文頌嫻見異思遷愛上軍犬
文頌嫻早前在內地拍劇集《戰友故事》，演寵物專家的她，在劇中與狗仔有不少對手戲，要離開家中兩個月，她原以為會對兩隻愛犬牽腸掛肚，結果跟狗演員合作久了，竟「見異思遷」！[attach]58153[/attach]
文女一向是愛狗之人，原本她離家兩個月，以為要每天透過互聯網跟家中兩隻小狗見面，一解單思之苦，誰知開工時參演的一堆可愛軍犬，早把文女的「單思病」治好。不過，文女謂演出期間也要付出：「頭一、兩次同啲狗見面，都畀佢哋咬手㗎，不過好細力冇咬傷，每次我都會同佢哋傾偈，傾多咗，我去到邊佢哋都跟出跟入，鬼咁Friend。」
零食拉近距離
文女在北上兩個月期間，幾乎每日都在軍營跟軍犬開工，她大讚軍犬機靈，每次有陌生人出入便會發現：「所以我哋開工前，都會畀佢哋聞吓我哋嘅氣味，又畀嘢佢哋食，慢慢就打成一片，拍完要走真係有啲唔捨得。」
入營大開眼界
另外，首次入軍營拍戲的文女，可謂大開眼界，她笑言在營房見到一排排「碌架床」，很有《新紮師兄》feel，而駐守的軍人也很有紀律：「啲軍人真係唔敢郁！不過佢哋都試過喺冇人嘅時候開口撩我講嘢。」
頁:
[1]
