Cash is King 現金購物抵過信用咭
[b]現金才是王道，買嘢都係畀cash ，剪爛張信用咭把啦！[/b][img]http://hk.ketchup.nextmedia.com/images/next-photos/ketchup/070/640pixfolder/K870-089N/OP.jpg[/img]
多得消委會早排踢爆，大家先知原來用信用咭買嘢，鋪頭係唔可以將銀行收取嘅手續費轉嫁畀顧客，亦唔可以為簽賬額設下限，貨款要過指定金額先畀人碌咭。鋪頭違規嘅話，客人有權向銀行投訴同追討手續費。
過一輪份份報紙都賣行晒呢單新聞，嚇窒晒啲鋪頭仔，唔夠膽再收手續費。但過咗一排，見風聲冇咁緊，啲鋪仔又開始收番碌咭charge ；就算唔敢明目張膽收，都會借頭借路將筆手續費加入貨價入面，如果唔碌咭畀現金嘅話，件貨就可以平番。所以話呢，碌咭雖然唔使即刻現兜兜畀晒錢，但買嘢都係用現金抵啲。
[b]細鋪死都收charge[/b]
曾幾何時，連某啲手機、DC 、影音連鎖店都會收碌咭手續費，但近年開始有人知道唔可以咁做，有啲鋪俾人投訴完，已經唔再收人手續費；百老匯、豐澤呢啲最大嘅電器鋪，全香港[img]http://hk.apple.nextmedia.com/new_hkfont/16px/black/C8C0.gif[/img]到實，自然唔敢收啦！但好似先達過啲細鋪仔，賣嘅貨劈價劈到爛咁滯，賣一部$3,000手機可能只有$100賺，要佢哋自己啃埋銀行幾％手續費，隨時等如白做，所以佢哋實唔制，冒住被投訴嘅危險都要收人手續費。
[img]http://hk.ketchup.nextmedia.com/images/next-photos/ketchup/070/640pixfolder/K870-089N/m04.jpg[/img]
[b]先達放蛇[/b]
我是但走入先達一間鋪話要買Nokia N81，拎住張信用咭時，就算點講價，個sales 都話要$2,980，點知我一話畀現金，佢就即肯減到$2,880，平咗$100大約就係手續費條數。
[b]Game 鋪賣機同game 嘅利潤仲微過賣手機，所以實諗計令客唔好碌咭，畀現金有得平係最有效方法。[/b]
[img]http://hk.ketchup.nextmedia.com/images/next-photos/ketchup/070/640pixfolder/K870-089N/add2.jpg[/img]
[b]假特價引人畀現金[/b]
但為避耳目，而家好多鋪仔都改玩「現金特價」呢招，即係譬如一部手機本來賣$3,000，見你要碌咭，就同你講部機賣$3,100，但再話你知如畀現金嘅話，就有特價優惠平$100，最後部機都係賣$3,000。呢條橋仲將銀行所收$90左右嘅手續費，預先加咗落機價度，開單時就寫$3,100，冇任何字眼提及$100手續費，就算事後你想向銀行追番筆錢，都因為冇證據而追唔到。
[b]多收手續費cap 水[/b]
鋪頭收碌咭charge 仲有個蠱惑位，就係唔同銀行向鋪頭收嘅手續費％比例都有唔同，有啲可能只收2%左右，甚至試過有冷門咭直情唔收添。但鋪頭逢親客人碌咭買嘢都劃一收3%，甚至獅子開大口到4%，中間個差額咪鋪頭自己落袋咋。
[b]電器鋪放蛇現金VS 信用咭[/b]
電器鋪雖然唔會收信用咭charge ，但如果唔碌咭、唔分期，其實買嘢一向有現金特價。因佢哋表面要跟建議零售價賣貨，想劈價就要私下行事，但用信用咭找數嘅話，中間牽涉嘅機構多咗，較易被發現件貨賣幾錢，畀現金就只得間鋪知賣價係幾多，代理查唔到就冇得詐型。至於現金會平幾多，各種貨品都會唔同，等我再搵百老匯做放蛇目標，問吓價畀大家睇啦！
[img]http://hk.ketchup.nextmedia.com/images/next-photos/ketchup/070/640pixfolder/K870-089N/m15.jpg[/img]
[img]http://hk.ketchup.nextmedia.com/images/next-photos/ketchup/070/640pixfolder/K870-089N/m16.jpg[/img]
[b]舊款手機現金平得多[/b]
Nokia N958GB 版係出咗就快1年嘅舊機，而家公價係$5,588，碌咭就照畀呢個價，但sales 話現金價只係$5,280，平足$308，即係成5.5%，抵！
[img]http://hk.ketchup.nextmedia.com/images/next-photos/ketchup/070/640pixfolder/K870-089N/m11.jpg[/img]
[img]http://hk.ketchup.nextmedia.com/images/next-photos/ketchup/070/640pixfolder/K870-089N/m12.jpg[/img]
[b]新款手機現金平少少[/b]
再問新出冇耐嘅Nokia 6210Navigator ，公價係$2,988，由於部機太新，百老匯嘅現金優惠唔算好多，賣$2,930，只平咗$58，即係得1.9%。
[img]http://hk.ketchup.nextmedia.com/images/next-photos/ketchup/070/640pixfolder/K870-089N/m13.jpg[/img]
[img]http://hk.ketchup.nextmedia.com/images/next-photos/ketchup/070/640pixfolder/K870-089N/m14.jpg[/img]
[b]最hit 產品現金冇得平[/b]
放蛇過日第4代8GB iPod nano 岩岩出，咁hit 嘅產品，連貨都唔夠賣，百老匯仲點會有現金優惠價益你，所以無論碌咭定畀現金，個價都係$1,150。
[b]追數要有證據[/b]
講咁多，結論係去任何地方買數碼產品，最抵都係畀cash 。但假如你過時真係好手緊，一定要碌咭又畀人硬屈手續費嘅話，記住要間鋪喺單據上寫明邊個金額屬於信用咭手續費，咁先可以向銀行追討番筆錢。仲要快手喎，因為多數銀行只接受月結單發出後60日嘅退款申請。
[b]電機兒[/b]
見盡奸商、騙徒，恃住有幕後高人力撐，唔怕得罪人，有過句講過句！ 好早就知了~
用信用卡買就無得平,比現金可以平500~ 我真係唔知喎:smilies10:
咁等我試下同銀行追唔追得番先:smilies11:
但係呢...我見到啲診所都話要收3%...係咪唔得架...?
[[i] 本帖最後由 pud 於 2008-9-28 11:42 編輯 [/i]]
頁:
[1]
