出帖權限設定最新安排(最高只可設定5)
由8月3日起，所有會員出帖設定權限，上限更改為５，出帖樓主可自行決定是否設定權限。同時亦希望大家可以尊重樓主決定，如發現會員於回帖要求樓主設定權限，相關回帖將會被刪除。
[b]為何作出如此安排？[/b]
GetJetso.com 立網宗旨：全民註冊會員，人人可享有源源不絕的著數。／著數網的立網宗旨，是不分新舊會員，皆可享有不同類形的著數優惠及資訊。
假如有新加入會員，發現成為會員後，仍有部份帖子未能瀏覽，他們會問：「我已經是會員，為何會這樣？」漸漸地，他會覺得無隱，減少瀏覽著數網，即使知道最新著數資訊，亦不願意和大家分享。
我們真的不希望會出現這種情況，所以才作出以上決定。各位會員，大家能夠明白及諒解嗎？
「分享著數、不分新舊、不分你我」相信所有會員都希望，亦有能力可以做到。大家有緣在著數網相聚，何不開開心心，高高興興去分享。
GetJetso.com 我會支持...:) 原意是好,但同時會否令到權限到達了5的會員以後不再留言呢? 因為已經可以看到所有的著數了!
回覆 3# imcmug 的帖子
你的意思我地明白.但無論權限設定為多少,都有機會出現你所講的情況,對嗎?
我地相信,會員發言並非因為權限,而係真心希望同大家分享.
而且發言除可以增加權限外,同時亦可以增加Jetso分,或者你會問:Jetso分有咩用途?
我地會係未來日子,舉辦一d活動,令大家明白Jetso分的用處.
差d唔記得講:多謝你既意見:smilies32: 出帖設定多少權限
真係應該尊重樓主決定囉
回覆 5# FDD 的帖子
多謝你的明白及意見:smilies32: 某程度,認同尊重樓主的決定的觀點.但亦都明白版主們的為難之處.
的確最近多左好多set權限set得比較高既帖.部份新黎步到的newcomer變左好難睇到.
會唔會有其他辦法?比如話new register的某段時間有額外既權限分.但過左該段時間後.就要視乎在new register的這段時間是否有積極發言以逹到足夠的權限去滿足要求.
我諗一般人唔至于寧願隔段時間register一個new id.都一直潛水? 贊成~
終於唔怕開post俾人追問"做乜唔set權限?"
搞到原本開post係想share著數,但最尾變左俾人怪唔set權限/set咁低權限
bottle既建議其實都可以考慮
類似新會員有一個試用期咁
不過咁樣管理員就多左好多野做啦
回覆7# bottle 的帖子
十分多謝你的意見,亦感激你的明白:smilies32:[[i] 本帖最後由 mercurywong 於 2009-8-3 10:39 編輯 [/i]]
回覆 8# simpleka 的帖子
真係好多謝你一真支持著數網:smilies28:回覆8# simpleka 的帖子
管理員應該可以唔駛特別做野.但係programe上可能會複雜d.system 到時到侯自動更改權限..
不過我其實都唔係好識呢方面既野. 多謝大家既意見,管理員一定會詳細考慮,並且研究可行性.:) 係啦係啦,希望大家都有得睇,唔好有限制@@ 權限其實唔係有心的會員的權利?大家多share多分享先有咁高權限...
我覺得尊重樓主好重要,所以我唔會叫人set....
不過自己出post...都冇得分享俾一班幫o左自己/jetso網好多o既sis...我覺得樓主有自主權可以set 幾多權限先睇到....如果唔係,依我所見,好多sis都寧願唔出post
我覺得以前好多人分享jetso
依一兩個月開始少o左...
我自己都少o左出post
其實我地唔係唔想出post
不過因為以下問題:
1.太多人為權限灌埋d無意義的水
2.太多人唔睇post...一未乜都問...明明好多好好人o既sis答o左好多次都仲問,今次lane crawford 咁,明明cash001做好總結表...但唔駛兩三頁紙又有人問...好灰架嘛
3.大家換sample就換sample喇....點解大家會為換sample出埋d古怪/唔誠實的主意,自己係拎到,但間接令其他人拎唔到?
a.lane crawford個post有人教大家改o左中獎個email去換自己想換o既野...我唔覺得值得鼓勵依種做法
明明叫抽獎....依個遊戲都變埋;
b.明明唔係會員就去拎埋人地列明for會員o既jetso,雖然依個係果間公司的漏洞,但因為唔係個個會員都有收到email,sis先出post....結果就走o左好多麻煩出黎
:smilies38:我都唔知自己打咩喇
我只係覺得出post的人可以決定番自己想set幾多,有心想睇o既人應該認同依度多分享的精神,大家先可以share落去
如果jetso網因為人流問題而控制權限setting,咁我就覺得係jetso網自己想旺d,多人識,而唔理有心係依個網的會員...依種做法只會keep到一班only拎jetso的會員,而流失真正有心的會員,慢慢個網就會冇乜好jetso而連果班only 拎jetso的會員都流失埋
:smilies32:得罪晒...唔好意思
