這一浪不敢奢望翻身 金融老兵逃亡異鄉
這一浪不敢奢望翻身金融老兵逃亡異鄉海嘯求存 故事見報的時候，主角已經被這場海嘯捲到老遠的北美洲了。87股災、98金融風暴、03沙士瘟疫，經紀佬鄧立仁都安然度過，再來一股巨浪，金融戰場上廿多年的老兵，還是要棄械投降。這名經紀在金融海嘯下失業，前路跟股市一樣，失去方向，最終選擇移民。逃亡，是為了求生。 記者：蔡元貴
鄧立仁1986年入行，當了廿年股票及外匯經紀，身經百戰。87股災、98金融風暴、01科網泡沫爆破、03年沙士疫潮，統統撐得住：「98年我逃過一劫，個天好睇我。01年科網股爆破，因為銀行減息，對外匯市場影響不大，我又冇事。03年沙士，我冇咗份工，於是同個仔過咗加拿大，但係好快就返番嚟。」經紀鄧持有加拿大國籍，妻兒都在加國。
走唔出一個「貪」字
[img]http://static.apple.nextmedia.com/images/apple-photos/apple/20081110/small/10la7p2s.jpg[/img]
金融海嘯沖擊，港股重創。資料圖片
沙士疫潮過後的數年間，經濟逐漸復蘇，股海匯海風平浪靜，沒有人再理會暴風雨何時再來。經紀鄧說：「個市未跌之前，冇人諗到會有今日，一時又話奧運年，一時又話資金自由行、直通車，阿爺會睇住香港，個市唔會衰嘅。」處身金融海嘯的苦海深處，鄧立仁早就感受到風暴的山雨欲來。踏入今年初，幫襯銀行購買投資工具的客戶已明顯不及去年：「雷曼未爆，我哋班行家已經聞到[img]http://hk.apple.nextmedia.com/new_hkfont/16px/black/FBCF.gif[/img]味，整個銀行業嘅sales 都搵唔夠數，sales 個個要揼石仔搵客，雷曼單嘢不過係加速死亡。」經紀鄧認同，海嘯前的投資市場，健康狀況已令人憂慮。近年投資產品越來越多，例如雷曼兄弟迷你債券，又如衍生工具accumulator 。他說，accumulator 近年開始流行，去年炒風甚盛，因為很多人從中賺大錢。這種投資工具本來是對沖產品，事實上卻是用作對沖的少，投機的多。直至今年大跌市，投資者才如夢初醒。「產品本身冇錯，錯就錯在啲人貪勝不知輸，以為賺梗。所有投資失利嘅故事都係一樣，萬變不離其宗，走唔出一個『貪』字。」經紀鄧說。
工作緊張常咬脷出血
9月中，大災難爆發了，經紀鄧不久即被辭退。他試圖再找工作，發覺巨浪下如何掙扎，結果都是徒然。有點沮喪有點化，經紀鄧決定離家出走，離開香港；好聽一點，是與加拿大的家人團聚。被金融海嘯沖到遙遠的彼岸，鄧立仁不敢奢望可以翻身：「過去幾次大鑊嘢，都翻到身。但係今次牽連太大，所有問題一環扣一環咁整冧個經濟，都唔知幾時先可以復蘇。就算一年之後復蘇，人哋已經唔記得你。」至於他的戰友，「有啲知難而退，自己起身，轉行求生；有啲就等緊過日……被人炒過日。」CNN 曾報道，美國不少老牌投資顧問丟了飯碗，一些甚至轉行由低做起。經紀鄧的反應是豪氣加晦氣：「轉行做低技術勞工？我都有諗過，到咗加拿大之後，最理想嘅工作會係乜？我覺得最好就係朝九晚五，唔使用腦，人工好低都冇所謂。不過老婆鬧我，話就算係都唔好俾個仔知，費事教到個仔冇晒上進心。」一點安慰，是終於可以每天跟太太兒子吃早餐看電視，可以放下廿年來繃緊的肌肉：「買賣外匯嘅生活好忙，個市嘅氣氛會令人好緊張。我自從做咗經紀之後，成日咬脷，[img]http://hk.apple.nextmedia.com/new_hkfont/16px/black/FBF6.gif[/img][img]http://hk.apple.nextmedia.com/new_hkfont/16px/black/FBF6.gif[/img]吓覺咬到條脷出血，呢個月冇嘢做，先至咬少咗。」記者沒有問，如果可以選擇，經紀鄧，你寧願繼續咬脷還是拿著單程機票告退？
顧問建議兩招抗逆：北上搵食 降價求職
[img]http://static.apple.nextmedia.com/images/apple-photos/apple/20081110/small/10la7p3.jpg[/img]
人力資源顧問指出，內地金融業需求人才，未嘗不是一條出路。
像經紀鄧那樣，在同一行業打滾了廿多年，飯碗碎了，可以怎樣？人力資源顧問指出，內地經濟未如香港般慘淡，仍有大企業聘用香港人，特別是金融及建造業。若因種種因素未能北上謀生，惟有向現實低頭，轉行割價求售。「最近開始有客上嚟搵工，話唔計較返大陸做嘢。」中原專業人事顧問公司董事總經理周綺萍說，兩年前起，越來越多跨國金融機構在內地設立辦事處，招聘香港人，但金融海嘯之前，沒有香港人感興趣。如今本港金融業接連裁員，內地的銀行卻仍有空缺，未嘗不是一條出路。
薪酬不比香港差
匯豐銀行執行董事王冬勝在金融海嘯後也鼓勵過港人北上搵工，周綺萍說，目前最多針對港人的空缺是金融業及建造業。她指出，跨國企業提供的薪酬不比香港差，問題是香港人能否適應：「試過有個應徵者受聘上杭州，聽到個名都算係大城市，以為OK ，合約都簽埋，點知上到去發覺環境太悶，適應唔到，即刻返落嚟。」港人北上求生已非新鮮事，但並不是所有人都能適應內地生活。假如無法衝出香港，就要接受委曲求全的現實。合眾人事顧問總經理蘇偉忠說，03年沙士一疫，不知多少人丟掉飯碗，「有個客做開船務主管，月入三萬幾，被迫轉行做貿易，降級為經理，得番萬五銀，但係都要做，唔做唔知幾時先有工開。」
[img]http://static.apple.nextmedia.com/images/apple-photos/apple/20081110/small/10la7p1.jpg[/img]
鄧立仁在股市及匯市身經百戰，最終逃不過金融海嘯沖擊，選擇移民離開香港。蔡元貴攝
頁:
[1]
