四叔跟正牌股神入市
有「香港股神」之稱的恆基地產主席李兆基，自股市逆轉後，自封為「冒牌股神」，不敢再為散戶指點路向，但對同有「股神」美譽的畢菲特則惺惺相惜。昨日李兆基出席一公開活動後更說，要跟畢菲特入市，並直言「呢條友係有啲用！」 記者：劉碧思中央一而再推出救市方案，人稱「四叔」的李兆基昨日出席順德聯誼總會李兆基中學30周年校慶後表示，中央救市有助經濟穩定發展，對股市有利。對於港股未來表現，四叔以八字概括「盛極必衰，衰極必盛」。他指出，較早前恆生指數升破三萬點，就是「盛極」，所以現時是「盛到盡時，咪變衰咋，啲股票衰到貼地咁滯咋！」不過，他仍然為股民派定心丸，「衰到極端，佢就會興盛番，而家都唔知衰夠未，但都係衰過面，就嚟應該衰極必盛。」四叔更以股神畢菲特為例，「美國畢菲特股神，佢都已經入市、佢都睇好，呢條友係有啲用，佢都入得市，就算再衰，都唔會好多。」
「搵啲跌得犀利嘅嘢買」
不過，四叔透露現時自己的投資策略是按兵不動，「買得多又唔敢，賣又唔想。個市衰退未定，但我睇佢而家已經衰緊，再衰啲，應該冇得再衰，所以學畢菲特咁，佢係做得岩！」四叔一而再說要跟畢菲特入市，但去年10月股市企穩三萬點時，四叔的投資取向卻與畢菲特南轅北轍。當時四叔公開點名七隻國企紅籌股，包括國壽、中石油、神華、招行、碧桂園、中國海外及富力地產，認為可趁低吸納。另一邊廂，同樣是去年10月，畢菲特由美國遠赴中國大連，當時他指出，內地股市已過熱，呼籲投資者小心。四叔點提的七隻股票中，畢菲特早於去年7月已開始減持中石油，又直指國壽並不在他的選股之列。提到國壽，四叔早前才沽出部份股份，他解釋此舉是為了換馬，「搵啲跌得好犀利嘅嘢買，咁都冇蝕底。」但四叔這次並未有披露他的「購物名單」，只叫股民「總之你自己嘅心水，你認為邊隻跌得最犀利嘅，有前途嘅，你咪小小哋玩吓咋！」
買澳元「衰咗」仍睇好
除了投資股票，四叔亦有買賣外幣，並曾教散戶買入澳元，可惜近期澳元顯著回落，雖然再被問及澳元投資時，四叔說：「衰咗，唔敢講嘢！」但仍堅持長線睇好澳元，「一、兩年後，港元兌美元，同澳元兌美金，我鍾意澳元多啲，長期睇㗎，唔係短。」雖然不知衰退至何時，但他指出，當市民重拾信心、回復消費意欲、有信心買樓、港股重返二萬點水平，便是衰退完結時。他希望這片好景會在明年出現。對於有政黨提出藉派發消費券刺激零售市道，四叔認為有關措施只屬一次性，成效有限，但「有都好嘅」。至於如何度過現時困境，四叔勉勵市民要「勤力做嘢，開源節流，等候時機」。
你想知 想講 想問？
四叔說要跟畢菲特入市，你有更好的投資之道嗎？請即上《蘋果》網頁http://appledaily.atnext.com 留言喇！或電郵至：mailto:focusgroup@appledaily.com傳真：37112411手機短訊：63836568
[img]http://static.apple.nextmedia.com/images/apple-photos/apple/20081129/large/29la2p1a.jpg[/img]
四叔李兆基昨日為捐贈650萬元擴建的新教學大樓剪綵，步往大樓時，與學生言談甚歡。 程志遠攝
頁:
[1]
