書展設o靚模名人簽名區 防混亂
o靚模殺入書展，出寫真集之餘又大搞簽名會，勢必吸引大批電車男逼入會展追星，有網民擔心o靚模效應下，會嚴重滋擾書迷及擾亂會場秩序，於是號召網民在下周三書展舉行首日到會場外靜坐示威；他們又要求貿發局為o靚模設立專區，減低追星族對書展滋擾。貿發局昨匆匆補鑊，表示會開放兩專區予名人舉行簽名會。網上反o靚模群組主腦之一張振海（Isaac）昨舉行記者會，強調自己不是「反o靚模」一族，但又指o靚模在書展舉行簽名會勢吸引大批追星族，令原本已人山人海的書展會場更逼更混亂，「啲人又嘈，真係好影響去書展買書同睇書嘅人。」他指，會號召網友在書展首日的下午，在金紫荊廣場靜坐半小時，要求貿發局另闢場地予o靚模舉行簽名會。
貿發局發言人昨表示，會因應不同意見檢討書展安排，為疏導人流，今屆書展採取特別安排，在新翼四樓及博覽道入口大堂設立兩個簽名專區，以減少對進入書展人士影響。發言人表示，設兩個簽名專區是因為會展中庭已完成擴建，所以能有更多空間予書商舉辦活動，強調專區不是為o靚模而設。
o靚模熱 有人反對有人撐
參展商次文化堂社長彭志銘表示，貿發局過去回應類似事件時反應都慢人一拍，「以前鄭欣宜出減肥書都有混亂，但貿發局之後一直都冇做過任何嘢改善。」他指，如o靚模簽名會發生混亂，擔心也會影響書展運作及外界對書展的評價。另一參展商商務印書館副總經理梁榮錝，則不評論貿發局另設地方予o靚模舉行簽名會一事，「由市民自己去決定好唔好啦」。
o靚模入侵書展引起激烈爭論，有人反o靚模，也有人力撐。網民sambo123在香港討論區說：「人哋出得，政府又准，就唔可以禁止佢賣啦，最多咪叫佢哋嘅出版單位包膠袋，至於啲fans好亂，係啲fans問題。」亦有網民稱：「o靚模有o靚模露，你有你看書，我唔覺得有咩問題。」
頁:
[1]
