揭超市陰招，優惠裝貨品貴過散裝
超巿定價陷阱無處不在，本報巡查超巿發現，大包裝產品定價並非如消費者理解較細包裝「抵」，港人愛吃中裝薯片每克計價錢較細包裝貴逾一成；而多買優惠的「至抵價」實際是至貴價，三罐優惠裝午餐肉，每克計較大罐裝貴逾三成。超巿反邏輯定價連格價專家也中招，大鬧超巿定價蠱惑，消費者到超巿購物必須帶計算機。監察物價大行動成員黃碧嬌經常使用潘婷洗髮水，愛買優惠孖裝，早前在惠康超巿購物，400毫升裝潘婷滋養防掉髮洗髮乳，原價一樽售35.9元，兩樽優惠價61元，平均每樽平宜15%，便如常打算購買，「點知睇到下層擺放同款750毫升裝，只係少咗優惠孖裝50毫升，但平咗13蚊賣48蚊。我㩒吓計算機，發現每毫升計，優惠孖裝比大樽裝足足貴近兩成。我之前俾超巿呃唔少。」
記者本月中巡查惠康超巿，發現除優惠孖裝洗頭水「搵笨」，深受港人歡迎的午餐肉定價更「呃錢」。梅林午餐肉三罐優惠裝售20.9元，每罐淨重170克，三罐合計510克，平均每克售0.041元，但較未有減價的同款397克裝、每罐售11.9元午餐肉，每克計貴了37%。另一款上海梅林B2火腿餐肉兩罐優惠價18.9元，兩罐淨重合計396克，較397克大罐裝每克貴7%。
記者巡查百佳又發現，大包裝食品定價也並非如常人理解較細包裝「抵」，珍珍燒烤味薯片60克中包裝售6.8元，每克計較35克細包裝貴了13%；瑞士三角牛奶朱古力200克裝，也較100克裝每克計貴4%。
中文大學巿場學系教授冼日明表示，超巿捉消費者「想當然」的心理，以為大包裝定價一定較細包裝「抵」，以及孖裝較優惠，反過來將大包裝定價更高來牟取最大利潤，手法蠱惑，「要做一個精明消費者，唔好俾超巿搵笨，一定要帶計算機買嘢，計番每單位嘅售價，先知道邊個size抵買。」
立法會議員李華明直斥超巿銷售手法誤導巿民，反邏輯定價搶錢，「超巿口口聲聲話優惠，消費者唔好信，一定要格清楚先買。」百佳回應根據供應商建議零售價定價，惠康至截稿前未有回覆。
超市部份蠱惑定價產品
超巿：百佳 產品：瑞士三角牛奶朱古力
包裝：100克裝/200克裝
每件售價：13.9元/28.9元
每克/毫升售價：0.139元/0.145元
每單位高低差價：4%
超巿：百佳 產品：珍珍燒烤味薯片
包裝：35克裝/60克裝
每件售價：3.5元/6.8元
每克/毫升售價：0.1元/0.113元
每單位高低差價：13%
超巿：惠康 產品：上海梅林B2火腿餐肉
包裝：397克裝/2罐共396克優惠裝
每件售價：17.9元/18.9元
每克/毫升售價：0.045元/0.048元
每單位高低差價：7%
超巿：惠康 產品：潘婷滋養防掉髮洗髮乳
包裝：750毫升裝/2樽共800毫升優惠裝
每件售價：48元/61元
每克/毫升售價：0.064元/0.076元
每單位高低差價：19%
超巿：惠康 產品：梅林午餐肉
包裝：397克裝/3罐共510克優惠裝
每件售價：11.9元/20.9元
每克/毫升售價：0.03元/0.041元
每單位高低差價：37%
監察物價大行動成員黃碧嬌表示，超巿近年喜推銷一些連小禮物優惠裝產品，最近超巿售黑人全亮白牙膏孖裝連化妝袋優惠裝，定價27.9元，「表面睇有禮物送好似有着數，但散買兩支同款牙膏只係26.8元。所謂禮品裝其實係貴咗1.1元。」
強銷多買換印花
黃碧嬌表示，以1.1元買一個化妝袋也算便宜，問題在於購買者是否有需要，「如果自己都有好多化妝袋，再多一個根本用唔着，浪費之餘，牙膏又買貴咗。」她又說，超巿經常以購物送印花換禮品招徠，收銀員更會強銷正付款顧客多買產品換取印花，「你千祈唔好中計，因之後儲埋嘅印花，好多時唔知塞咗去邊，或夾硬換咗冇用嘅嘢。」 是呀,有時買8罐裝的可口可樂可能比買12罐裝的抵:smilies02:
仲有,超市通常話星期五至日有大特價、大優惠,其實可能比平日仲貴了,大家要小心d 呀 嘩
果然係陰招
珍珍燒烤味薯片 我成日買架
遲早要去百佳惠康都要帶埋部計數機:smilies01:
我見過百佳做特價
由$60減到$59.9 特價平左一毫子:smilies08:
[[i] 本帖最後由 emma0915 於 2009-6-12 17:50 編輯 [/i]] 超市購物一定要好小心...:smilies69:
頁:
[1]
