股路縱橫：快到收成期光國伺機博反彈
雖然歐美國家齊心合力救市，但對沖基金一日未沽完貨，股市跌勢就難止，走勢仍然會小上大落。去年嘅大旺市，係對沖基金炒上去，家吓大跌市，又係佢哋捉落嚟，不過，佢哋要沽嘅都應該沽得八八九九，等沽埋尾數後，大市先會有喘息機會，亦會開始孕育一次恐慌拋售後嘅大型反彈，預期恆指初步可上番16000至18000點。恆指由本月10日低位14398，反彈上17141後再尋底，上周五低位14554，若短期守得住14000點關口之上，就有機會形成小雙底回升，今次係博反彈的大好機會，大市預期升幅係1至3成，但個別大中細股嘅升幅可逾5成，甚至以倍計。
光大國際（257）係國家環保政策嘅受惠股，半年前，股價仍高近3.50元，上周五已跌到最低0.85元，大跌75%，更去番兩年前水平。
事實上，兩年來，光國全速發展，現時已成為內地環保行業的龍頭公司，隨著發展項目逐步完工，光國明年會進入收成期。大市跌定回升，光國亦會強力反彈。
PE 回到單位數[url=http://static.apple.nextmedia.com/images/apple-photos/apple/20081020/large/B11_01_a.gif][img]http://static.apple.nextmedia.com/images/apple-photos/apple/20081020/large/B11_01_a.gif[/img][/url]
08年（12月年結）的上半年，集團營業額7.88億元，升52%，經營盈利2.71億元，升31.8%，股東應佔盈利1.34億元，減20%，主要係期間並無非經常性盈利（前同期有3734萬元），以及新稅法下稅項支出達5670萬元（前同期有淨撥回144萬元）。每股基本盈利4.28仙，中期息派0.6仙。
集團的環保項目包括污水處理、垃圾焚燒發電和沼氣發電等，主要分為4大板塊，分別係江蘇垃圾焚燒發電廠板塊、山東污水處理板塊、蘇州光大國家靜脈產業示範園板塊，以及環太湖流域水環境治理板塊，共有項目22個，總投資50.5億元人民幣，已完成投資36.5億元人民幣，設計規模包括年處理生活垃圾約150萬噸、年上網電量4億度、日處理污水150萬噸，以及年處理其他廢物約2萬立方米。
08年全年，估計光國盈利可達3.1億元，每股盈利10仙，預測PE 不足9倍，09年進入收成期，盈利會大增，PE 調低到6至7倍之間，以環保股而言，頗為吸引，短線伺機博反彈，亦可趁低吸入作中線持有。
郭兆誠
頁:
[1]
