煲呔名句網上起哄
抗疫有功煲呔特首，近排民望反彈，噚日挾住唔夠六成支持度出席立法會答問大會，好威咁講句「我意見就係代表香港人整體意見」，用「國家各方面發展得到驕人成就」回答六四問題，結果撞到灰頭土臉。佢之後解畫，先話「香港人整體意見」係指「一般港人」，然後又指議員「誤解」，跟住又認用詞有問題，向大家致歉。噚日晏晝3點幾，曾蔭權立法會代表「一般港人」講番六四言論，網上討論區即時有反應，好似高登就馬上出個「覺得曾蔭權代表唔到自己揮手區」主題，而facebook更加有7個「曾蔭權不代表我」群組出現。其中一個叫「曾蔭權不代表我，吳靄儀問得好」群組最多人加入，截至噚晚10點半已經有500幾人。
另外，由網民編輯維基百科，都有人馬上更新曾蔭權資料，加「六四問題」講話，仲寫得好詳盡。
其實煲呔應該一早估到泛民會問六四問題，佢答番官方答案「過到骨」就算啦，好做乜要代表全港市民呢？結果惹咁多人舉手企起身話曾蔭權唔代表佢。仲有，緊六四晚會、七一遊行，如果人數有乜「驚喜」，又會畀人入佢數，笑佢做「無間道」……
由於煲呔呢段偉論實在太經典，噚晚電視新聞不停咁播，Emily聽住煲呔左一句「客觀」、右一句「畀人誤解」，愈聽愈覺得似曾相識，忽然大悟﹕乜咁似個畀人踢落台學生會主席，同位用「國產電視會爆炸」國際影星？
頁:
[1]
