「存心搵笨」大快活豬肉充牛柳
[img]http://static.apple.nextmedia.com/images/apple-photos/apple/20110519/small/19la3p1n.jpg[/img]大快活的蒜香牛柳石頭飯混有豬肉粒，兩種肉顏色不同，但單據沒清楚說明。
【本報訊】繼佳寶涉嫌將豬肉混入免治牛肉出售，本報昨日接獲投訴指連鎖快餐店大快活以豬肉冒充牛肉。投訴人表示，大快活新產品蒜香牛柳石頭飯只有數粒牛柳，其餘全是豬肉粒，她認為貨不對辦，質疑大快活刻意誤導「呃錢」。消委會認為商戶應在價目表上清楚說明產品的主要食材，「呢啲係常識，唔可以講啲唔講啲」。
Katie向本報投訴，她本周日下午光顧上水彩園邨大快活，點了一客蒜香牛柳石頭飯，連飲品售價42元。Katie最初未發現食物異樣，「但越食越唔對路」，竟發現飯餸夾雜豬肉，明顯貨不對辦，「成碗飯得三粒大少少嘅牛柳，豬肉粒就有十幾廿粒，全部都細細柆，啲豬肉粒嘅形狀同顏色，都做到好似牛柳，但一食落去就有好大分別」。
職員被問才解釋
[img]http://static.apple.nextmedia.com/images/apple-photos/apple/20110519/small/19la3p2.jpg[/img]
大快活被投訴食物貨不對辦，不符價目表所指。
Katie認為，大快活就算不是詐騙，也是存心搵笨，決定以後罷食大快活，「咁大間集團，淨係識不斷加價，賣埋啲貨不對辦嘅食物，擺明呃錢！」
記者昨以顧客身份到大快活將軍澳茵怡花園分店購買食物，收銀員對面的價目表寫明是蒜香牛柳石頭飯，英文亦標明是「beef」；記者購買牛柳飯時，收銀員沒有主動說明牛柳飯有豬肉粒。後來記者向收銀員查詢，收銀員才指蒜香牛柳石頭飯有豚肉，「佢主要係多咗牛柳，所以叫牛柳飯，另一個（泡菜雜錦石頭飯）係豬肉，所以叫雜錦」。大快活多間分店內有不顯眼海報介紹蒜香牛柳石頭飯，並有小字寫上「蒜香牛柳．豚肉粒夠惹味」。
食客紛怒斥誤導
食客潘同學認為大快活誤導：「好怕唔知食咗啲乜嘢，作為食品供應商，餐牌應該要講清楚包含咩肉類，其實好多食肆都有咁做。」莫先生則指大快活做法有問題，「係牛就牛、豬就豬，餐牌只寫係牛，但又有豬，就有誤導成份」。
消委會總幹事劉燕卿認為，商戶對於產品的表述應該清晰明確，否則便是誤導消費者，「既然係主要食材，餐牌就應該列明；既然海報都有，點解餐牌會冇？」她認為大快活未有清晰交代主要食材，「好似係賣麪咁，明明係個麪，你唔可以加兩啖飯落去」。大快活發言人稱，今日才能回覆本報查詢。
食客紛怒斥誤導
食客潘同學認為大快活誤導：「好怕唔知食咗啲乜嘢，作為食品供應商，餐牌應該要講清楚包含咩肉類，其實好多食肆都有咁做。」莫先生則指大快活做法有問題，「係牛就牛、豬就豬，餐牌只寫係牛，但又有豬，就有誤導成份」。
消委會總幹事劉燕卿認為，商戶對於產品的表述應該清晰明確，否則便是誤導消費者，「既然係主要食材，餐牌就應該列明；既然海報都有，點解餐牌會冇？」她認為大快活未有清晰交代主要食材，「好似係賣麪咁，明明係個麪，你唔可以加兩啖飯落去」。大快活發言人稱，今日才能回覆本報查詢。
[url]http://hk.apple.nextmedia.com/template/apple/art_main.php?iss_id=20110519&sec_id=4104&art_id=15267169&av_id=15267514[/url]
頁:
[1]
