荃灣甜品嘩戟小甜甜 黑白豆腐
每次飯後飽到撐都好，sweet tooth 朋友們總是打個眼色嚷着要食甜品，兩秒前還說飽到食唔落，見到甜品卻雙眼發光，只因「甜品係用第二個胃消化！」來到荃灣咁多特色甜品，就算有兩個胃都容納不下，計我話，skip 正餐淨食甜品都值得！記者：吳允冲、周靜雯攝影：陳陶鈞、林栢鈞、譚盈傑Model ：Christy @ Pure Models自設「豆腐廠」 即撞滑喉豆花
[img]http://static.apple.nextmedia.com/images/apple-photos/apple_sub/20090421/large/21fb110p.jpg[/img]
■老闆凌先生將傳統豆腐加添新意，結果大受歡迎。
荃灣人氣新店「豆腐主義」，無論甚麼時段，門口總人頭湧湧，有食煎釀豆腐的OL ，亦有買新鮮豆腐的主婦。全黑裝修好型格，一洗豆品店老舊的形象。店舖黑主調，就連油鑊中煎炸的豆腐竟也是灰黑色！以為是臭豆腐，卻不聞其臭。原來這「黑豆腐」，製法跟普通豆腐無異，只是材料由黃豆換成黑豆，豆腐白臉變黑臉，豆香更濃。店舖人氣item 煎釀豆腐，面上薄薄一塊魚肉只是配角，主角是底下的三層黑豆腐，上下兩層煎至金黃，中間夾着嫩豆腐，一口咬下，外脆內滑。而這裏的木筒即撞豆腐花，香甜滑喉，是店舖的招牌甜品。這裏的豆製品全部自家新鮮炮製，「好味的豆腐，最緊要新鮮！」老闆凌先生話，「平時街市買到的豆腐，由凌晨三、四點在工場製造、送到街市、最後到客人手已過了六、七小時！」這裏廚房設有小型「豆腐廠」，師傅每日凌晨三點回店炮製豆腐，朝早七點就有新鮮豆腐賣，沽清又會有新貨補給，真的看着師傅冇停手！
黑豆豆漿$8、豆漿$6
[img]http://static.apple.nextmedia.com/images/apple-photos/apple_sub/20090421/large/21fb105p.jpg[/img]
除了黑豆腐，也有黑豆漿。新鮮豆漿豆味重，不太甜。
豆漿腸粉$9
[img]http://static.apple.nextmedia.com/images/apple-photos/apple_sub/20090421/large/21fb106p.jpg[/img]
以豆漿代替米漿做腸粉，質地較實，吃時慢慢滲出豆味，口味新鮮。
招牌即撞豆腐花$25
[img]http://static.apple.nextmedia.com/images/apple-photos/apple_sub/20090421/large/21fb103p.jpg[/img]
用木筒盛着夠特色，加上豆腐花即叫即撞，真的滑到流入喉嚨。
煎釀豆腐$8
[img]http://static.apple.nextmedia.com/images/apple-photos/apple_sub/20090421/large/21fb104p.jpg[/img]
有黑、白豆腐選擇。豆腐磚有三層，煎得外脆內滑，難怪成為不少食客心水。
[img]http://static.apple.nextmedia.com/images/apple-photos/apple_sub/20090421/large/21fb108p.jpg[/img]
豆腐主義（26120268）荃灣川龍街113號地下
甜品超市 女生讚嘆心機千層花
[img]http://static.apple.nextmedia.com/images/apple-photos/apple_sub/20090421/large/21fb125p.jpg[/img]
■老闆阿沛好有創意，每兩個月便有新出品。
數荃灣最養眼的甜品店，非沛公莫屬，一個士多啤梨千層蛋糕令少女們大叫「嘩！好靚呀！」兼流晒口水，蛋糕以十幾層超薄班戟皮夾着忌廉、栗子、青莓、曲奇、M&M\'s ……足足14款口味，現時芒果當造，更有粒粒芒果肉餡的超多芒千層蛋糕。沛公另一王牌是榴槤甜品系列，吸引好多榴槤狂專程去食，像榴槤蛋撻、榴槤甘露、榴槤鮮奶布甸等等，現選用泰國金枕頭，到下個月果王大釘當造，味道更加清香。不愛榴槤也不怕，沛公的選擇多如甜品超級市場，果凍、鮮奶布甸、椰汁味腸粉等數之不盡。家惠顧滿$20，加$1就可以有一個芒果布甸！好抵！
全士多啤梨花千層蛋糕$280
[img]http://static.apple.nextmedia.com/images/apple-photos/apple_sub/20090421/large/21fb120p.jpg[/img]
面頭足有一磅多的美國士多啤梨，十多層的班戟皮夾着幼滑忌廉，做生日蛋糕驚喜爆燈！
心花怒放$28
[img]http://static.apple.nextmedia.com/images/apple-photos/apple_sub/20090421/large/21fb121pnew.jpg[/img]
以呂宋芒砌成芒果花，班戟皮下有芒果布甸，一客有整個芒果的份量。
胚芽好立克鮮奶布甸$12
[img]http://static.apple.nextmedia.com/images/apple-photos/apple_sub/20090421/large/21fb123p.jpg[/img]
味濃如好立克糖，卻不會太甜，好多小朋友鍾意食。
脆焗榴槤酥$28
[img]http://static.apple.nextmedia.com/images/apple-photos/apple_sub/20090421/large/21fb122p.jpg[/img]
即叫即焗，熱辣辣的榴槤更加香滑creamy 。
