Galaxy Tab 及iPad比較
上星期蘋果教主Steve Jobs寸盡一眾7"Tablet，黑莓更忍不住發新聞稿還拖！真係咁差？未必！好似Samsung就立即推出首部Android v2.2平板電腦Galaxy Tab，能否砌贏iPad就未知，但佢可支援3G上網、手機通話、連視像都搞得掂，以事實證明7"芒一樣得！[b]單手包得實 iPad偏黃[/b]
[img=■齋睇網頁上白色嘅位置，就發現iPad相對偏黃。]http://static.apple.nextmedia.com/images/apple-photos/apple_sub/20101029/large/29fu5p.jpg[/img]
以屏幕尺寸定輸贏，似乎唔公平！好似iPad咁，雖然個芒達到9.7"，比Galaxy Tab闊咗2.7"，但原來唔係人人接受到。有用家就覺得，iPad又大部又重，攜帶唔方便，相反Galaxy Tab唔單止比佢輕咗一半，加上機身闊度剛好能夠用一隻手揸住，論流動性，話唔定Galaxy Tab仲適合㖭！
大家最關心嘅可能係屏幕質素，我哋嘗試將兩部機調校到最光然後作比較；發現所有白色嘅地方，Galaxy Tab竟然偏藍，而iPad就偏黃！究竟邊種色溫較適合自己，因人而異；我哋仲試過播片、睇相，單從細緻度嚟睇，似乎iPad都係佔優。
[b]插免提 隨街傾視像[/b]
若係蘋果Fans就無嘢講！但我比較貪心，鍾意Galaxy Tab加入埋電話功能，除咗話音，仲可利用前置式鏡頭玩Video Call，唔用都至少多個Choice！可能你又話，咁大部「手機」，用佢實俾人笑到面黃，好在跟機送埋Handsfree，插落3.5mm頭聽歌又得，傾電話亦得，甚至乎額外買多隻藍芽耳機，咁就更方便。
另外，機身內置多款應用程式，特別一提係eBook功能，佢除咗有「Readers Hub」提供達200萬本電子書、雜誌及報章之外，仲同多間本港出版社合作，提供約400幾本電子書，試用7"芒睇書、揭頁，感覺唔錯喎！
[img=■Video Call視頻好清晰。]http://static.apple.nextmedia.com/images/apple-photos/apple_sub/20101029/large/29fu9p.jpg[/img]
[img=■虛擬鍵盤打SMS極方便。]http://static.apple.nextmedia.com/images/apple-photos/apple_sub/20101029/large/29fu8p.jpg[/img]
[img=■試用Handsfree傾電話，話音同一般手機無分別。]http://static.apple.nextmedia.com/images/apple-photos/apple_sub/20101029/large/29fu7p.jpg[/img]
[img=■與同系Galaxy S比較，尺碼當然大好多啦！]http://static.apple.nextmedia.com/images/apple-photos/apple_sub/20101029/large/29fu4pzok.jpg[/img]
[b]分唇實試[/b]
[img=字體清晰，可橫直度睇；揭頁感覺勁爽，快速喪揭亦唔太窒。]http://static.apple.nextmedia.com/images/apple-photos/apple_sub/20101029/large/29fu11p.jpg[/img]
[img=兩指縮放相片相當順暢，相反玩Rotate時反應麻麻，奇怪！]http://static.apple.nextmedia.com/images/apple-photos/apple_sub/20101029/large/29fu14p.jpg[/img]
[img=下載網頁速度快，Flash亦流暢，字圖識自動排好，睇得舒服。]http://static.apple.nextmedia.com/images/apple-photos/apple_sub/20101029/large/29fu12p.jpg[/img]
[img=睇YouTube高清片，兩邊喇叭音量強勁，而且立體感好出。]http://static.apple.nextmedia.com/images/apple-photos/apple_sub/20101029/large/29fu13p.jpg[/img]
[b]Details Check![/b]
[img=■SIM卡槽位於機側，插入或拆出唔使熄機。]http://static.apple.nextmedia.com/images/apple-photos/apple_sub/20101029/large/29fu15p.jpg[/img]
[img=■輕按電源掣，屏幕變黑並進入備用，夠慳電！]http://static.apple.nextmedia.com/images/apple-photos/apple_sub/20101029/large/29fu16p.jpg[/img]
[img=■配備前置視像及後置300萬像素雙鏡頭。]http://static.apple.nextmedia.com/images/apple-photos/apple_sub/20101029/large/29fu17p.jpg[/img]
[img=■無帶免提？可用咪及喇叭傾電話，但極騎呢！]http://static.apple.nextmedia.com/images/apple-photos/apple_sub/20101029/large/29fu18p.jpg[/img]
[b]Profile[/b]
[img=$5,688]http://static.apple.nextmedia.com/images/apple-photos/apple_sub/20101029/large/29fu2pzokNEW.jpg[/img]
作業系統：Android v2.2
處理器：1GHz
體積：199.09×120.45×11.98mm
重量：380g
屏幕：7"WSVGA輕觸芒
通話時間：37（2G）/18（3G）小時
備用時間：1,810（2G）/1,480（3G）小時
主要功能：視像電話、Multi-Tasking、Multi-Touch、內置16GB、Wi-Fi、300萬像素相機、microSDHC、USB 2.0
查詢：Samsung（3698 4698）
from:[url]http://hk.apple.nextmedia.com/template/apple/art_main.php?iss_id=20101029&sec_id=12187373&art_id=14603413[/url]
頁:
[1]
