投資的天空：個股脫手靜觀其變
大市急升急跌，期指上周試過單日跌近700點，亦有單日急升超過1100點，筆者曾在友報指出，若大市跌穿13355，後市便應向淡，結果13355跌唔穿就係跌唔穿，筆者繼續一邊沽大市，一邊揸股票。大型挾倉之下，股票升幅彌補了大部份期指損蝕，作為淡友，已算執番身彩。港股連連上升，筆者雖為淡友，卻早在低位已叫買股票，可惜自己也未買夠，已爆升，但當時普羅投資者似乎對股票興趣不大，近日大市表面上形勢大好，筆者反而收到不少電郵問買咩股好。其實士佳早前沽大市買股票，皆因看淡市場上個別大價股，但個別走勢亮麗的好股票，筆者卻樂於買入，博個股跑贏大市，但大市如火箭般升至14000樓上，挾淡倉意味甚濃，要現時追入股票，士佳覺得未必係好時機，筆者反而會逐步將股票脫手，再吼位慢慢造淡。讀者肯定好奇，為何筆者改變早前的平衡買賣策略？士佳並非將大市看得極淡，相反，挾倉大可不需理由，就算港股上試15850樓上水平，筆者亦不覺得奇怪。不過觀乎以往歷史，大市若非熊轉牛，大市由低位反彈最多50%左右便會止步，由10567反彈至15850，剛好50%，如今大市越升越高，向15850水平靠攏，買股的值博率已降低，相反造淡成功的機會卻有所提高，所以士佳會將手中個股逐步脫手，再吼位小注造淡。吼高極小注造淡
[img]http://static.apple.nextmedia.com/images/apple-photos/apple/20090405/large/B05_02_a.gif[/img]
大市雖然表面似食咗藥，high 到震，但其實隨時疲態畢現，何出此言？其實只要留意近日上升的股票，大多是先前跌幅較大的個股，相反，早前已升上250日平均線上的優質股，反而升得較慢，可想而知成交雖然增加，但錢卻唔係咁多，所以焦點放在二線股炒落後罷了。雖然大市升得如火如荼，寫市淡很危險，但筆者反覆思量，今次升的藉口，是改變會計制度，等同改遊戲規則去遷就毒資產，當然這是治標唔治本，好就是好，差就是差，毒資產價格雖然被歪曲，放寬會計制度後有助股價，但有毒始終是有毒，豬是不會變牛的。不過在挾市途中，叫淡沒有好下場，所以筆者也只是極小注造淡，待大市真正回落，尋了頂後，才真正下注，因為士佳根本無水晶球，唔知挾到邊。張士佳
[url]http://appledaily.atnext.com/template/apple/art_main.cfm?iss_id=20090405&art_id=12604615[/url]
頁:
[1]
