高手過招
近農曆新年,先同大家講句新年快樂先.你想快樂定係快落,咁就睇你係好友定淡友了.
近日的蕉點,都唔想再說太多,抵唔抵,值唔值,自己去衡量,免得得罪d fans.
我只知道往績,咩叫跑贏太市,咩叫跑輸大市.未來的大家估唔到,我坐時光機返10年前同人講雷曼會執,我
估一定俾人送入青山.
之前都同大家提及過,好好控制注碼,特別響玩衍生工具方面.心態上必定要set止蝕.
如果當下注果時冇部署過係咩位做止賺/蝕,咁同賭博有咩分別呢?
近日任總行出來說海嘯第二波,他的擔心並沒錯.但呢一個係經濟面的問題,股市上未必對等.又或者已反應
,但我不會去估.因為估中/估唔中,即係1/2機會率,咁不如去賭錢.
唔講咁多廢話,就同大家過幾招啦,希望大家可以增加武力,上陣殺敵都得心應手.
(註:本人係低手低手低低手,希望引來高手指點一二,令功力提升姐.)
牛熊的定義我唔多說,因為眾說紛紜,用250MA睇好,數浪好,我唔理住,先看看以下一式:
之前成日提0既咩破位法'獨沽9劍:破位式'(自吹),其實好簡單,股市唔會WWWWWWWWWWWWWWWWWWWWWW或
MMMMMMMMMMMMMMMMMM行
一定有升跌浪,睇張大D的圖,由08年中睇起.
第一張日圖,橙線我定為浪底,先不理之前升跌同其他指標先.
如果大家一穿呢D底就開始做淡倉,止賺幾多睇個人而定.
最少0既就係,如果你走去響呢D位估底而做好,咁大家有目共睹,點玩會比較輕鬆D呢?
而近日同樣,本人響15XXX沽落來,穿左12月24低13855就加注,就算咁短時間來做淡,當今日平,都有千點獲
利了.
之前都多次說過,我唔會估頂底,只會順勢,如果到返牛市,呢個玩法就要掉轉,用破頂追頂了,即玩9陽神功
了.
第2式:超買賣式
再看看RSI,藍圈為超賣位因為近30,即點,買入訊號囉.
不過,也要看咩市.響熊市中見到超賣只可搏反彈,大家看看有幾多次RSI穿得上50.如果響牛市,多時也可穿
上返50再上一層.熊市唔係唔可以玩好倉0既,不過我認為都係近超賣來玩比較安全,但轉身一定要夠快啦.
第3式:洞防花燭...
冇啦啦講D咁0既野,睇清楚,係防....防止價位突然扯高/低時出錯姐.
燭有陰陽,在很多很多地方都有教點睇.我呢D炒仔唔睇太多野,只睇大陰大陽玩短炒,命中幾多?
大家自己數吧.
看另一張圖:
國指短期走勢.橙線指為陽,黃線為陰.唔駛講,陽咪渣,陰咪沽.大家又數下命中率幾多.
如果大家玩得再嚴格D,就算上下影線長DD都唔為列,務求增加命中率,十字星就唔玩.提升過市命中.
過住3招先...請呀!!! 第一張圖手多冇啦啦響70果度圈多左下...低手真係低手...咁都圈錯左...:smilies07:
再解釋清楚第3式:
洞悉防止令人眼花的陰陽燭:smilies43:
[[i] 本帖最後由 君嵐 於 2009-1-24 01:27 編輯 [/i]] 之前同大家講過g/u盤有機築底.可惜失敗了...
源於usd的前排上揚及英國衰退影響.已再破底.
而短期再扯上,是關usd回落.但gbp下行之勢未改.其他交叉盤也一樣,跌勢未改.
以圖論圖,若早前大家在月中用破底法玩,現在最少賺500點以上了...
不過外匯不可單靠技術分析,經濟面及基本因素也更重要,不過死牛一面頸只信指標.要隨機應變. 君嵐兄，
感謝講解--破位式及其餘兩式用法，有空請再講多啲！等我入下貴價油
島形底
島型底是一個孤立的交易密集區，與先前的趨勢走勢隔著一個竭盡裂口，並且與之後的價格趨勢相隔著一個突破裂口。在一波價格走勢後，價格在過度預期中跳空，形成竭盡裂口，在整理一日至數日後，價格反向跳空，使整理
期間的形態宛如一個孤島。
島狀底不是主要反轉型態，因為它形成的時間相當短，不足以代表主要趨勢的意義，不過它通常是一個小趨勢的
折返點。其理由明顯，因為前一個跳空發生後，不久便發生反向的跳空，顯見原來既有的趨勢在過度預期後，發生
後繼無力的現象。既有趨勢的力道在後繼無力下突然間消失，因此反向勢力便乘勢而起，便發生反向的跳空。這是
多空勢力在短時間內鮮明的消長結果。
所以當反向缺口沒有馬上被填補時，便代表多空勢力消長確立，成為趨勢的反轉訊號。
大家看看第一張圖03年5月5仔做了一個島形底後價位便一直扯上...
可是今次又如何??
看另一張圖,在本年1月29日做了島形底,可惜的是在近呢兩交易日回補裂口,若再下破足以,破壞其形.
[[i] 本帖最後由 君嵐 於 2009-2-2 19:39 編輯 [/i]]
頁:
[1]
