賴賬王一陽指篤債主：畀條X 你
[img]http://static.apple.nextmedia.com/images/apple-photos/apple/20110426/small/26la8p11a.jpg[/img]曾在東莞拖欠過百供應商逾6,000萬元貨款，引起軒然大波的港商戴曙陽，再次捲入賴賬風波，涉及最少十間供應商共逾300萬元。有深圳廠商夫婦遭拖數十多萬元，上月底來港追數惹上官非後仍不放棄，妻子直踩戴的新公司理論時，更遭對方手指篤額頭爆粗喝罵「畀條×你」。但夫婦追債決心未被打沉，揚言：「追到天腳底都要追！」
記者：梁曙光馮樂琳
被指「賴賬王」的戴曙陽44歲，從事汽車音響生產等業務。根據公司註冊資料，戴是卡德數碼、東方雷豹電子（香港）等8間有限公司的董事，當中4間已解散。破產管理署資料顯示，戴於1996年曾申請破產。08年，戴與妻子成華有份投資的東莞新東方雷豹公司被指拖欠逾6,000萬元貨款，過百供應商一度包圍雷豹及市政府，雷豹最終清盤。
盧氏夫婦6年前從湛江到深圳創業，做電子零件批發。兩人說，09年中，東莞「眾翔」電子廠主動聯絡他們要貨，「最初兩期交易冇問題，之後佢哋要大批貨後就開始賴賬，30萬貨款只畀18萬，做採購嘅成燕（戴曙陽小姨）其後以『卡德』名義簽發5張期票，但去年底到期全部兌唔到，我追查卡德資料知道係香港公司，由成燕及戴曙陽擁有。」
夫婦去年12月多次跨境到卡德追數，「戴曙陽一味拖，簽分期付款協議等，但最後都冇還錢，我哋先後4次上門追佢都唔認數，話要追就追眾翔。我哋查到眾翔嘅註冊法人雷雪英係戴嘅外母，根本就係一家人操控」。
夫婦其後發現至少十間行家公司同被眾翔拖欠合共逾300萬元。上月25日，盧氏夫婦來港追債時，戴躲在公司不肯現身，夫婦在門外「死等」至凌晨2時許，因恐戴溜掉而用單車鏈鎖上公司大門，結果涉嫌非法禁錮被警方拘捕，翌日被法庭罰款2,000元。
本月11日，盧太單人匹馬再到卡德追數，發現已關門大吉，追查下得悉兩日前已搬至毗鄰大廈，門口掛上「Autotek」新招牌。盧太直闖入內向戴追數，對方被迫下爆粗連珠炮轟，豎中指說：「畀乜錢呀，畀條×你呀」，又用手指篤盧太額頭說：「你咁嘅態度，我一毫子都唔畀你！」盧太無奈離去，兩日後她知悉Autotek在灣仔會展舉行的春季電子展擺攤位招客，再往踩場，遇到多名到來追數的外國廠商。
[img]http://static.apple.nextmedia.com/images/apple-photos/apple/20110426/small/26la8p13a.jpg[/img]
同日，記者陪盧太在展場與戴曙陽對質，戴先承認自己擁有眾翔五成股份，之後又說只是外母持有，堅稱眾翔與卡德是兩間公司：「佢哋（盧氏夫婦）搵黑社會向我姨仔成燕追債，成燕迫於無奈先用卡德名義開支票，卡德先捲入風波，佢哋追數追到香港，我都係以禮待人先幫眾翔佢哋簽還款欠單……眾翔有管理層，你問番佢哋，唔通長江欠債，你去問和黃？」盧太不斷指摘戴講大話，追數落空，盧先生翌日到會場企足一天，戴未有現身，夫婦正部署下一步行動。
[url]http://hk.apple.nextmedia.com/template/apple/art_main.php?iss_id=20110426&sec_id=4104&art_id=15200021&av_id=15200262[/url]
頁:
[1]