[img]http://static.apple.nextmedia.com/images/apple-photos/apple_sub/20090421/large/21fb126p.jpg[/img]
沛公甜品（24111119）荃灣登發街1號地下
米芝蓮級 落入凡間creme brulee
[img]http://static.apple.nextmedia.com/images/apple-photos/apple_sub/20090421/large/21fb118p.jpg[/img]
■明師傅曾任職香港robuchon ，經驗十足。
行過眾安街街尾經過這小店，門面簡陋，好易走漏眼，睇真啲，裝修全無，居然有米芝蓮級甜品?!好似信唔過。事實上，開業不夠一個月的明師傅，在網上已累積不少食評，全部一致讚好，憑甚麼？兩款王牌甜品：法式焦糖燉蛋creme brulee 、意式呍呢拿奶凍panna cotta 。焦糖燉蛋優勝在忌廉比例重，質感比豆腐更滑，不會見到像蒸水蛋的蜂巢狀，入口即溶，證明蒸焗的時間掌握得好。意式奶凍特別在不計成本選用原條呍呢拿籽，不用人工化的香精，有些唔識貨的客人見到一點點黑色還以為發霉！令師傅哭笑不得。一啖奶凍入口，濃郁奶味緊貼舌頭，濃得化不開，隨之而來的是淡淡呍呢拿香，難怪有忠實食客為了她連續來了10次﹗小店有酒店級水準，全因店主阿明資歷豐富，曾任職香港米芝蓮星級robuchon 、海逸酒店、麗嘉酒店，相信有危就有機，辭工開店將酒店級甜品帶去荃灣區，堅持街坊定價，份量卻十足。西式甜品外，亦有創意生果撈，以「紅魔鬼」等球隊命名，球迷來到為表忠誠，只會捧自己支持的球隊場。
法式焦糖燉蛋（配鮮雜果）$24
[img]http://static.apple.nextmedia.com/images/apple-photos/apple_sub/20090421/large/21fb111p.jpg[/img]
面頭焦糖薄脆而不燶，輕輕一碰已裂開，比中式燉蛋更滑更香，另配鮮雜果，可中和膩感。
意式呍呢拿奶凍$21-$26
[img]http://static.apple.nextmedia.com/images/apple-photos/apple_sub/20090421/large/21fb112p.jpg[/img]
用原條呍呢拿籽，零舍濃味，宜配榴槤、楊枝甘露、芒果，與酸酸甜甜的士多啤梨最夾。
芒果黑芝麻奶凍$23
[img]http://static.apple.nextmedia.com/images/apple-photos/apple_sub/20090421/large/21fb113p.jpg[/img]
奶凍加入自磨芝麻粉，芝麻香撲鼻，奶味濃郁。
甜心$26
[img]http://static.apple.nextmedia.com/images/apple-photos/apple_sub/20090421/large/21fb115p.jpg[/img]
椰皇加入花生麻蓉湯圓，內有西米，清甜又滑。
鮮雜果杏仁豆腐$24
[img]http://static.apple.nextmedia.com/images/apple-photos/apple_sub/20090421/large/21fb116p.jpg[/img]
滑嘟嘟配雜果色彩繽紛，師傅話配木瓜最正。
[img]http://static.apple.nextmedia.com/images/apple-photos/apple_sub/20090421/large/21fb119p.jpg[/img]
明師傅（64340448）荃灣眾安街136號地下
兩啖一支 旋轉甘露Shooter
[img]http://static.apple.nextmedia.com/images/apple-photos/apple_sub/20090421/large/21fb131p.jpg[/img]
小樽最新推出的「旋轉甘露」，乍看似Shooter ，其實試管內的是楊枝甘露、火龍石榴露及香芋西米露，人人都飲得！鮮黃、粉紫、青綠色彩吸引，試管size 細細，兩啖一支，試晒三款六支都唔會太飽！店中最熱賣是木糠豆腐布甸，負責人羅先生話，坊間的木糠布甸味太甜，他以豆腐炮製，味道較清淡，更切合現時港人偏淡的口味。布甸上碟時震吓震吓好誘惑，忍不住一啖入口，軟滑又帶濃濃豆腐香，味道不太甜，唔怕吃膩。
旋轉甘露$24
[img]http://static.apple.nextmedia.com/images/apple-photos/apple_sub/20090421/large/21fb127p.jpg[/img]
外表似Shooter 夠過癮，有楊枝甘露、火龍石榴露和香芋西米露，三款味道六支奉上，兩個人食剛好。
火龍石榴露白凉粉$22
[img]http://static.apple.nextmedia.com/images/apple-photos/apple_sub/20090421/large/21fb129p.jpg[/img]
蒟蒻加椰汁製成白凉粉，配上番石榴打成的石榴露及切粒火龍果，味道清新。
木糠豆腐布甸$16
[img]http://static.apple.nextmedia.com/images/apple-photos/apple_sub/20090421/large/21fb128p.jpg[/img]
上碟時布甸「動L 」的搖搖吓，入口軟滑，豆香味濃，清甜不膩！
小樽甜品屋（37933833）荃灣荃興徑2號地下
頁:
[1]
