立會收爐，議員請記者食
昨日係08/09年立法會會期最後一次大會，議員趁休會前請一眾記者朋友食嘢，慰勞下跑立法會線既記者，其中葉太出手闊綽，買咗8盤壽司請記者同其他議員食。原來上次葉太請記者食嘢時，民主黨李華明投訴葉太唔請議員，所以葉太噚日特登去幫襯肥仔明介紹既壽司店。唔少記者都擔心，天氣咁熱，食壽司會唔會好易肚痛，葉太講笑話間舖係肥仔明介紹，如果食完唔舒服，大家就搵肥仔明啦。葉太去得幫襯，除咗因為有人介紹，更加重要既原因，係間壽司店老闆係葉太既粉絲。
民建聯陳克勤就拎咗籃荔枝請記者食，食過既記者都話又大粒又甜。經濟動力既林健鋒同梁劉柔芬夜晚請記者食，有咖哩豬扒同滷水蛋、鴨掌等等。咁多既食，立法會記者室噚日好熱鬧，睇怕都會令一眾行家肥幾磅。
頁:
[1]
