「曾蔭權匿響邊?」網友誓拉佢下台
【東方日報專訊】雖然再有港府高官為泰國包機事件道歉，但未能平息民怨，有市民追問期間曾蔭權(相關)「匿咗響邊」，質疑是否下屬「唔向佢（曾蔭權）報告佢可以唔理」？若然如此，即曾蔭權「可有可無」。有網友更聲言，要在曾蔭權出席公眾活動時「拉佢下台」。「即係曾蔭權可有可無」
市民李先生昨致電電台節目炮轟曾蔭權，指曾說過「我哋嘅官員唔會匿得去邊處」，以表明官員會問責；但李指，雖然曾蔭權在港，卻未講過一句說話，向曾質問：「你匿咗響邊處？」並直斥「即係曾蔭權可有可無，佢唔響處都可以得o架啦！曾蔭權冇用o架啦，唔向佢報告，佢可以唔理！」
市民鄧先生認為事件反映政治問責制有問題：「個個官員唔敢做決定，問責制仲有冇存在嘅價值！剩餘未出籠嘅副局長、政治助理，仲有冇必要呢？」他指問責制每年花費六千萬元，但包機只需約百萬元，覺得政府「使錯咗」。有市民更嘲諷政府「好似食咗安眠藥，好似冬眠咁。」
有網友留言稱，「浮雲曾」周六會到一間中學主持儀式，呼籲市民到時「去拉佢下台！」亦有網民指高官「理得你哋條條fing」，待稍後中國太空人抵港時，「佢哋會蒲番頭排隊伸脷擺尾」。有網友則發動，以後在發放msn（多媒體訊息）時都加入「香港特區政府垃圾不如」字句，以示宣洩不滿。
頁:
[1]
