醒目老婆手術刀下救丈夫
【本報訊】公立醫院頻失誤，但到私家醫院也不能放心。有巿民腹痛到九龍城聖德肋撒醫院求診，掃描報告指事主患急性膽囊炎，有生命危險，醫生促事主兩小時內決定是否割膽。千鈞一髮之際，事主的醒目妻子對報告存疑，馬上喝止，請另一醫生診斷，發現根本毋須動手術；並揭發報告出錯，將「There is no evidence of acute cholecystitis（沒有證據顯示有急性膽囊炎）」，寫成「with evidence of acute cholecystitis（有證據顯示有急性膽囊炎）」。一字之差，病人險遭割膽。記者：張嘉雯:L :smilies14:
今年42歲的張先生，上月30日凌晨5時許，因右下腹劇痛，到聖德肋撒醫院門診部求診，院方安排他早上接受電腦掃描。10月1日早上，該院一名姓韋的女醫生帶同電腦掃描報告巡房，指張患上急性膽囊炎，他膽內有石，隨時穿破，「佢同我講咗兩次話有生命危險，建議我即刻做手術切咗個膽，叫我兩個鐘頭之內決定。」
承認出錯
醫院退還收費
張先生致電告訴妻子，醒目的張太建議他暫不要做手術，應請另一醫生診斷尋求第二個意見。張先生表示，妻子的父親也曾生膽石，「佢（妻子）話會劇痛到唔郁得，而且完全食唔到嘢；我咁好胃口，痛嘅位置又唔同，佢於是有懷疑。」結果另一名醫生同日下午為張先生診症，讀過報告後再替他檢查，「佢話我個膽係有膽石，但無發炎喎。」醫生指他根本毋須做手術。
張先生對於兩名醫生意見不一感奇怪，出院後細讀電腦掃描報告，赫然發現在「Imaging Findings（影像結果）」一欄內，印有「There is no evidence of acute cholecystitis（沒有證據顯示有急性膽囊炎）」，其後「Opinion（意見）」一欄內卻印有「with evidence of acute cholecystitis（有證據顯示有急性膽囊炎）」。該兩頁電腦掃描報告獲院方檢查部門醫生核實，收費7,600元。
「估唔到一個成8,000蚊嘅掃描都可以錯！」張質疑韋醫生只看意見一欄，又沒有詢問他臨床病徵，「就算個報告真係錯咗，醫生點解唔守尾門呢？同我講到有生命危險，如果我真係做咗手術，我會告佢。」
聖德肋撒醫院回覆本報查詢，承認電腦掃描報告出錯，已聯絡事主解釋情況，會退還電腦掃描報告收費，並提供另一份正確報告。院方表示，涉及事件的醫生正外遊，會待她回港後再作回覆。
切膽囊存風險 隨時致命
張先生對院方的回應表示不滿，「冇用o架，啲錢係保險公司畀o架嘛，賠畀我都冇用，問題係精神上受嘅打擊，兩次同我講有生命危險，我家真係親身經歷報紙上講嘅醫療失誤，估唔到私家醫院都係咁，以後我都好驚，唔會去。」
本身是外科醫生的立法會醫學界議員梁家騮表示，負責撰寫及批核報告的醫生需負上責任，「報告唔能夠作準，前線醫生要憑臨床經驗做評估。」他解釋，切除膽囊本身有手術風險，500名病人有一人可能損壞公共膽管，公共膽管連接肝臟及十二指腸，「如果損壞咗好麻煩，可能會死亡。」此外，小部份病人多年後會出現腸黏連 【本報訊】聖德肋撒醫院險割錯膽，病人互助組織聯盟副主席張德喜批評醫院疏忽。「無論公立定私家都好，都應該睇晒份報告，醫療人員應該用個心嚟工作。」張德喜對醫護人員粗心大意感到不滿，建議巿民做重大的醫療決定時，要尋求第二名專業人士的意見，今次個案的事主可向醫務委員會投訴。
有熟悉掃描部門的人士稱，一般工作量大的掃描部門均不是由醫生輸入掃描結果，「通常係個放射技師做完個影像，打晒針，做好晒啲相，然後就畀個放射科醫生寫報告，睇住片嚟錄音，書記好似默書咁默番出嚟，個醫生應該最後再睇一次先出。」今次事件相信錯手引致，不算罕見。
醫生：一定要睇埋張片
有外科醫生指，工作上不能完全依賴放射科專家，「唔可以淨係睇字，一定要睇埋張片，外科同放射科專家係兩個考慮，我哋會諗個手術難度，放射科無睇過個病人，我哋會綜合埋意見，先臨床判斷。」
另一名外科醫生也指出，看報告會留意詳細內容，不會單看「意見」欄，「個報告都係人寫，電腦都可以打錯字，如果係膽囊炎，睇吓佢有冇腫，邊度腫，周圍有冇脂肪同疤痕。」
他又指：「有啲醫生可能緊張啲，就會叫病人割咗佢。」他說工作上偶然會遇到掃描報告前後矛盾的情況，「醫生應該打番去化驗所問清楚。」:smilies14: 嘩,咁係咪即是話以後有d咩要做手術,就應該要搵另一醫生double confirm 呀:smilies19: 咁都幾煩喎...
頁:
[1]
