英格蘭、法國你地搞咩鬼?
今日凌晨睇英格蘭對美國,睇到我火都嚟,英格蘭你地搞咩鬼?個龍門係唔係發緊夢.唔知碧咸睇到,會唔會諗如果佢唔受左傷,英格蘭就唔會同美國打和.
仲有法國,簡直無眼睇,假如我係法國人,一定諗施丹如果係度就好.:smilies05:
唔通今屆真係西班牙?
英格蘭班超級球星,唔該你地俾d心機,否則我拍扁你地:smilies58:
回覆1# mercurywong 的帖子
英格蘭上半場太錫身同輕敵.....好彩我唔係捧佢，否則會噴血....:smilies03:
法國隊....咪玩啦！冇左施丹同亨利（好遲落場），
變左隊淨係識遠射既球隊...真係服左佢！:smilies14:
今年幾想捧既阿根廷，
多前鋒但遇到防守強既隊伍就中招....唔識入波。
等緊睇例牌捧既德國隊既表現.......
回覆2# windmich 的帖子
德國每屆都唔係頂頭大熱,但屆屆成績都唔錯.特別係經過上屆奇連士文,成隊德國唔同晒,而且今屆有份入選既,好多都有上屆經驗,雖然無左波歷克,但我相信以德國隊高度既團結精神,係無問題.英格蘭個班球星,點會唔踢身,佢地踢世界盃獎金唔多(比起佢地球會既人工,簡直無得比),當然攞到冠軍係好威,但假如唔小心傷左,影響自己係聯賽既表現,又或者要休息幾個月,咁就唔抵.
所以上屆既細哨(佢個陣真係好好波),踢身到不得了.
我只希望英格蘭入左16強(應該無問題掛),唔好要踢12碼決定出線,佢地班大帝既12碼水準,仲慘過香港學屆聯賽,上屆睇林柏同謝拉特射,我真係想殺左佢地.
施丹施丹,佢係我超級偶像,係我心目中唯一,亦係永遠既球王,唔好話用腳,就算俾我用手,佢既腳法都做唔到,佢既施丹轉身(馬賽迴旋),簡直就係球場上既芭蕾舞.我會識法文,都係因為佢而去學架.
我諗全部法國人,都好想施丹有份踢.無左施丹既法國,就等如無左中場大腦,至於亨利,佢之前已經出晒名,每逢代表國家隊就會變身,今次仲要狀態麻麻,但無法,法國無幾多個前鋒可以揀.
阿根廷我無野講,因為....無得解,我只覺得佢地全部可以去拍戲.
意大利,麻煩買定機票返屋企.
其實計計數,今屆西班牙真係好有希望.
以上只係我自己的諗法及意見,如果得罪左你鍾意既球隊,請不要見怪.
我諗今朝大約04:30之後,一定成地眼鏡,而馬會就笑得好開心
回覆3# mercurywong 的帖子
冇咁有錢既國家既球隊...的確有幾多人拿得奧斯卡....現實...諗起好多年前某場巴西賽事....
嘻，今屆冇乜邊隊特別鍾意...連西班牙都唔特別鍾意。
不過睇波又係幾開心既事唻既！四年癲一次！:smilies12:
回覆 4# windmich 的帖子
但有一隊我真係想眼,就係北韓.一定要開開眼界,睇下佢地係球場上係點. 尋晚"慶"到..一個人食晒一包大薯片...
:smilies57:
法國和...我一早就估到.:smilies35:
法國個領隊.."筆嬲"都係有病o架啦....
回覆 6# leealex 的帖子
杜明尼治諗野真係傻傻地,完全唔明佢行咩政策賽前人人都認為,G組係死亡之組,第二名出線一定爭崩頭,但依家A組人人得1分,可能呢組先係真正既死亡之組.最起碼,我睇完法國悶和烏拉圭場波,我真係想
卡比路呀卡比路,你快dd去格連唔好食咁多牛油,否則接波會牛油手.....
我尋晚睇到佢.......真係想.......:@ :@ :@
不如佢地即刻高薪請希汀克做顧問...... 好眼訓~~等得好苦呀~~
回覆 8# windmich 的帖子
開波啦,要睇下德國睇成點,仲有澳洲班球員,是否好似上屆咁,有用唔完既體力回覆9# mercurywong 的帖子
德國好o野！:smilies21: 澳洲比想像中更水魚....:smilies16:下半場有d似練波....唔知德國下場表現會點。
已經4比0兼就完場，唔明點解會有人仲走去插水...:smilies14:
[[i] 本帖最後由 windmich 於 2010-6-14 04:24 編輯 [/i]]
回覆 11# windmich 的帖子
其實澳洲呢組,最難應付必定係德國.但第二名出線位置,真係有得爭.
我都話德國今屆應該好掂,你睇上屆有份踢既人,今屆表現幾出色. 今晚法國一定要努力!!
小魔怪你同我的心水都差唔多
我都係支持英法兩隊的~~
回覆 13# joan_minako 的帖子
joan,相信你依家同我一樣,無眼睇了.暫時最有霸氣既球隊,我覺得係德國.
唉,今屆大熱不停倒灶,真係.....
當然,英格蘭法國你地要俾心機,仲有西班牙,通通都要俾心機.
北韓,睇完你一場比賽,實在令我驚喜萬分,你地都要加油,儘力踼好每一場,俾全世界人大開眼界
頁:
[1]
2
