Audrey老公感動全場女士
Audrey老公感動全場女士(明報)9月5日星期五05:10
【明報專訊】俗語話「成功男人背後都會有一個幫得手嘅女人」，但喺公民黨 魁余若薇 （Audrey）身上剛好相反，佢踏足政壇8年，每當選舉時，老公胡健維醫生都會全力支持，就連腰痛都會頂硬上，戴住腰封去洗樓同派單張。噚日，公民黨喺新界西搞造勢大會，撐張超雄 之餘，又為Audrey大呼「告急」，會上選戰氣氛濃烈，但亦充滿溫情。
事關胡醫生噚日以「神秘嘉賓」身分出現，仲讀出「愛的宣言」，佢望住Audrey講：「我無辦法幫你取得10萬選票，我手中只係得一票，但會堅定不移地投給你。同行30年，我唔單止覺得你係一位好老婆，我亦可以大膽咁講，你喺我眼中，一定係最好嘅立法會 議員。」說到這兒，在場嘅女士包括陳淑莊、毛孟靜都眼濕濕，相當感人。
頁:
[1]
