文春輝話，原來鄉議局同事唔係太識計數，租金太平，基本上係租一間蝕一間。文春輝話，好似活動室，500幾元租4個鐘，佢講笑咁話，租嚟瞓覺都抵，不過，鄉議局就會因為咁而蝕錢。佢透露鄉議局正搵人計數、調整價格，等場地租畀人用之餘，鄉議局都唔會搞到蝕本。
新大樓另一個賣點，係可以喺大樓內舉行傳統中式婚禮，文春輝話目前暫未可以舉行，因為廚房仲未預備好，到咗搞掂之時，就可以大排筵席喇。
頁:
[1]
