資產價格大漲小回
[align=left][img]http://img.eastweek.com.hk/article_multimedia/3968/1_n.jpg[/img][/align]豪宅泡沫並未蔓延至中、低價樓，二手樓平均造價離97價仍達三成。港股自從突破22,000點後，走勢一浪高於一浪，大市成交金額亦見增加，資金又再輪流炒作，無論係紅籌、國企抑或藍籌股，皆各自各精采，即使係二線、三線、四線股亦大炒落後，呢個現象都係拜美元弱過「藥煲」所賜。喺美元持續下滑嘅情況下，金管局接錢接到手軟，睇嚟美元一日唔反彈，流入本港的資金將會有加無減，資產價格難免被谷起，股市走勢相信亦是大漲小回。
小心美元突然轉強唔少專家對美元中長線看法仍然保持「睇淡」，佢哋最大的理據係，美國經濟短期強不起來，美息最快要到明年中才有能力加息。事實上，美國官員口口聲聲話要「強美元」，但心裏好明白，美國只有保持「弱美元」及低息環境，甚至再要將美元貶值，才能改善貿赤，拯救弱不禁風的經濟。
不過，世界萬物皆有地心吸力，升得多，會回跌；跌得太過，會反彈，這是正常不過之現象。美元由年初至今，對主要貨幣已跌近兩成，即使短期稍作反彈亦是合理之事，不過，那些借美元炒作的投資者，就要小心美元反彈所帶來的衝擊。
置業者供款佔薪金比例[align=left][img]http://img.eastweek.com.hk/article_multimedia/3968/2_n.jpg[/img][/align]
樓市仍然睇高一線本港豪宅近日迭創天價成交，有分析員擔心樓市泡沫愈吹愈大，向來被視為樓市大好友的瑞銀分析員王震宇更預言，樓市正重蹈97年覆轍，會喺半年後爆破。政府和銀行亦擔心樓價失控，銀行上周火速調高逾二千萬元豪宅的按揭比例，由七成收緊至六成。霎時間，大家對樓市如臨大敵。不過，樓市泡沫目前僅限於豪宅，並未蔓延至中、低價樓，所以，樓市泡沫爆破論未免係過分憂心。
猶記得97年樓市爆煲，有三大徵兆。第一係業主供款能力，97年樓市高峰期，業主供款佔收入90%；第二，當年不少市民皆參與炒樓，打工仔閒閒哋持有兩、三個單位炒賣；第三，97年嘉湖山莊樓價癲至呎價6,000元。
上述三大徵狀並未喺依家出現，首先係業主供款佔收入仍未超過40%；其次係參與炒樓的市民數目大減，大部分只作壁上觀；第三係九龍、新界有很多大屋苑的呎價約三、四千元，仍處合理水平。其實，以目前樓市情況推斷，豪宅炒風短期內並未吹至中、低價樓，樓市即使爆煲，亦不過係豪宅爆煲。豪宅爆煲對目前大部分係用家的中、低價樓嚟講，衝擊有限。
其實，全球政府今年初起瘋狂「放水」救經濟，吹起樓、股泡沫，加上美元兌歐元年初迄今已貶值近兩成，由於港元與美元掛鈎，貶值令香港資產更加吸引，引來內地及海外資金來港掃樓買股。到底這次樓市泡沫會否爆破？幾時爆破？筆者冇水晶球，但記起全國社會保障基金理事長項懷誠兩年前以啤酒妙喻股市，指無泡沫的啤酒不好飲；同樣道理，佢話如果冇泡沫，反映市場無投資，股市集資功能亦失去意義。
地產股NAV一覽[align=left][img]http://img.eastweek.com.hk/article_multimedia/3968/3_n.jpg[/img][/align]
資產折讓大 嘉華盈大可吼今年以來樓價上升咗28%。由於預期明年通脹重臨，資產有價，地產股短期有望跑贏大市，投資者若擔心樓市高處不勝寒，可留意現價比NAV（每股資產淨值）大幅折讓的地產股。地產股升浪有個特點，就係由龍頭長實（001）和新地（016）率先跑出，繼而是恒地（012）、信和（083）和新世界（017）等接力，最後才輪到大折讓的地產股。截至上周五，長實及信和股價已升越NAV（見表），以值博率計，折讓約三成的恒地和新世界有望再上。
若論爆升幅度，中、小型地產股可能短期內有更佳回報，投資者可留意大折讓的嘉華國際（173）及盈大地產（432）。嘉華在中、港發展物業，可視之為半隻內房股，由於集團喺兩年前大量買入地皮，資產值會水漲船高；而折讓高達52%的盈大地產，股價上升潛力更大，08年初李澤楷每股出資2.85元私有化盈大，與現價2.12元比較，可見盈大的真正價值被扭曲。盈大現價極具防守性，就算大市或樓市出現調整，有大折讓NAV墊底，投資者可耐心持有。
[url]http://hk.myblog.yahoo.com/stacylife[/url][align=left][img]http://img.eastweek.com.hk/article_multimedia/3968/4_n.jpg[/img][/align]
港股上周再創一年新高，短期仍然是大漲小回格局。100萬元基金倉[align=left][img]http://img.eastweek.com.hk/article_multimedia/3968/5_n.jpg[/img][/align]
頁:
[1]
