龔仁心：天地有正氣
龔仁心（66歲），三年前仍是一名家庭醫生，臨危受命擔任龔家主帥跟風水富豪陳振聰爭產，如今贏得官司，坐擁總值千億元的華懋王國。昨日他以華懋集團主席身份，在荃灣如心廣場總部召開記者會，顯得十分雀躍，談笑風生。龔仁心稱非常高興，以中英文夾雜笑說：「first reaction梗係開心啦，very happy for everybody」。他稱一直深信「天地有正氣」，認為法官林文瀚的判決正好體現這信念。爭產官司以來，龔家一直以維護社會公益的姿態跟陳振聰對抗，贏得不少支持。龔仁心說令龔家與華懋堅持打官司，是來自大中華地區的民眾支持，「網上、香港、內地、台灣同澳門都有民眾信件留言支持我哋，我行出街買嘢，我啲病人，都會走嚟同我打氣。」他答謝華懋逾4,000名員工過去三年來堅守崗位，令華懋在官司期間仍可正常運作。
[b]「善有善報 惡有惡報」[/b]
記者會期間，龔仁心的電話響個不停，他說很多朋友一直在背後支持華懋。華懋慈善基金去年初仍缺錢打官司，後來更換了整個律師團隊，以本地薑班底挑戰陳振聰的英國大狀團，當時外界均不看好華懋贏面。龔仁心說全憑新的律師團隊努力下，才扭轉劣勢取得勝利。
真假遺囑在華懋的歷史上不斷重演，龔仁心說，整件事本來可以避免，無奈胞姊認識了陳振聰，結果「多咗好多煩嘢」，但「善有善報，惡有惡報，如果唔報就時辰未到，家就時辰到咯。」
陳振聰在庭上多番自揭跟龔如心的情慾史，令龔家尷尬不已，龔仁心坦言：「談唔上原唔原諒，過咗去就過咗。」但強調龔家與華懋一定會盡力配合警方及稅務局的調查，提供證據。談到陳振聰為人，他說不會點評人，但又指很認同法官的看法，指陳「唔係誠實嘅證人」，至今堅持龔如心與陳振聰兩人關係是「太后同太監」。
陳振聰決定上訴，龔仁心說「冇乜嘢同佢講……佢話接受法院裁決，家裁咗落嚟，睇佢係咪接受囉。」但強調會奉陪到底，「除咗奉陪都冇第二條路，真理一定要堅持……何況我哋家有財力、人力。」
[b]龔仁心金句[/b]
善有善報，惡有惡報，如果唔報就時辰未到，就係時辰到咗。
成件事（指爭產官司）都係多出嚟……如果唔係（龔如心）遺願已經完成。
我冇乜嘢同佢（陳振聰）講……佢話接受法院裁決，家裁咗落嚟，睇吓佢係咪接受囉。
（若陳上訴）除咗奉陪都冇第二條路……真理一定要堅持到底，何況我哋家有財力有人力。
[url]http://hk.apple.nextmedia.com/template/apple/art_main.php?iss_id=20100203&sec_id=4104&subsec_id=11866&art_id=13691883&cat_id=10440727[/url] 睇電視覺得龔仁心得戚左少少...
如果平實d可能好d....
頁:
[1]
