巨資買電盈恐蝕入肉 大劉：我知道邊個搞李澤楷
電訊盈科私有化鬧得滿城風雨，可能有幕後黑手。人稱「大劉」的華人置業主席劉鑾雄昨日突然高調召開記者會，質疑部份反對私有化的小股東別有用心，又爆料指有人趁電盈私有化搞事，旨在向電盈主席李澤楷報復。但對於「搞事人」的身份，他則表示「唔方便講，心中有數，知道邊個搞佢，有牽涉呢件嘢嘅人都知係邊個！」電盈主席李澤楷接受本報查詢時表示，對劉氏言論「不予置評」。記者：何凱兒劉鑾雄又向記者表示，「講個秘密你知，好似邵氏私有化，好在我同方小姐（邵氏副主席方逸華）老友，有人叫我line up （聯絡）200票反對邵氏，等佢第時賣TVB 冇咁易。」但他無披露該發起人身份，以及解釋為何會找他。昨晨10時，大劉透過華置急召傳媒下午到其華置總部，聲言是代表一群合共持2億至3億美元（15.6至23.4億港元）電盈股票的富豪朋友，剖白他們在電盈私有化事件上的「冤屈」，「我班朋友身家，少嘅5至7億，多嘅都百幾億，買呢隻股票係想賺錢，個個媽媽聲」認為市場聲音「側埋一邊」。
「爭過女朋友……都可以搞你」
[img]http://static.apple.nextmedia.com/images/apple-photos/apple/20090305/large/05la1p102.jpg[/img]
電訊盈科主席李澤楷對劉鑾雄言論「不予置評」。
大劉表示，「江湖險惡，人心更險惡，有冇人喺後面搞搞震冇人知」，並指很多為非作歹的人，喜歡整蠱別人。至於動機何在，他舉例說，「我同你爭過老婆、爭過女朋友，我都可以喺呢啲嘢（指私有化）度搞你。」不過，他與李澤楷劃清界線，「我識佢（李澤楷），但相信佢唔知我係邊個。」劉鑾雄強調，「生意佬做任何嘢係得賺錢一個動機，冇受任何人指示同壓力」。他表示，電盈去年底提出私有化建議後，自己和旗下證券行天發分三個階段買入電盈股份，純粹是「想掹車邊賺錢」，他考慮的只是私有化能否通過，完全沒有考慮後來出現小股東反對和證監會介入的問題。他估計，倘私有化失敗，電盈股價很大可能跌至3元以下；屆時他與一眾富豪朋友可能要蝕入肉。但他沒正面回應到時會如何處置手上電盈股份，只謂「可能喺我心目中係一個細數目，劈埋一邊咋。」電盈昨收報3.72元。對於有傳媒指他涉嫌參與「種票」，他謂不方便披露自己私人及公司共買入多少電盈股票，但重申只得一票投票權，「諗番轉頭我都蠢，應該叫番一千幾百個員工轉晒名，又或者送股票畀佢哋投贊成票，今次我咁大聲講，因為我得一票！好後悔，我應該係有一千票！我冇必要發毒誓，我得一個仔三個女；總之肯定我冇安排任何一個員工投票。」他又指，證監和廉署均無就事件接觸過他。劉鑾雄又謂，「唔知乜叫種票」，以他的認知，「若果係提出私有化的網通（已合併入聯通）同李澤楷叫人投贊成票先至係唔得，街外人叫人投票係冇問題。」他又指證監今次馬不停蹄「做得好好」，但質疑證監「只查贊成票，一定冇查反對過啲。」他又指獨立股評人David Webb 也是「疑兇」，「咁佢10手拆成5份，都可以叫做種票啦。」他促請傳媒查探反對的小股東持股量，到底是否夠一百萬股。
「我唔相信李澤楷會參與種票」
[img]http://static.apple.nextmedia.com/images/apple-photos/apple/20090305/large/05la1p103new.jpg[/img]
逾百名電盈小股東上月遊行反對私有化。劉鑾雄指股東會當日想親身到場與他們理論，但被家人阻止。資料圖片
對於電盈事件發展到如此局面，劉鑾雄說：「第一，搵支槍指住我，我都唔相信網通同李澤楷會參與種票，而家我叫做洗濕咗個頭；第二，作為一個小股東或市民，我冇資格去評論證監嘅介入，而家只可以聽天由命。」他補充：「（財經事務及庫務局局長）陳家強都冇講種票係刑事成份，假設李澤楷同網通冇種票，我唔明白乜嘢理由會令單嘢喎咗。」關注電盈事件的民建聯立法會議員李慧[img]http://hk.apple.nextmedia.com/new_hkfont/16px/black/FBE0.gif[/img]表示，當日每個參與股東會投票的人，都尊重投票結果，現在的焦點是究竟有沒有人幕後操控投票，她協助電盈小股東亦只是想得個明白，「查咗證明冇事，對大股東都公平。」她又謂只是關注事件，並無協助小股東反對私有化，亦「唔係搞事」。
[img]http://static.apple.nextmedia.com/images/apple-photos/apple/20090305/large/05la1p101new.jpg[/img]
華人置業主席劉鑾雄昨日爆料指有人趁電盈私有化搞事，但誰是幕後黑手則「唔方便講」。
[url]http://appledaily.atnext.com/template/apple/art_main.cfm?iss_id=20090305&art_id=12426934[/url]
頁:
[1]
