YouTube Live 全球直播
而家登入[url]http://www.youtube.com/live[/url]，已經可以見到YouTube Live 嘅專用網頁，更不斷有新表演嘉賓加入。[img]http://hk.face.nextmedia.com/images/next-photos/ketchup/076/640pixfolder/K876-078N/21p.jpg[/img]
近排日韓天后BoA 進軍美國出英文碟，最值得留意係佢善用internet 做宣傳渠道。除咗iTunes 、Amazon 、韓國Cyworld ，以至AT&T 同T-Mobile 手機網站有佢新歌dl 外，YouTube 亦有主打歌《Eat You Up 》美版同韓版MV 睇。睇完YouTube 更跟手介紹YouTube Live 直播活動，好似好得意！
原來YouTube Live 將會響香港時間11月23日早上8時直播美國嘅演唱會，而到下午1:30則會由日本接力開show 。美國方面會有Akon 、Black Eyed Peas 嘅Will.i.am 、Esmee Denters 等做嘉賓，而日本就由BoA 打頭陣並兼任兩show 之間嘅主持，其餘嘉賓就有Ayuse Kozue 、Kreva 等。睇YouTube 搵舊片就多喇，睇直播都係第一次。可惜係YouTube 話幾時再有直播就未知，如果唔係佢隨時可以變身全球最大直播頻道㗎！
作為亞洲歌手，BoA 首《Eat You Up 》響Amazon 同iTunes 都有不俗評價，其中Amazon 更係5星滿分。
[img]http://hk.face.nextmedia.com/images/next-photos/ketchup/076/640pixfolder/K876-078N/22p.jpg[/img]
筆者雖然最鍾意睇韓國MV ，但今次《Eat You Up 》嘅美版MV 真係好睇過韓版，至少有BoA 性感look 嘛，上YouTube 打BoA Eat You Up 就搵到。
[img]http://hk.face.nextmedia.com/images/next-photos/ketchup/076/640pixfolder/K876-078N/23p.jpg[/img]
頁:
[1]
