名將新波衫劈價搶客曼聯新前鋒貝碧托夫球衣最搶手
[b]劉重學表示，曼聯前鋒貝碧托夫穿著的9號球衣是今個球季最受歡迎的球衣。黃建通攝[/b][img]http://static.apple.nextmedia.com/images/apple-photos/apple/20080913/large/13ls3p2.jpg[/img]
【本報訊】英超聯賽、意大利足球甲級聯賽等最近紛開鑼，暫時未知鹿死誰手，而名將新球衣已鬥得難分難解。有本港球衣專門店最近劈價一成搶客，暫以曼聯前鋒貝碧托夫9號球衣最火熱，利物浦的羅比堅尼及AC 米蘭的朗拿甸奴球衣也搶上。但靚仔球星如利物浦費蘭度托利斯的戰衣最受年輕型格女性追捧。記者：鄧愷欣
球衣專門店352大本營負責人劉重學表示，今年球衣來貨價較去年上升5%，但本港巿況欠佳，英超聯賽等剛開鑼，新上市的球衣馬上劈價一成促銷，生意額會較平日多三成左右。今季最受歡迎的球衣，首推在轉會期限最後一小時才決定以3,000萬英鎊，由熱刺轉會至曼聯的保加利亞前鋒貝碧托夫穿著的9號球衣，「佢件波衫到而家總共賣咗成80件」。劉說，今屆曼聯的白色作客球衣以藍色燙字也是另一大賣點，「曼聯咁多年都係用黑色或者白色燙字，未試過用藍色，所以都比較受歡迎」。
[b]利物浦作客的灰色球衣是復古版，又型又潮。[/b]
[img]http://static.apple.nextmedia.com/images/apple-photos/apple/20080913/large/13ls3p3.jpg[/img]
[b]利物浦復古版夠型[/b]
劉重學續稱，另一熱賣產品則屬新設計利物浦球衣，將以往有領及修身偏長的設計，改為今屆V 領及較短身及鬆身，當中又以作客的灰色球衣最特別，最受歡迎的是愛爾蘭前鋒羅比堅尼7號球衣，「灰色係復古版，係80年代嘅設計，又型又潮」。
AC米蘭的球衣除沿用紅黑間色外，領口設計亦由V 領改為圓領，其中細哨朗拿甸奴的80號球衣不乏捧場客，代表其出世年份。近年也有較多人購買皇家馬德里的球衣，今屆則以史奈達穿著的10號球衣最多人選擇。
飛龍球衣專門店主任孫啟宇則表示，除男球迷搶購球衣外，近年更有不少年輕女士購買球衣，「啲女仔選擇波衫通常係跟男朋友鍾意邊隊就買邊隊，或者買靚仔球星嘅波衫，好似C 朗拿度嘅7號球衣，同埋費蘭度托利斯嘅9號球衣。佢哋都好豪，唔理價錢唔會講價，岩Size 就買」。
[b]部份熱賣球衣[/b]
球會：曼聯 熱賣球衣：貝碧托夫9號球衣 價錢：679-820元
球會：皇家馬德里 熱賣球衣：史奈達10號球衣 價錢：620-719元
球會：AC 米蘭 熱賣球衣：朗拿甸奴80號球衣 價錢：650-699元
球會：利物浦 熱賣球衣：費蘭度托利斯9號球衣 價錢：460-589元
球會：利物浦 熱賣球衣：羅比堅尼7號球衣 價錢：460-574元
頁:
[1]
