3D 超級零零狗 咬一口露一手
[b][/b]
[img]http://hk.face.nextmedia.com/images/next-photos/ketchup/088/640pixfolder/K888-078N/0l.jpg[/img]
《崖上的波兒》俾人喪鬧，好哋哋搵隻可愛波兒冧吓女咪夠囉，又走去講啲似是而非嘅環保大道理。
唔想用腦？不如改玩迪士尼新作《3D 超級零零狗》電影遊戲；你要輪流控制超能狗同小特務，大玩特務潛入+狗狗鬥一番，少少解謎、多多action ，啱晒睇慣「成龍賀歲片」嘅你！
名稱：《Bolt 》
類型：動作
機種：XBox 360
廠商：Disney
人數：1 至2 人
售價：$318
[img]http://hk.face.nextmedia.com/images/next-photos/ketchup/088/640pixfolder/K888-078N/cover.jpg[/img]
人狗大不同
《零零狗》其實係講一隻自以為真係有超能力嘅狗演員Bolt ，點樣救番佢個主人，但遊戲版唔會咁複雜，而係直接改篇其「戲中戲」，操縱少女特務Penny 同超能狗Bolt ，一版一版咁殺入惡黨大本營。有趣嘅係，人/ 狗兩個模式玩法係南轅北轍，做人時一定要隱身潛行，玩法有點似《Metal Gear 》，而做狗時卻有強大殺傷力，直升機、大炮都照咬！
[img]http://hk.face.nextmedia.com/images/next-photos/ketchup/088/640pixfolder/K888-078N/12.jpg[/img]
Bolt 能力最強時可射出「狗眼laser 」，火箭都射穿。
[img]http://hk.face.nextmedia.com/images/next-photos/ketchup/088/640pixfolder/K888-078N/15.jpg[/img]
以X 掣作連續攻擊，對手就會見頭暈，並出現一粒紅色B 字，此時埋身按B ，再按指令就能夠一擊KO 敵人。
[img]http://hk.face.nextmedia.com/images/next-photos/ketchup/088/640pixfolder/K888-078N/02.jpg[/img]
[img]http://hk.face.nextmedia.com/images/next-photos/ketchup/088/640pixfolder/K888-078N/03.jpg[/img]
不斷連hit combo 殺敵，就可以儲滿雷電計，放出極強嘅「超狗吠」
[img]http://hk.face.nextmedia.com/images/next-photos/ketchup/088/640pixfolder/K888-078N/05.jpg[/img]
[img]http://hk.face.nextmedia.com/images/next-photos/ketchup/088/640pixfolder/K888-078N/06.jpg[/img]
狗攻篇
基本都係邊行邊跳（A 掣），再用X 掣作肉搏攻擊，殺到咁上下儲夠超能力（綠色珠珠），Bolt 的超能力就會一級級咁醒覺，比如「超狗吠」可以震碎障礙物同敵人。筆者自己最喜歡Bolt 仔的連續攻擊，可以控制佢攻擊一名敵人，再跳到下一個目標身上，連殺3 人都狗不著地。比之前任何一款迪士尼卡通改篇作都要爽快。
[img]http://hk.face.nextmedia.com/images/next-photos/ketchup/088/640pixfolder/K888-078N/12b.jpg[/img]
出場時玩潛水，又戴晒夜視眼鏡，好鬼死似蛇叔。
[img]http://hk.face.nextmedia.com/images/next-photos/ketchup/088/640pixfolder/K888-078N/14.jpg[/img]
小特務Penny 支爬行鐵臂唔只用來爬牆，仲可以攻擊、開鎖、開機見到任何機關上有個紅B logo ，埋去按掣就有反應。
[img]http://hk.face.nextmedia.com/images/next-photos/ketchup/088/640pixfolder/K888-078N/08.jpg[/img]
按RB 就能夠隱身，可以埋身加多下X 暗殺對手，缺點係需要大量電力，一斷電就會現形。
[img]http://hk.face.nextmedia.com/images/next-photos/ketchup/088/640pixfolder/K888-078N/09.jpg[/img]
按Y 掣就可以開動夜視鏡，任何可以使用爬行鐵臂（按B 掣）穿過嘅地方，都會用黃色表示，等初玩者唔怕搵唔到路玩落去。
[img]http://hk.face.nextmedia.com/images/next-photos/ketchup/088/640pixfolder/K888-078N/11.jpg[/img]
[img]http://hk.face.nextmedia.com/images/next-photos/ketchup/088/640pixfolder/K888-078N/10.jpg[/img]
潛入篇
雖然電影主角係Bolt ，但我個人就認為Penny 嗰part 更有心機。呢個女仔裝備有夜光眼鏡、隱身衣、爬行鐵臂，動作7 成似蛇叔，版圖設計仲畀咗心機，好多位都要玩家用吓腦筋，自己搵出解謎過關之法。唔似一般電影game ，幾多個主角都係換湯唔換藥，後期更需要兩個主角，互補不足，好食腦。
[img]http://hk.face.nextmedia.com/images/next-photos/ketchup/088/640pixfolder/K888-078N/13.jpg[/img]
總評︰簡單唔代表簡陋
《Bolt 》算係近期做得最似模似樣的電影game ，雖然打法流於簡易，打多3 至4 版會覺得單調，但簡單唔代表簡陋，呢隻game 真係畀咗心機去做，例如第3 關hack 入電腦時會變成70 年代retro feel 射烏蠅機（見圖），左analog 移動，右analog 射擊，單係呢啲mini 已經有排你玩。
頁:
[1]
