Winning Eleven 2009Become A Legend
[color=#005599][img]http://static.apple.nextmedia.com/images/apple-photos/apple_sub/20081201/large/01fu100p.jpg[/img][/color]
記得喺Facebook 玩過個「你似邊位球星」的測驗，話我似美斯，「[img]http://static.apple.nextmedia.com/new_hkfont/16px/black/FAA1.gif[/img]」得人鬼咁開心。雖然明知呃細路，但都開心咗一陣子，試問邊位球迷未曾幻想過自己也會「一球成名」？現在就有機會，今集美斯做封面的《Winning Eleven 2009》行版終於見街，新加的「Become A Legend」模式，睇你腳下功夫有幾多，能否成為新一代球壇傳奇。
記者︰陸俊雄
攝影︰陳盛臣
[img]http://static.apple.nextmedia.com/images/apple-photos/apple_sub/20081201/large/01fu2p.jpg[/img]
■遊戲好有足球觸覺，連細哨已轉投AC 都跟足。
[img]http://static.apple.nextmedia.com/images/apple-photos/apple_sub/20081201/large/01fu1p.jpg[/img]
■今集焦點美斯，又係屈機之選。
[color=#005599]試腳爭取表現[/color]一有機會落場，跑到氣咳都覺得有價值，如果唔係，點對得住自己花時間為遊戲中的我設計形象和球衣。唔係講笑，「Become A Legend 」連自己的盤球、射罰球和入球後慶祝動作都可以自由設定。試腳開始時，會發現視點相當唔慣，因為《WE 》向來視點係跟波走，但這個模式卻跟玩家走，即使隊友有波都唔傳畀你，完全靠自己勤力走位，爭取表現，試完腳Ranking 高的話才有機會入間好嘅嘅球會，話唔定美斯、細哨都要餵波畀你射。其實入細球會踢住先也好，至少多機會以正選上陣；踢得好，再轉大會有幾難？
大家唔好學我，雖然揀自己做進攻中場，但當正自己艾辛咁周圍起火頭，結果未完場就已經兩黃一紅「楊過式」離開球場。事後評級「Aggress 」一項達80分。不過「Become A Legend 」入面每個玩家都係由平平無奇學起，能力值會慢慢提升起來，後生細仔無限個可能喇！[img]http://static.apple.nextmedia.com/images/apple-photos/apple_sub/20081201/large/01fu3p.jpg[/img]
■能否成為球壇傳奇，睇你煲機幾多了。
[img]http://static.apple.nextmedia.com/images/apple-photos/apple_sub/20081201/large/01fu4p.jpg[/img]
■新加模式之一「Become A Legend 」。
[img]http://static.apple.nextmedia.com/images/apple-photos/apple_sub/20081201/large/01fu8p.jpg[/img]
■首先喺背後加番自己個大名，我就揀Wicky 。
[img]http://static.apple.nextmedia.com/images/apple-photos/apple_sub/20081201/large/01fu9p.jpg[/img]
■Boot 都有得揀，穿Puma 係咪走得快嘅？
[img]http://static.apple.nextmedia.com/images/apple-photos/apple_sub/20081201/large/01fu10p.jpg[/img]
■入球慶祝動作都有得預先設定。
[img]http://static.apple.nextmedia.com/images/apple-photos/apple_sub/20081201/large/01fu11p.jpg[/img]
■我咁火爆都落到班？
[color=#005599]記者實試[/color][color=#005599]歐冠盃唔齊隊[/color]《WE 09》除了新加「一球成名」自我育成外，還加入UEFA Cup 。本來滿心歡喜，諗住英超四大球會有齊，點知只見到利記和曼聯。開波前，已經抄埋真名Save 入去用，都唔知係眼花，還是有隱藏隊，連車仔和阿仙奴都冇，認真可惜，同版權問題有關吧。
玩開大會忘記UEFA 好了，出番去在對戰模式見到晒佢哋。最新轉會都算齊，焦點曼城有羅賓奴，曼聯也有貝碧托夫。至於紅魔、利記和皇馬球衣上仲有埋贊助商Logo ，其他球會乜都冇，好悶啫。[img]http://static.apple.nextmedia.com/images/apple-photos/apple_sub/20081201/large/01fu12p.jpg[/img]
■歐冠盃模式，寫有32隊但結果冇咁多。
[img]http://static.apple.nextmedia.com/images/apple-photos/apple_sub/20081201/large/01fu13p.jpg[/img]
■慢鏡有Bugs ，波未到氣先到？
[img]http://static.apple.nextmedia.com/images/apple-photos/apple_sub/20081201/large/01fu17p.jpg[/img]
■曼聯新仔貝碧托夫唔似喎。
[img]http://static.apple.nextmedia.com/images/apple-photos/apple_sub/20081201/large/01fu18p.jpg[/img]
■C7依然好扭，做自轉動作時十分流暢。
[img]http://static.apple.nextmedia.com/images/apple-photos/apple_sub/20081201/large/01fu20p.jpg[/img]
■有番個Logo 入球係咪勁嘅？
[img]http://static.apple.nextmedia.com/images/apple-photos/apple_sub/20081201/large/01fu14p.jpg[/img]
■部份球員入波後會拎角球旗來慶祝。
[img]http://static.apple.nextmedia.com/images/apple-photos/apple_sub/20081201/large/01fu22p.jpg[/img]
[color=#005599]Profile[/color]遊戲商︰Konami
遊戲種類︰運動
遊戲平台︰PS3/ Xbox 360
售價︰$368（PS3）/ $328（Xbox 360）
頁:
[1]
