模特兒騙案反擊戰
[color=#005599][/color][img]http://static.apple.nextmedia.com/images/next-photos/NextMag/996/640pixfolder/N996-08F/Ricky_090328_8663.jpg[/img]
（于港民攝）
Chris廿多歲 現職會計，○三年被模特兒公司職員游說「入行」，被困多時，為求脫身，碌卡支付三萬元「學費」。後來痛定思痛，成立「反模特兒騙案網站」（[url]http://hk.geocities.com/ngi9[/url]），羅列各疑似偽模特兒公司。
[img]http://static.apple.nextmedia.com/images/next-photos/NextMag/996/640pixfolder/N996-08F/4179067.jpg[/img]
不少模特兒公司會在商場舉辦活動，趁機造勢。（《蘋果日報》圖片）
[color=#005599][/color]唔知點解，每一個俾偽模特兒公司呃完的人，都話之前有上網做功課，偏偏搵唔到我個網站。可能佢哋用「模特兒公司」查，無用「模特兒騙案」做關鍵字啦。
我每日用一小時回覆電郵，再掃吓報紙，睇吓有無新模特兒騙案出現，唔會花好多時間。我又試過陪受害人去黑店要求拎番啲錢，仲諗過應徵做星探，當係搜集資料豐富網站內容。但我太揚，好多公司想挖我出來，朋友覺得我唔使咁搏，最後打消呢個念頭，所以到現在，我都唔肯出鏡。[color=#005599]騙人公司萬變不離其宗[/color]而家啲偽模特兒公司越來越蠱惑，以前求其影幾張相就打發你走，而家會開形象訓練學校，賣埋化妝品同護膚品，仲會安排你去商場、星光大道唱歌做騷，扮到有聲有色。你唔夠job 咩，咪幫公司賣埋美容產品幫補囉，即係做埋層壓式推銷！
我跟咗呢班公司咁多年，基本上啲老闆來來去去都係嗰幾班人，當中包括亞洲小姐冠軍、過氣「電波少女」。佢哋一、兩年就改名轉地址，以為神不知鬼不覺。但佢哋點變都好，我都係嗰句，十間要你先俾錢的模特兒公司，十間都係搵笨！[color=#005599]痛定思痛幫人又自救[/color]我知自己唔算靚女，無諗過要做模特兒。沙士嗰年行過尖沙咀，有個女仔走來拍我膊頭，問我有無興趣做兼職。我當時同屋企人夾錢供樓，擔子唔輕，咪跟咗佢哋上去，睇吓係咪有兼職囉。
點知一坐低，佢哋就開口話要收錢，我想打退堂鼓，點知招呼我的女仔立即美女變巫婆，攔住唔俾我走，最後要碌卡俾三萬蚊先甩到身。
後來我喺網上討論區，集合廿幾個受害人向消委會投訴，因為人多夠牙力，最後可以拎番三分二錢走。我同兩個網友一齊成立咗呢個網站，集齊所有騙過人的公司資料，希望可以幫到同樣遭遇的人。[color=#005599]追討有道[/color]要成功追回錢，我會教佢哋寫信去消委會投訴，佢哋好落力幫受害人，最快兩個月就可以拎番啲錢，如果可以集合更多受害人投訴更快見效。我會教受害人寫低被騙經過，例如被困幾耐，他們如何逼你俾錢，然後俾我過目，等我執順封信。不過，而家騙人公司已經冇咁順攤，即使肯退錢，最多只退番一半，我只好話：「當買個教訓囉！」
這網站六年來累積超過三十萬人次瀏覽，但一個仙都無花過，我俾意見亦唔會收錢。曾經有人想同我哋合作，令個網站更有規模，但後來發現原來佢係想從中賺錢，同我哋原先宗旨相違背，我最後都冇接受。點都好，我會堅持住將個網站運作落去。（何家茵）
頁:
[1]
