Asus Eee PC進化上枱
Asus Eee PC 大賣！連美日大廠都不得不跟風向，喪出平價NetBook 跟潮流！食過翻尋味嘅Asus ，一於要再下一城，將Eee PC 擺上Desktop ，配搭一個16\"16:9輕觸式屏幕，成為Eee Top ！要講速度雖然唔算頂級，不過連屏幕一體化機身，開價$4,688，應該有吸引力吧！記者：許福合攝影：王文忠擺明上網文書規格
[img]http://static.apple.nextmedia.com/images/apple-photos/apple_sub/20081126/large/26fu10p.jpg[/img]
1.手挽式腳架幾靚仔，機背有4組USB 2.0及網絡介面。
四千幾蚊買部新Desktop ，仲要連埋芒，以前絕對係夢想，Eee Top 之所以有個咁出位價錢，其實睇其規格表都可略知一二。操作系統雖然都係大家熟悉《Windows XP Home 》，不過背後撐住嘅處理器就係與Eee PC 同級嘅Intel Atom N270，記憶體亦係1GB DDR2，由於同樣係用內置945GSE 晶片組，所以顯示能力亦與Eee PC 無分別，簡單啲講句即係上吓網，打文件都OK ，但若想玩3D 遊戲，就頂唔住喇！想睇DVD 解悶？Sorry ！雖然Eee Top 並非全面All In One ，光碟機完全欠奉！想睇碟或安裝軟件，請自備USB 光碟機啦！
[img]http://static.apple.nextmedia.com/images/apple-photos/apple_sub/20081126/large/26fu12p.jpg[/img]
2.跟機會有類似Notebook 設計鍵盤及白色滑鼠，襯番顏色成一對。
[img]http://static.apple.nextmedia.com/images/apple-photos/apple_sub/20081126/large/26fu5p.jpg[/img]
3.130萬像素眼仔放芒頂，方便玩視像通話。
[img]http://static.apple.nextmedia.com/images/apple-photos/apple_sub/20081126/large/26fu11p.jpg[/img]
4.機側有2組USB 2.0及SD/MS/MMC 讀卡器。
[img]http://static.apple.nextmedia.com/images/apple-photos/apple_sub/20081126/large/26fu14p.jpg[/img]
5.唔想個芒印滿手指模，都係用Stylus 。
16\"篤芒認字麻麻
[img]http://static.apple.nextmedia.com/images/apple-photos/apple_sub/20081126/large/26fu13p.jpg[/img]
■直接用手指篤芒都無問題，反應仲幾好。
Eee Top 外形相當不俗，真係有幾分似Apple iMac ，而且仲有黑同白兩種顏色揀，機底用上個透明底座，仲會有藍燈LED ，配埋個獨立按鍵鍵盤及滑鼠，放喺屋企相當討好。至於Eee Top 最大賣點，當然要首數佢個16\"16:9輕觸式屏幕，屬於壓力及單點感應，雖然唔可以學似iPhone ，用兩隻手指任捽，但反應尚算無問題；跟機有Stylus ，怕煩直接用手指篤亦得。開機後會自動進入《Asus Easy Mode 》軟件，當中會包括Asus 應用程式、《StarOffice 》及影音工具等，這些軟件特點係按鍵一般比較大粒，用筆或手指篤都比較方便。Eee Top 亦對應中文手寫輸入，實際測試時發現認字率一般，記者試寫個「蘋」字，就寫咗5、6次先成功，相信有好大改進空間！
[img]http://static.apple.nextmedia.com/images/apple-photos/apple_sub/20081126/large/26fu8p.jpg[/img]
6.底座使用透明設計，仲會有藍光燈LED 。
[img]http://static.apple.nextmedia.com/images/apple-photos/apple_sub/20081126/large/26fu15p.jpg[/img]
7.開機會見到Easy Mode 及Eee Bar ，主要方便篤芒而設計。
[img]http://static.apple.nextmedia.com/images/apple-photos/apple_sub/20081126/large/26fu16p.jpg[/img]
8.Easy Mode 內置多種文字處理及上網等實用軟件，買番嚟就用得。
[img]http://static.apple.nextmedia.com/images/apple-photos/apple_sub/20081126/large/26fu17p.jpg[/img]
9.內置有中文手寫輸入，不過認字唔多準。
Asus Eee Top Profile
處理器Intel Atom N270記憶體1GB DDR2晶片組Intel 945GSE硬碟160GB屏幕16吋16:9輕觸式網絡802.11/LAN/ 藍芽2.0相機130萬像素系統Windows XP Home機身顏色黑、白查詢Asus （35824770）
[img]http://static.apple.nextmedia.com/images/apple-photos/apple_sub/20081126/large/26fu4pzok.jpg[/img]
[img]http://static.apple.nextmedia.com/images/apple-photos/apple_sub/20081126/large/26fu18p.jpg[/img]
[img]http://static.apple.nextmedia.com/images/apple-photos/640pix/20081126/Article_LiveMag/26fu1pnew.jpg[/img]
頁:
[1]
